Athenaeus, The Deipnosophists, Book 6, book 6, chapter 71

"ἀπέκτεινα ἄν, εἶπέν, σε νὴ τοὺσ θεούσ, εἰ μὴ πονηρῶν ἀνδρῶν ἡ τυραννὶσ ἐδεῖτο. Ἀντιφάνησ δ’ ὁ κωμῳδιοποιὸσ ἐν Στρατιώτῃ τὰ ὅμοια λέγει περὶ τῆσ τῶν ἐν Κύπρῳ βασιλέων τρυφῆσ. ποιεῖ δέ τινα ἀναπυνθανόμενον στρατιώτου τάδε· ἐν Κύπρῳ φήσ, εἰπέ μοι, διήγετε πολὺν χρόνον; β. τὸν πάνθ’ ἑώσ ἦν ὁ πόλεμοσ. α. ἐν τίνι τόπῳ μάλιστα; λέγε γάρ. β. ἐν Πάφῳ· οὗ πρᾶγμα τρυφερὸν διαφερόντωσ ἦν ἰδεῖν, ἄλλωσ τ’ ἄπιστον.

α. ποῖον; β. ἐρριπίζετο ὑπὸ τῶν περιστερῶν, ὑπ’ ἄλλου δ’ οὐδενὸσ δειπνῶν ὁ βασιλεύσ. α. πῶσ; ἐάσασ τἄλλα γὰρ ἐρήσομαί σε τοῦθ’. β. ὅπωσ; ἠλείφετο ἐκ τῆσ Συρίασ ἥκοντι τοιούτῳ μύρῳ καρποῦ σύχν’ οἱού φασὶ τὰσ περιστερὰσ τρώγειν. διὰ τὴν ὀσμὴν δὲ τούτου πετόμεναι παρῆσαν οἱαῖ́ τ’ ἦσαν ἐπικαθιζάνειν ἐπὶ τὴν κεφαλὴν παῖδεσ δὲ παρακαθήμενοι ἐσόβουν. ἀπαίρουσαι δὲ μικρόν, οὐ πολύ, τὸ μήτ’ ἐκεῖσε μήτε δεῦρο παντελῶσ, οὕτωσ ἀνερρίπιζον ὥστε σύμμετρον αὐτῷ τὸ πνεῦμα, μὴ περίσκληρον ποιεῖν.