Lysias, Speeches, Ὑπὲρ τοῦ Ἐρατοσθένουσ φόνου ἀπολογία 4:

καὶ ταῦτα οὐκ ἂν εἰή μόνον παρ’ ὑμῖν οὕτωσ ἐγνωσμένα, ἀλλ’ ἐν ἁπάσῃ τῇ Ἑλλάδι· περὶ τούτου γὰρ μόνου τοῦ ἀδικήματοσ καὶ ἐν δημοκρατίᾳ καὶ ὀλιγαρχίᾳ ἡ αὐτὴ τιμωρία τοῖσ ἀσθενεστάτοισ πρὸσ τοὺσ τὰ μέγιστα δυναμένουσ ἀποδέδοται, ὥστε τὸν χείριστον τῶν αὐτῶν τυγχάνειν τῷ βελτίστῳ· οὕτωσ, ὦ ἄνδρεσ, ταύτην τὴν ὕβριν ἅπαντεσ ἄνθρωποι δεινοτάτην ἡγοῦνται.