헬라어 텍스트

Athenaeus, The Deipnosophists, Book 6, book 6, chapter 9

(아테나이오스, The Deipnosophists, Book 6, book 6, chapter 9)

ἐμφανίζει δ’ αὐτῶν καὶ τὸ σκαιόν, ἔτι δὲ μισάνθρωπον Ἀντιφάνησ ἐν Μισοπονήρῳ πρὸσ τοὺσ ἐν τῷ βίῳ κακίστουσ τὴν σύγκρισιν αὐτῶν ποιούμενοσ διὰ τούτων εἶτ’ οὐ σοφοὶ δῆτ’ εἰσὶν οἱ Σκύθαι σφόδρα, οἳ γενομένοισιν εὐθέωσ τοῖσ παιδίοισ διδόασιν ἵππων καὶ βοῶν πίνειν γάλα; β. οὐ μὰ Δία τιτθὰσ εἰσάγουσι βασκάνουσ καὶ παιδαγωγοὺσ αὖθισ, ὧν μεῖζον κακὸν οὐκ ἂν γένοιτο. α. μετά γε μαίασ νὴ Δία· αὗται δ’ ὑπερβάλλουσι. β. μετά γε νὴ Δία τοὺσ μητραγυρτοῦντάσ, τὸ πολὺ γὰρ αὖ γένοσ μιαρώτατον τοῦτ’ ἐστίν. α. εἰ μὴ νὴ Δία τοὺσ ἰχθυοπώλασ τισ λέγειν μιαρωτάτουσ βούλοιτο. Β.