Athenaeus, The Deipnosophists, Book 6, book 6, chapter 48

Φιλόξενοσ δὲ ὁ παράσιτοσ, Πτερνοκοπασ δ’ ἐπίκλην, παρὰ Πύθωνι ἀριστῶν παρακειμένων ἐλαῶν καὶ μετὰ μικρὸν προσενεχθείσησ λοπάδοσ ἰχθύων πατάξασ τὸ τρύβλιον ἔφη μάστιξεν δ’ ἐλάαν. "παρατίθει, μὴ σκότοσ ποιήσῃσ. τὸν δ’ ὑπὸ τῆσ γραὸσ τρεφόμενον παράσιτον Παυσίμαχοσ ἔλεγεν τοὐναντίον πάσχειν τῇ γραίᾳ συνόντα αὐτὸν γὰρ ἐν γαστρὶ λαμβάνειν ἀεί. περὶ τούτου καὶ Μάχων γράφει οὕτωσ τὸν ὑδροπότην δὲ Μοσχίωνα λεγόμενον ἰδόντα φασὶν ἐν Λυκείῳ μετά τινων παράσιτον ὑπὸ γραὸσ τρεφόμενον πλουσίασ ὁ δεῖνα, παράδοξόν γε ποιεῖσ πρᾶγμ’, ὅτι ἡ γραῦσ ποιεῖ σ1’ ἐν γαστρὶ λαμβάνειν ἀεί. ὁ δὲ αὐτὸσ παράσιτον ἀκούσασ ὑπὸ γραίασ τρεφόμενον συγγινόμενόν τε αὐτῇ ἑκάστησ ἡμέρασ·

νῦν πάντα, φασί, γίνεθ’, ἡ μὲν οὐ κύει, ἐν γαστρὶ δ’ οὗτοσ λαμβάνει καθ’ ἡμέραν. Πτολεμαῖοσ δ’ ὁ τοῦ Ἀγησάρχου Μεγαλοπολίτησ γένοσ ἐν τῇ δευτέρᾳ τῶν περὶ τὸν Φιλοπάτορα ἱστοριῶν συμπότασ φησὶ τῷ βασιλεῖ συνάγεσθαι ἐξ ἁπάσησ τῆσ πόλεωσ, οὓσ προσαγορεύεσθαι γελοιαστάσ.