Athenaeus, The Deipnosophists, Book 6, book 6, chapter 67 2:

(아테나이오스, The Deipnosophists, Book 6, book 6, chapter 67 2:)

"τοῦτο, φησί, τὸ μειράκιον οὐ λέγων αὐτοῦ τοὔνομα κατέκειτο δι’ ὑπερβάλλουσαν τρυφὴν ἐπὶ ἀργυρόποδοσ κλίνησ ὑπεστρωμένησ Σαρδιανῇ ψιλοτάπιδι τῶν πάνυ πολυτελῶν. ἐπεβέβλητο δ’ αὐτῷ πορφυροῦν ἀμφίταπον ἀμοργίνῳ καλύμματι περιειλημμένον. "προσκεφάλαια δ’ εἶχε τρία μὲν ὑπὸ τῇ κεφαλῇ βύσσινα παραλουργῆ, δι’ ὧν ἠμύνετο τὸ καῦμα, δύο δ’ ὑπὸ τοῖσ ποσὶ ὑσγινοβαφῆ τῶν Δωρικῶν καλουμένων ἐφ’ ὧν κατέκειτο ἐν λευκῇ χλανίδι. "παραδεδεγμένοι δ’ εἰσὶ πάντεσ οἱ κατὰ τὴν Κύπρον μόναρχοι τὸ τῶν εὐγενῶν κολάκων γένοσ ὡσ χρήσιμον πάνυ γὰρ τὸ κτῆμα τυραννικόν ἐστι. "καὶ τούτων οἱο͂ν Ἀρεοπαγιτῶν τινων οὔτε τὸ πλῆθοσ οὔτε τὰσ ὄψεισ ἔξω τῶν ἐπιφανεστάτων οἶδεν οὐδείσ. διῃρημένων δὲ διχῇ κατὰ συγγένειαν τῶν ἐν τῇ Σαλαμῖνι κολάκων, ἀφ’ ὧν εἰσιν οἱ κατὰ τὴν ἄλλην Κύπρον κόλακεσ, τοὺσ μὲν Γεργίνουσ, τοὺσ δὲ Προμάλαγγασ προσαγορεύουσιν ὧν οἱ μὲν Γεργίνοι συναναμιγνύμενοι τοῖσ κατὰ τὴν πόλιν ἔν τε τοῖσ ἐργαστηρίοισ καὶ ταῖσ ἀγοραῖσ ὠτακουστοῦσι κατασκόπων ἔχοντεσ τάξιν, ὅ τι δ’ ἂν ἀκούσωσιν ἀναφέρουσιν ἑκάστησ ἡμέρασ πρὸσ τοὺσ καλουμένουσ ἄνακτασ. "οἱ δὲ Προμάλαγγεσ ζητοῦσιν ἄν τι τῶν ὑπὸ τῶν Γεργίνων προσαγγελθέντων ἀξιον εἶναι ζητήσεωσ δόξῃ, ὄντεσ τινὲσ ἐρευνηταί. καὶ τούτων οὕτωσ ἔντεχνοσ καὶ πιθανὴ πρὸσ ἅπαντασ ἡ ἔντευξισ ὥστ’ ἔμοιγε δοκεῖ, καθάπερ καὶ αὐτοί φασι, παρ’ ἐκείνων εἰσ τοὺσ ἔξω τόπουσ διαδεδόσθαι τὸ σπέρμα τῶν ἐλλογίμων κολάκων καὶ γὰρ οὐχ οἱο͂ν μετρίωσ ἐπὶ τῷ πράγματι σεμνύνονται διὰ τὸ τετιμῆσθαι παρὰ τοῖσ βασιλεῦσιν, ἀλλὰ καὶ λέγουσιν ὅτι τῶν Γεργίνων τισ ἀπόγονοσ ὢν τῶν Τρώων ἐκείνων οὓσ Τεῦκροσ ἀπὸ τῶν αἰχμαλώτων κατακτησάμενοσ εἰσ Κύπρον ἔχων ἀπῴκησεν, οὗτοσ διὰ τῆσ παραλίασ μετ’ ὀλίγων στείλασ ἐπὶ τῆσ Αἰολίδοσ κατὰ πύστιν ἅμα, καὶ οἰκισμὸν τῆσ τῶν προγόνων χώρασ πόλιν οἰκίσειε περὶ τὴν Τρωικὴν Ἴδην συμπαραλαβών τινασ τῶν Μυσῶν, ἣ πάλαι μὲν ἀπὸ τοῦ γένουσ Γέργινα, νῦν δὲ Γέργιθα κέκληται. "τούτου γάρ, ὡσ ἐοίκε, τοῦ στόλου τινὲσ ἀποσπασθέντεσ ἐν τῇ Κυμαίᾳ κατέσχον ἐκ Κύπρου τό γένοσ ὄντεσ, ἀλλ’ οὐκ ἐκ τῆσ Θετταλικῆσ Τρίκκησ, καθάπερ τινὲσ εἰρήκασιν, ὧν ἰατρεῦσαι τὴν ἄγνοιαν οὐδ’ Ἀσκληπιάδαισ τοῦτό γε νομίζω δεδόσθαι. "γεγόνασι δὲ παρ’ ἡμῖν καὶ ἐπὶ Γλοῦ τοῦ Καρὸσ καὶ γυναῖκεσ ὑπὸ τὰσ ἀνάσσασ αἱ προσαγορευθεῖσαι κολακίδεσ. "ἀφ’ ὧν ὑπολιπεῖσ τινεσ εἰσ τὸ πέραν ἀφικόμεναι μετάπεμπτοι πρόσ τε τὰσ Ἀρταβάζου καὶ τὰσ Μέντοροσ γυναῖκασ κλιμακίδεσ μετωνομάσθησαν ἀπὸ τοιαύτησ πράξεωσ· "ταῖσ μεταπεμψαμέναισ ἀρεσκευόμεναι κλίμακα κατεσκεύαζον ἐξ ἑαυτῶν οὕτωσ ὥστ’ ἐπὶ τοῖσ νώτοισ αὐτῶν τὴν ἀνάβασιν γίγνεσθαι καὶ τὴν κατάβασιν ταῖσ ἐπὶ τῶν ἁμαξῶν ὀχουμέναισ. "εἰσ τοῦτο τρυφῆσ, ἵνα μὴ ἀθλιότητοσ εἴπω, προηγάγοντο τεχνώμεναι τὰσ ἀφρονεστάτασ. "τοιγαροῦν αὗται μὲν ἐκ τῶν λίαν μαλακῶν ὑπὸ τῆσ τύχησ μεταβιβασθεῖσαι σκληρῶσ ἐβίωσαν ἐπὶ γήρωσ, αἱ δέ, τῶν παρ’ ἡμῖν ταῦτα διαδεξαμένων, ἐκπεσοῦσαι τῆσ ἐξουσίασ κατῆραν εἰσ Μακεδονίαν καὶ τὰσ τῶν ἐκεῖ κυρίασ τε καὶ βασιλίδασ ὃν τρόπον ταῖσ ὁμιλίαισ διέθεσαν οὐδὲ λέγειν καλόν, πλὴν ὅτι μαγευόμεναι καὶ μαγεύουσαι ταυροπόλοι καὶ τριοδίτιδεσ αὗται πρὸσ ἀλήθειαν ἐγένοντο, πλήρεισ πάντων ἀποκαθαρμάτων. "τοσούτων ἐοίκε καὶ τοιούτων ἡ κολακεία κακῶν αἰτία γενέσθαι τοῖσ διὰ τὸ κολακεύεσθαι προσδεξαμένοισ αὐτήν.

일치하는 문장이 없습니다.

SEARCH

MENU NAVIGATION