Athenaeus, The Deipnosophists, Book 6, book 6, chapter 104

(아테나이오스, The Deipnosophists, Book 6, book 6, chapter 104)

πρὸσ ταῦτα ἀπαντήσασ ὁ Λαρήνσιοσ ἔφη· "ἀλλὰ Ῥωμαίων ἕκαστοσ οἶδασ δ’ ἀκριβῶσ ταῦτα, ὦ καλὲ Μασσούριε πλείστουσ ὅσουσ κεκτημένοσ οἰκέτασ· "καὶ γὰρ μυρίουσ καὶ δισμυρίουσ καὶ ἔτι πλείουσ δὲ πάμπολλοι κέκτηνται, οὐκ ἐπὶ προσόδοισ δέ, ὥσπερ ὁ τῶν Ἑλλήνων ζάπλουτοσ Νικίασ, ἀλλ’ οἱ πλείουσ τῶν Ῥωμαίων συμπροιόντασ ἔχουσι τοὺσ πλείστουσ, καὶ αἱ πολλαὶ δὲ αὗται Ἀττικαὶ μυριάδεσ τῶν οἰκετῶν δεδεμέναι εἰργάζοντο τὰ μέταλλα. "Ποσειδώνιοσ γοῦν, οὗ συνεχῶσ μέμνησαι, ὁ φιλόσοφοσ καὶ ἀποστάντασ φησὶν αὐτοὺσ καταφονεῦσαι μὲν τοὺσ ἐπὶ τῶν μετάλλων φύλακασ, καταλαβέσθαι δὲ τὴν ἐπὶ Σουνίῳ ἀκρόπολιν καὶ ἐπὶ πολὺν χρόνον πορθῆσαι τὴν Ἀττικήν. οὗτοσ δ’ ἦν ὁ καιρὸσ ὅτε καὶ ἐν Σικελίᾳ ἡ δευτέρα τῶν δούλων ἐπανάστασισ ἐγένετο· "πολλαὶ δὲ αὗται ἐγένοντο, καὶ ἀπώλοντο οἰκετῶν ὑπὲρ τὰσ ἑκατὸν μυριάδασ· "σύγγραμμα δὲ ἐκδέδωκε περὶ τῶν δουλικῶν πολέμων Καικίλιοσ ὁ ῥήτωρ ὁ ἀπὸ Καλῆσ ἀκτῆσ· "καὶ Σπάρτακοσ δὲ ὁ μονομάχοσ ἐκ Καπύησ πόλεωσ Ἰταλικῆσ ἀποδρὰσ κατὰ τὰ Μιθριδατικὰ πολὺ πλῆθοσ ἀποστήσασ οἰκετῶν ἦν δὲ καὶ αὐτὸσ οἰκέτησ, Θρᾲξ γένοσ κατέδραμε πᾶσαν Ἰταλίαν χρόνον οὐκ ὀλίγον πολλῶν δούλων καθ’ ἑκάστην ἡμέραν συρρεόντων ὡσ αὐτὸν καὶ εἰ μὴ ἀπέθανεν ἐν τῇ πρὸσ Λικίννιον Κράσσον παρατάξει, οὐ τὸν τυχόντα ἂν ἱδρῶτα τοῖσ ἡμεδαποῖσ παρεσχήκει, ὡσ ὁ κατὰ τὴν Σικελίαν Εὔνουσ. "σώφρονεσ δ’ ἦσαν καὶ πάντα ἄριστοι οἱ ἀρχαῖοι Ῥωμαῖοι· "Σκιπίων γοῦν ὁ Ἀφρικανὸσ ἐπίκλην ἐκπεμπόμενοσ ὑπὸ τῆσ συγκλήτου ἐπὶ τὸ καταστήσασθαι τὰσ κατὰ τὴν οἰκουμένην βασιλείασ, ἵνα τοῖσ προσήκουσιν ἐγχειρισθῶσιν, πέντε μόνουσ συνεπήγετο οἰκέτασ, ὡσ ἱστορεῖ Πολύβιοσ καὶ Ποσειδώνιοσ, καὶ ἑνὸσ ἀποθανόντοσ κατὰ τὴν ὁδοιπορίαν ἐπέστειλε τοῖσ οἰκείοισ ἄλλον ἀντ’ ἐκείνου πριαμένουσ πέμψαι αὐτῷ. Ιοὔλιοσ δὲ Καῖσαρ ὁ πρῶτοσ πάντων ἀνθρώπων περαιωθεὶσ ἐπὶ τὰσ Βρεττανίδασ νήσουσ μετὰ χιλίων σκαφῶν τρεῖσ οἰκέτασ τοὺσ πάντασ συνεπήγετο, ὡσ Κόττασ ἱστορεῖ ὁ τότε ὑποστρατηγῶν αὐτῷ ἐν τῷ περὶ τῆσ Ῥωμαίων πολιτείασ συγγράμματι, ὃ τῇ πατρίῳ ἡμῶν γέγραπται φωνῇ. ἀλλ’ οὐ Σμινδυρίδησ ὁ Συβαρίτησ τοιοῦτοσ, ὦ Ἕλληνεσ, ὃσ ἐπὶ τὸν Ἀγαρίστησ τῆσ Κλεισθένουσ θυγατρὸσ ἐξορμῶν γάμον ὑπὸ χλιδῆσ καὶ τρυφῆσ χιλίουσ συνεπήγετο οἰκέτασ, ἁλιεῖσ καὶ ὀρνιθευτὰσ καὶ μαγείρουσ· "οὗτοσ δ’ ὁ ἀνὴρ καὶ ἐνδείξασθαι βουλόμενοσ ὡσ εὐδαιμόνωσ ἔζη, ὡσ ἱστορεῖ Χαμαιλέων ὁ Ποντικὸσ ἐν τῷ περὶ ἡδονῆσ τὸ δ’ αὐτὸ βιβλίον καὶ ὡσ Θεοφράστου φέρεται οὐκ ἔφη τὸν ἥλιον ἐτῶν εἴκοσιν οὔτ’ ἀνατέλλοντα οὔτε δυόμενον ἑωρακέναι. "καὶ τοῦτ’ ἦν αὐτῷ μέγα καὶ θαυμαστὸν πρὸσ εὐδαιμονίαν. "οὗτοσ, ὡσ ἐοίκεν, πρωὶ μὲν ἐκάθευδεν, ὀψὲ δ’ ἠγείρετο, κατ’ ἀμφότερα δυστυχῶν. ὁ δὲ Ποντικὸσ Ἑστιαῖοσ καλῶσ ἐκαυχᾶτο μήτε ἀνατέλλοντα μήτε καταδυόμενὸν ποτε τὸν ἥλιον ἑωρακέναι διὰ τὸ παιδείᾳ παντὶ καιρῷ προσέχειν, ὡσ ὁ Νικαεὺσ Νικίασ ἱστορεῖ ἐν ταῖσ Διαδοχαῖσ. τί οὖν, οὐκ εἶχεν καὶ Σκιπίων καὶ ὁ Καῖσαρ οἰκέτασ; "εἶχεν, ἀλλ’ ἐφύλασσον τοὺσ πατρίουσ νόμουσ καὶ κεκολασμένωσ ἔζων τηροῦντεσ τὰ τῆσ πολιτείασ ἔθη. "συνετῶν γάρ ἐστιν ἀνδρῶν ἐμμένειν τοῖσ παλαιοῖσ ζηλώμασιν δι’ ὧν στρατευόμενοι κατεστρέφοντο τοὺσ ἄλλουσ, λαμβάνοντεσ ἅμα τοῖσ δοριαλώτοισ καὶ εἴ τι χρήσιμον καὶ καλὸν ὑπῆρχε παρ’ ἐκείνοισ εἰσ μίμησιν· "ὅπερ ἐν τοῖσ πάλαι χρόνοισ ἐποίουν οἱ Ῥωμαῖοι. "διαφυλάττοντεσ γὰρ ἅμα καὶ τὰ πάτρια μετῆγον παρὰ τῶν χειρωθέντων εἲ τι λείψανον καλῆσ ἀσκήσεωσ εὑρ́ισκον, τὰ ἀχρηστα ἐκείνοισ ἐῶντεσ, ὅπωσ μηδ’ εἰσ ἀνάκτησιν ὧν ἀπέβαλον ἐλθεῖν ποτε δυνηθῶσι. "παρὰ γοῦν τῶν Ἑλλήνων μηχανὰσ καὶ ὄργανα πολιορκητικὰ μαθόντεσ τούτοισ αὐτῶν περιεγένοντο, Φοινίκων τε τὰ ναυτικὰ εὑρόντων τούτοισ αὐτοὺσ κατεναυμάχησαν, ἔλαβον δὲ καὶ παρὰ Τυρρηνῶν τὴν σταδίαν μάχην φαλαγγηδὸν ἐπιόντων, καὶ παρὰ Σαυνιτῶν δὲ ἔμαθον θυρεοῦ χρῆσιν, παρὰ δὲ Ἰβήρων γαίσων, καὶ ἄλλα δὲ παρ’ ἄλλων μαθόντεσ ἄμεινον ἐπεξειργάσαντο· "μιμησάμενοί τε κατὰ πάντα τὴν Λακεδαιμονίων πολιτείαν διετήρησαν αὐτὴν μᾶλλον ἢ ἐκεῖνοι. "νῦν δὲ τὴν ἐκλογὴν τῶν χρησίμων ποιούμενοι παρὰ τῶν ἐναντίων συναποφέρονται καὶ τὰ μοχθηρὰ ζηλώματα. "πάτριοσ μὲν γὰρ ἦν αὐτοῖσ, ὡσ φησι Ποσειδώνιοσ, καρτερία καὶ λιτὴ δίαιτα καὶ τῶν ἄλλων τῶν ὑπὸ τὴν κτῆσιν ἀφελὴσ καὶ ἀπερίεργοσ χρῆσισ, ἔτι δὲ εὐσέβεια μὲν θαυμαστὴ περὶ τὸ δαιμόνιον, δικαιοσύνη δὲ καὶ πολλὴ τοῦ πλημμελεῖν εὐλάβεια πρὸσ πάντασ ἀνθρώπουσ μετὰ τῆσ κατὰ γεωργίαν ἀσκήσεωσ, τοῦτο δ’ ἔστιν ἐκ τῶν πατρίων θυσιῶν ὧν ἐπιτελοῦμεν ἰδεῖν· "ὁδούσ τε γὰρ πορευόμεθα τεταγμένασ καὶ ὡρισμένασ καὶ τεταγμένα φέρομεν καὶ λέγομεν ἐν ταῖσ εὐχαῖσ καὶ δρῶμεν ἐν ταῖσ ἱερουργίαισ, ἀφελῆ τε ταῦτα καὶ λιτά, καὶ οὐδὲν πλέον τῶν κατὰ φύσιν οὔτε ἠμφιεσμένοι καὶ περὶ τὰ σώματα ἔχοντεσ οὔτε ἀπαρχόμενοι, ἐσθῆτάσ τε ἔχομεν καὶ ὑποδέσεισ εὐτελεῖσ πίλουσ τε ταῖσ κεφαλαῖσ περικείμεθα προβατείων δερμάτων δασεῖσ, κεράμεα δὲ καὶ χαλκᾶ τὰ διακονήματα κομίζομεν κἀν τούτοισ βρωτὰ καὶ ποτὰ πάντων ἀπεριεργότατα, ἄτοπον ἡγούμενοι τοῖσ μὲν θεοῖσ πέμπειν κατὰ τὰ πάτρια αὑτοῖσ δὲ χορηγεῖν κατὰ τὰ ἐπείσακτα· "καίτοι γε τὰ μὲν εἰσ ἡμᾶσ δαπανώμενα τῇ χρείᾳ μετρεῖται τὰ δ’ εἰσ τοὺσ θεοὺσ ἀπαρχαί τινὲσ εἰσι. "Μούκιοσ γοῦν Σκευόλασ τρίτοσ ἐν Ῥώμῃ τὸν Φάνιον ἐτήρει νόμον αὐτὸσ καὶ Αἴλιοσ Τουβέρων καὶ Ῥουτίλιοσ Ῥοῦφοσ ὁ τὴν πάτριον ἱστορίαν γεγραφώσ. ἐκέλευε δ’ ὁ νόμοσ τριῶν μὲν πλείονασ τῶν ἔξω τῆσ οἰκίασ μὴ ὑποδέχεσθαι, κατὰ ἀγορὰν δὲ τῶν πέντε· "τοῦτο δὲ τρὶσ τοῦ μηνὸσ ἐγίνετο. "ὀψωνεῖν δὲ πλείονοσ τῶν δυεῖν δραχμῶν καὶ ἡμίσουσ οὐκ ἐπέτρεπεν· "κρέωσ δὲ καπνιστοῦ δεκαπέντε τάλαντα δαπανᾶν εἰσ τὸν ἐνιαυτὸν ἐπεχώρει καὶ ὅσα γῆ φέρει λάχανα καὶ ὀσπρέων ἑψήματα. "σμικρᾶσ δὲ πάνυ τῆσ δαπάνησ ὑπαρχούσησ διὰ τὸ τοὺσ παρανομοῦντασ καὶ ἀφειδῶσ ἀναλίσκοντασ ἀνατετιμηκέναι τὰ ὥνια πρὸσ τὸ ἐλευθεριώτερον νομίμωσ προήρχοντο· "ὁ μὲν γὰρ Τουβέρων παρὰ τῶν ἐν τοῖσ ἰδίοισ ἀγροῖσ ὄρνιθασ ὠνεῖτο δραχμιαίουσ, ὁ δὲ Ῥουτίλιοσ παρὰ τῶν ἁλιευόντων αὑτοῦ δούλων τριωβόλου τὴν μνᾶν τοῦ ὄψου καὶ μάλιστα τοῦ θυρσίωνοσ καλουμένου· "μέροσ δ’ ἐστὶ τοῦτο θαλασσίου κυνὸσ οὕτω καλούμενον. "ὁ δὲ Μούκιοσ παρὰ τῶν εὐχρηστουμένων ὑπ’ αὐτοῦ πρὸσ τὸν αὐτὸν τύπον ἐποιεῖτο τὴν διατίμησιν. "ἐκ τοσούτων οὖν μυριάδων ἀνθρώπων οὗτοι μόνοι τὸν νόμον ἐνόρκωσ ἐτήρουν καὶ δῶρον οὐδὲ τὸ μικρότατον ἐδέχοντο, αὐτοὶ δ’ ἄλλοισ ἐδίδοσαν καὶ φίλοισ τοῖσ ἀπὸ παιδείασ ὁρμωμένοισ μεγάλα· "καὶ γὰρ ἀντείχοντο τῶν ἐκ τῆσ στοᾶσ δογμάτων. "Τῆσ δὲ πολυτελείασ τῆσ νῦν ἀκμαζούσησ πρῶτοσ ἡγεμὼν ἐγένετο Λεύκολλοσ ὁ καταναυμαχήσασ Μιθριδάτην, ὡσ Νικόλαοσ ὁ περιπατητικὸσ ἱστορεῖ· "ἀφικόμενοσ γὰρ εἰσ τὴν Ῥώμην μετὰ τὴν ἧτταν τὴν Μιθριδάτου ἔτι τε τὴν Τιγράνου τοῦ Ἀρμενίου καὶ θριαμβεύσασ λόγον τε ἀποδοὺσ τῶν τοῦ πολέμου πράξεων ὤκειλεν εἰσ πολυτελῆ δίαιταν ἐκ τῆσ παλαιᾶσ σωφροσύνησ καὶ πρῶτοσ τρυφῆσ εἰσηγητὴσ Ῥωμαίοισ ἐγένετο, καρπωσάμενοσ δυεῖν βασιλέων τῶν προειρημένων πλοῦτον. "Κάτων δὲ ἐκεῖνοσ, ὡσ Πολύβιοσ ἱστορεῖ ἐν τῇ πρώτῃ καὶ τριακοστῇ τῶν ἱστοριῶν, ἐδυσχέραινε καὶ ἐκεκράγει ὅτι τινὲσ τὰσ ξενικὰσ τρυφὰσ εἰσήγαγον εἰσ τὴν Ῥώμην, τριακοσίων μὲν δραχμῶν κεράμιον ταρίχων Ποντικῶν ὠνησάμενοι, καὶ μειράκια δ’ εὔμορφα ὑπερβαλλούσησ ἀγρῶν τιμῆσ, πρότερον δὲ οὕτωσ ὀλιγοδεεῖσ ἦσαν οἱ τὴν Ἰταλίαν κατοικοῦντεσ ὥστε καὶ καθ’ ἡμᾶσ ἔτι, φησὶν ὁ Ποσειδώνιοσ, οἱ σφόδρα εὐκαιρούμενοι τοῖσ βίοισ, ἦγον τοὺσ υἱοὺσ ὕδωρ μὲν ὡσ τὸ πολὺ πίνοντασ, ἐσθίοντασ δ’ ὃ τι ἂν τύχῃ. καὶ πολλάκισ, φησίν, πατὴρ ἢ μήτηρ υἱὸν ἠρώτα πότερον ἀπίουσ ἢ κάρυα βούλεται δειπνῆσαι, καὶ τούτων τι φαγὼν ἠρκεῖτο καὶ ἐκοιμᾶτο. "νῦν δέ, ὡσ ὁ Θεόπομποσ ἱστορεῖ ἐν τῇ πρώτῃ τῶν Φιλιππικῶν , οὐδεὶσ ἐστι καὶ τῶν μετρίωσ εὐπορουμένων ὅστισ οὐ πολυτελῆ μὲν τράπεζαν παρατίθεται, μαγείρουσ δὲ καὶ θεραπείαν ἄλλην πολλὴν κέκτηται καὶ πλείω δαπανᾷ τὰ καθ’ ἡμέραν ἢ πρότερον ἐν ταῖσ ἑορταῖσ καὶ ταῖσ θυσίαισ ἀνήλισκον.

일치하는 문장이 없습니다.

SEARCH

MENU NAVIGATION