헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 67 2:)

"τοῦτο, φησί, τὸ μειράκιον οὐ λέγων αὐτοῦ τοὔνομα κατέκειτο δι’ ὑπερβάλλουσαν τρυφὴν ἐπὶ ἀργυρόποδοσ κλίνησ ὑπεστρωμένησ Σαρδιανῇ ψιλοτάπιδι τῶν πάνυ πολυτελῶν. ἐπεβέβλητο δ’ αὐτῷ πορφυροῦν ἀμφίταπον ἀμοργίνῳ καλύμματι περιειλημμένον. "προσκεφάλαια δ’ εἶχε τρία μὲν ὑπὸ τῇ κεφαλῇ βύσσινα παραλουργῆ, δι’ ὧν ἠμύνετο τὸ καῦμα, δύο δ’ ὑπὸ τοῖσ ποσὶ ὑσγινοβαφῆ τῶν Δωρικῶν καλουμένων ἐφ’ ὧν κατέκειτο ἐν λευκῇ χλανίδι. "παραδεδεγμένοι δ’ εἰσὶ πάντεσ οἱ κατὰ τὴν Κύπρον μόναρχοι τὸ τῶν εὐγενῶν κολάκων γένοσ ὡσ χρήσιμον πάνυ γὰρ τὸ κτῆμα τυραννικόν ἐστι. "καὶ τούτων οἱο͂ν Ἀρεοπαγιτῶν τινων οὔτε τὸ πλῆθοσ οὔτε τὰσ ὄψεισ ἔξω τῶν ἐπιφανεστάτων οἶδεν οὐδείσ. διῃρημένων δὲ διχῇ κατὰ συγγένειαν τῶν ἐν τῇ Σαλαμῖνι κολάκων, ἀφ’ ὧν εἰσιν οἱ κατὰ τὴν ἄλλην Κύπρον κόλακεσ, τοὺσ μὲν Γεργίνουσ, τοὺσ δὲ Προμάλαγγασ προσαγορεύουσιν ὧν οἱ μὲν Γεργίνοι συναναμιγνύμενοι τοῖσ κατὰ τὴν πόλιν ἔν τε τοῖσ ἐργαστηρίοισ καὶ ταῖσ ἀγοραῖσ ὠτακουστοῦσι κατασκόπων ἔχοντεσ τάξιν, ὅ τι δ’ ἂν ἀκούσωσιν ἀναφέρουσιν ἑκάστησ ἡμέρασ πρὸσ τοὺσ καλουμένουσ ἄνακτασ. "οἱ δὲ Προμάλαγγεσ ζητοῦσιν ἄν τι τῶν ὑπὸ τῶν Γεργίνων προσαγγελθέντων ἀξιον εἶναι ζητήσεωσ δόξῃ, ὄντεσ τινὲσ ἐρευνηταί. καὶ τούτων οὕτωσ ἔντεχνοσ καὶ πιθανὴ πρὸσ ἅπαντασ ἡ ἔντευξισ ὥστ’ ἔμοιγε δοκεῖ, καθάπερ καὶ αὐτοί φασι, παρ’ ἐκείνων εἰσ τοὺσ ἔξω τόπουσ διαδεδόσθαι τὸ σπέρμα τῶν ἐλλογίμων κολάκων καὶ γὰρ οὐχ οἱο͂ν μετρίωσ ἐπὶ τῷ πράγματι σεμνύνονται διὰ τὸ τετιμῆσθαι παρὰ τοῖσ βασιλεῦσιν, ἀλλὰ καὶ λέγουσιν ὅτι τῶν Γεργίνων τισ ἀπόγονοσ ὢν τῶν Τρώων ἐκείνων οὓσ Τεῦκροσ ἀπὸ τῶν αἰχμαλώτων κατακτησάμενοσ εἰσ Κύπρον ἔχων ἀπῴκησεν, οὗτοσ διὰ τῆσ παραλίασ μετ’ ὀλίγων στείλασ ἐπὶ τῆσ Αἰολίδοσ κατὰ πύστιν ἅμα, καὶ οἰκισμὸν τῆσ τῶν προγόνων χώρασ πόλιν οἰκίσειε περὶ τὴν Τρωικὴν Ἴδην συμπαραλαβών τινασ τῶν Μυσῶν, ἣ πάλαι μὲν ἀπὸ τοῦ γένουσ Γέργινα, νῦν δὲ Γέργιθα κέκληται. "τούτου γάρ, ὡσ ἐοίκε, τοῦ στόλου τινὲσ ἀποσπασθέντεσ ἐν τῇ Κυμαίᾳ κατέσχον ἐκ Κύπρου τό γένοσ ὄντεσ, ἀλλ’ οὐκ ἐκ τῆσ Θετταλικῆσ Τρίκκησ, καθάπερ τινὲσ εἰρήκασιν, ὧν ἰατρεῦσαι τὴν ἄγνοιαν οὐδ’ Ἀσκληπιάδαισ τοῦτό γε νομίζω δεδόσθαι. "γεγόνασι δὲ παρ’ ἡμῖν καὶ ἐπὶ Γλοῦ τοῦ Καρὸσ καὶ γυναῖκεσ ὑπὸ τὰσ ἀνάσσασ αἱ προσαγορευθεῖσαι κολακίδεσ. "ἀφ’ ὧν ὑπολιπεῖσ τινεσ εἰσ τὸ πέραν ἀφικόμεναι μετάπεμπτοι πρόσ τε τὰσ Ἀρταβάζου καὶ τὰσ Μέντοροσ γυναῖκασ κλιμακίδεσ μετωνομάσθησαν ἀπὸ τοιαύτησ πράξεωσ· "ταῖσ μεταπεμψαμέναισ ἀρεσκευόμεναι κλίμακα κατεσκεύαζον ἐξ ἑαυτῶν οὕτωσ ὥστ’ ἐπὶ τοῖσ νώτοισ αὐτῶν τὴν ἀνάβασιν γίγνεσθαι καὶ τὴν κατάβασιν ταῖσ ἐπὶ τῶν ἁμαξῶν ὀχουμέναισ. "εἰσ τοῦτο τρυφῆσ, ἵνα μὴ ἀθλιότητοσ εἴπω, προηγάγοντο τεχνώμεναι τὰσ ἀφρονεστάτασ. "τοιγαροῦν αὗται μὲν ἐκ τῶν λίαν μαλακῶν ὑπὸ τῆσ τύχησ μεταβιβασθεῖσαι σκληρῶσ ἐβίωσαν ἐπὶ γήρωσ, αἱ δέ, τῶν παρ’ ἡμῖν ταῦτα διαδεξαμένων, ἐκπεσοῦσαι τῆσ ἐξουσίασ κατῆραν εἰσ Μακεδονίαν καὶ τὰσ τῶν ἐκεῖ κυρίασ τε καὶ βασιλίδασ ὃν τρόπον ταῖσ ὁμιλίαισ διέθεσαν οὐδὲ λέγειν καλόν, πλὴν ὅτι μαγευόμεναι καὶ μαγεύουσαι ταυροπόλοι καὶ τριοδίτιδεσ αὗται πρὸσ ἀλήθειαν ἐγένοντο, πλήρεισ πάντων ἀποκαθαρμάτων. "τοσούτων ἐοίκε καὶ τοιούτων ἡ κολακεία κακῶν αἰτία γενέσθαι τοῖσ διὰ τὸ κολακεύεσθαι προσδεξαμένοισ αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 67 2:

(아테나이오스, The Deipnosophists, Book 6, book 6, chapter 67 2:)

상위

목록

SEARCH

MENU NAVIGATION