헬라어 텍스트

Athenaeus, The Deipnosophists, Book 6, book 6, chapter 54

(아테나이오스, The Deipnosophists, Book 6, book 6, chapter 54)

"ὅτε, φησί, Φίλιπποσ τὸν ὀφθαλμὸν ἐξεκόπη συμπροῆλθεν αὐτῷ καὶ ὁ Κλείσοφοσ τελαμωνισθεὶσ τὸν αὐτὸν ὀφθαλμόν. καὶ πάλιν ὅτε τὸ σκέλοσ ἐπηρώθη, σκάζων συνεξώδευε τῷ βασιλεῖ . καὶ εἴ ποτε δριμὺ προσφέροιτο τῶν ἐδεσμάτων ὁ Φίλιπποσ, αὐτὸσ συνέστρεφε τὴν ὄψιν ὡσ συνδαινύμενοσ. "ἐν δὲ τῇ Ἀράβων χώρᾳ οὐχ ὡσ ἐν κολακείᾳ τοῦτ’ ἐποίουν, ἀλλὰ κατά τι νόμιμον, βασιλέωσ παθόντοσ τι τῶν μελῶν συνυποκρίνεσθαι τὸ ὅμοιον πάθοσ, ἐπεὶ καὶ γέλοιον νομίζουσιν ἀποθανόντι μὲν αὐτῷ σπουδάζειν συγκατορύττεσθαι, πηρωθέντι δὲ μὴ χαρίζεσθαι τὴν ἴσην δόξαν τοῦ πάθουσ. Νικόλαοσ δ’ ὁ Δαμασκηνὸσ εἷσ δ’ ἦν τῶν ἐκ τοῦ περιπάτου ἐν τῇ πολυβύβλῳ ἱστορίᾳ ἑκατὸν γὰρ καὶ τεσσαράκοντά εἰσι πρὸσ ταῖσ τέσσαρσι τῇ ἑκκαιδεκάτῃ καὶ ἑκατοστῇ φησιν Ἀδιάτομον τὸν τῶν Σωτιανῶν βασιλέα ἔθνοσ δὲ τοῦτο Κελτικόν ἑξακοσίουσ ἔχειν λογάδασ περὶ αὑτόν, οὓσ καλεῖσθαι ὑπὸ Γαλατῶν τῇ πατρίῳ γλώττῃ σιλοδούρουσ, τοῦτο δ’ ἐστὶν ἑλληνιστὶ εὐχωλιμαῖοι. "τούτουσ δ’ οἱ βασιλεῖσ ἔχουσι συζῶντασ καὶ συναποθνῄσκοντασ ταύτην ἐκείνων εὐχὴν ποιουμένων ἀνθ’ ἧσ συνδυναστεύουσί τε αὐτῷ τὴν αὐτὴν ἐσθῆτα καὶ δίαιταν ἔχοντεσ καὶ συναποθνῄσκουσι κατὰ πᾶσαν ἀνάγκην εἴτε νόσῳ τελευτήσειε βασιλεὺσ εἴτε πολέμῳ εἴτ’ ἄλλωσ πωσ.

"καὶ οὐδεὶσ εἰπεῖν ἔχει τινὰ ἀποδειλιάσαντα τούτων τὸν θάνατον ὅταν ἥκῃ βασιλεῖ ἢ διεκδύντα.