Athenaeus, The Deipnosophists, Book 6, book 6, chapter 100

(아테나이오스, The Deipnosophists, Book 6, book 6, chapter 100)

καὶ ἅμα ταῦτα λέγων οἱο͂σ ἦν ἀπανίστασθαι· "τέτλαθι δή, πενίη, καὶ ἀνάσχεο μωρολογούντων ὄψων γὰρ πλῆθόσ σε δαμᾷ καὶ λιμὸσ ἀτερπήσ. ἐγὼ γὰρ ἤδη ὑπὸ τῆσ ἐνδείασ οὐ διθυράμβουσ φθέγγομαι κατὰ τὸν Σωκράτην, ἀλλ’ ἤδη καὶ ἔπη λιμῶδεσ γὰρ ὄντωσ ἡ ῥαψῳδία κατὰ. γὰρ Ἀμειψίαν, ὃσ ἐν Σφενδόνῃ ἔφη περὶ σοῦ μαντευσάμενοσ, ὦ Λαρήνσιε, κοὐδ’ εἷσ σοὐστὶν τῶν πλουτούντων, μὰ τὸν Ἥφαιστον, προσόμοιοσ, καλλιτράπεζοσ καὶ βουλόμενοσ λιπαρὸν ψωμὸν καταπίνειν. "ὁρῶ γὰρ θαῦμ’ ἄπιστον, ἰχθύων γένη περὶ τὴν ἄκραν παίζοντα, κωβιούσ, σπάρουσ, ψήττασ, ἐρυθρίνουσ, κεστρέασ, πέρκασ, ὄνουσ, θύννουσ, μελανούρουσ, σηπίασ, αὐλωπίασ, τρίγλασ, ἑλεδώνασ, σκορπίουσ, φησὶν Ἡνίοχοσ ἐν Πολυπράγμονι· "δεῖ οὖν κἀμὲ κατὰ τὸν κωμικὸν Μεταγένην ἐπειπόντα εἷσ οἰωνὸσ ἄριστοσ, ἀμύνεσθαι περὶ δείπνου τετλάναι.

일치하는 문장이 없습니다.

SEARCH

MENU NAVIGATION