Athenaeus, The Deipnosophists, Book 6, book 6, chapter 70

(아테나이오스, The Deipnosophists, Book 6, book 6, chapter 70)

"ἀλλ’ ἤδη τῇ τούτων χρείᾳ μέμψαιτ’ ἄν τισ τὸ μειράκιον, ὥσπερ εἶπον. "οἱ μὲν γὰρ παῖδεσ μικρὸν ἄπωθεν τῆσ κλίνησ ἐν χιτωνίσκοισ ἕστασαν τριῶν δ’ ὄντων ἀνδρῶν, δι’ οὓσ δὴ νῦν ὁ πᾶσ λόγοσ ἐνέστηκε, καὶ τούτων ὄντων ἐπωνύμων παρ’ ἡμῖν ὁ μὲν εἷσ ἐπὶ τῆσ κλίνησ πρὸσ ποδῶν καθῆστο τοὺσ τοῦ μειρακίου πόδασ ἐπὶ τοῖσ αὑτοῦ γόνασι λεπτῷ λῃδίῳ συνημφιακώσ· "ὃ δὲ ἐποίει δήπου καὶ ι μὴ λέγοντοσ οὐκ ἄδηλον καλεῖται δ’ οὗτοσ ὑπὸ τῶν ἐγχωρίων Παράβυστοσ διὰ τὸ καὶ τῶν μὴ παραδεχομένων ὅμωσ τεχνικώτατα κολακεύων παρεμπίπτειν ἐσ τὰσ ὁμιλίασ, ἅτεροσ δ’ ἦν ἐπί τινοσ δίφρου κειμένου παρ’ αὐτὴν τὴν κλίνην καὶ τοῦ νεανίσκου τὴν χεῖρα παρεικότοσ ἐκκρεμάμενοσ ταύτησ καὶ προσπεπτωκὼσ κατέψηχέ τε καὶ τῶν δακτύλων ἕκαστον ἐν μέρει διαλαμβάνων εἷλκέ τε καὶ ἐξέτεινεν ὥστε τὸν πρῶτον αὐτὸν ἐπονομάσαντα Σικύαν εὐστόχωσ εἰρηκέναι δοκεῖν. ὁ δὲ τρίτοσ ὁ Θήρ ὁ γενναιότατοσ, ὅσπερ ἦν τῆσ ὑπηρεσίασ πρωταγωνιστήσ, προσεστηκὼσ αὐτῷ κατὰ κεφαλὴν μετεῖχε τῶν βυσσίνων προσκεφαλαίων ἀποκεκλιμένοσ εἰσ αὐτὰ πάνυ φιλικῶσ· "καὶ τῇ μὲν ἀριστερᾷ τὸ τοῦ μειρακίου τριχωμάτιον ἐπικοσμῶν, τῇ δεξιᾷ δὲ Φωκαικὸν ψῆγμά τι διακινῶν καὶ αἰωρῶν ἡδὺσ ἦν, ἀλλ’ οὖν καὶ μυίασ ἀποσοβῶν. διὸ ἐμοὶ δοκεῖν αὐτῷ δαίμων τισ ἐλευθέριοσ νεμεσήσασ ἐφίησι τῷ μειρακίῳ μυῖαν, οὐκ ἄλλην ἢ ’ κείνην ἧσ καὶ τὴν Ἀθηνᾶν φησιν Ὅμηροσ ἐνεῖναι τῷ Μενελάῳ τὸ θάρσοσ· "οὕτωσ ἦν ἐρρωμένη καὶ ἄφοβοσ τὴν ψυχήν. δηχθέντοσ δὲ τοῦ μειρακίου τηλικοῦτον ἀνέκραγεν ἅνθρωποσ ὑπὲρ ἐκείνου καὶ οὕτωσ ἠγανάκτησεν ὥστε διὰ τὴν πρὸσ μίαν ἔχθραν ἁπάσασ ἐκ τῆσ οἰκίασ ἤλαυνεν.

일치하는 문장이 없습니다.

SEARCH

MENU NAVIGATION