헬라어 문장 검색 - ΑριστόΡηετορί2́19́

(아리스토텔레스, 수사학, Book 2, chapter 19)

πρῶτον μὲν οὖν περὶ δυνατοῦ καὶ ἀδυνάτου λέγωμεν. ἂν δὴ τὸ ἐναντίον ᾖ δυνατὸν ἢ εἶναι ἢ γενέσθαι, καὶ τὸ ἐναντίον δόξειεν ἂν εἶναι δυνατόν, οἱο͂ν εἰ δυνατὸν ἄνθρωπον ὑγιασθῆναι, καὶ νοσῆσαι· ἡ γὰρ αὐτὴ δύναμισ τῶν ἐναντίων ᾗ ἐναντία. καὶ εἰ τὸ ὅμοιον δυνατόν, καὶ τὸ ὅμοιον· καὶ εἰ τὸ χαλεπώτερον δυνατόν, καὶ τὸ ῥᾷον·

καὶ εἰ τὸ σπουδαῖον καὶ καλὸν γενέσθαι δυνατόν, καὶ ὅλωσ δυνατὸν γενέσθαι·

χαλεπώτερον γὰρ καλὴν οἰκίαν ἢ οἰκίαν εἶναι.

καὶ οὗ ἡ ἀρχὴ δύναται γενέσθαι, καὶ τὸ τέλοσ·

οὐδὲν γὰρ γίγνεται οὐδ’ ἄρχεται γίγνεσθαι τῶν ἀδυνάτων, οἱο͂ν τὸ σύμμετρον τὴν διάμετρον εἶναι οὔτ’ ἂν ἄρξαιτο γίγνεσθαι οὔτε γίγνεται. καὶ οὗ τὸ τέλοσ, καὶ ἡ ἀρχὴ δυνατή· ἅπαντα γὰρ ἐξ ἀρχῆσ γίγνεται. καὶ εἰ τὸ ὕστερον τῇ οὐσίᾳ ἢ τῇ γενέσει δυνατὸν γενέσθαι, καὶ τὸ πρότερον, οἱο͂ν εἰ ἄνδρα γενέσθαι δυνατόν, καὶ παῖδα πρότερον γὰρ ἐκεῖνο γίγνεται, καὶ εἰ παῖδα, καὶ ἄνδρα καὶ ἀρχὴ γὰρ ἐκείνη.

καὶ ὧν ἢ ἔρωσ ἢ ἐπιθυμία φύσει ἐστίν·

οὐδεὶσ γὰρ ἀδυνάτων ἐρᾷ οὐδὲ ἐπιθυμεῖ ὡσ ἐπὶ τὸ πολύ. καὶ ὧν ἐπιστῆμαί εἰσι καὶ τέχναι, δυνατὸν ταῦτα καὶ εἶναι καὶ γίγνεσθαι.

καὶ ὅσων ἡ ἀρχὴ τῆσ γενέσεωσ ἐν τούτοισ ἐστὶν ἃ ἡμεῖσ ἀναγκάσαιμεν ἂν ἢ πείσαιμεν·

ταῦτα δ’ ἐστὶν ὧν κρείττουσ ἢ κύριοι ἢ φίλοι. καὶ ὧν τὰ μέρη δυνατά, καὶ τὸ ὅλον, καὶ ὧν τὸ ὅλον δυνατόν, καὶ τὰ μέρη ὡσ ἐπὶ τὸ πολύ·

εἰ γὰρ πρόσχισμα καὶ κεφαλὶσ καὶ χιτὼν δύναται γενέσθαι, καὶ ὑποδήματα δυνατὸν γενέσθαι, καὶ εἰ ὑποδήματα, καὶ πρόσχισμα καὶ κεφαλίσ καὶ χιτών. καὶ εἰ τὸ γένοσ ὅλον τῶν δυνατῶν γενέσθαι, καὶ τὸ εἶδοσ, καὶ εἰ τὸ εἶδοσ, καὶ τὸ γένοσ, οἱο͂ν εἰ πλοῖον γενέσθαι δυνατόν, καὶ τριήρη, καὶ εἰ τριήρη, καὶ πλοῖον.

καὶ εἰ θάτερον τῶν πρὸσ ἄλληλα πεφυκότων, καὶ θάτερον, οἱο͂ν εἰ διπλάσιον, καὶ ἥμισυ, καὶ εἰ ἥμισυ, διπλάσιον.

καὶ εἰ ἄνευ τέχνησ καὶ παρασκευῆσ δυνατὸν γίγνεσθαι, μᾶλλον διὰ τέχνησ καὶ ἐπιμελείασ δυνατόν, ὅθεν καὶ Ἀγάθωνι εἴρηται καὶ μὴν τὰ μέν γε τῆσ τέχνησ πράσσειν, τὰ δὲἡμῖν ἀνάγκῃ καὶ τύχῃ προσγίγνεται.

καὶ εἰ τοῖσ χείροσι καὶ ἥττοσι καὶ ἀφρονεστέροισ δυνατόν, καὶ τοῖσ ἐναντίοισ μᾶλλον, ὥσπερ καὶ Ἰσοκράτησ ἔφη δεινὸν εἴναι εἰ ὁ μὲν Εὔθυνοσ ἔμαθεν, αὐτὸσ δὲ μὴ δυνήσεται εὑρεῖν.

περὶ δὲ ἀδυνάτου δῆλον ὅτι ἐκ τῶν ἐναντίων τοῖσ εἰρημένοισ ὑπάρχει.

εἰ δὲ γέγονεν, ἐκ τῶνδε σκεπτέον.

πρῶτον μὲν γάρ, εἰ τὸ ἧττον γίγνεσθαι πεφυκὸσ γέγονεν, γεγονὸσ ἂν εἰή καὶ τὸ μᾶλλον.

καὶ εἰ τὸ ὕστερον εἰωθὸσ γίγνεσθαι γέγονεν, καὶ τὸ πρότερον γέγονεν, οἱο͂ν εἰ ἐπιλέλησται, καὶ ἔμαθέ ποτε τοῦτο. καὶ εἰ ἐδύνατο καὶ ἐβούλετο, πέπραχε·

πάντεσ γάρ, ὅταν δυνάμενοι βουληθῶσι, πράττουσιν· ἐμποδὼν γὰρ οὐδέν. ἔτι εἰ ἐβούλετο καὶ μηδὲν τῶν ἔξω ἐκώλυεν, καὶ εἰ ἐδύνατο καὶ ὠργίζετο, καὶ εἰ ἐδύνατο καὶ ἐπεθύμει·

ὡσ γὰρ ἐπὶ τὸ πολὺ ὧν ὀρέγονται, ἂν δύνωνται, ποιοῦσιν, οἱ μὲν φαῦλοι δι’ ἀκρασίαν, οἱ δ’ ἐπιεικεῖσ ὅτι τῶν ἐπιεικῶν ἐπιθυμοῦσιν. καὶ εἰ ἔμελλε γίγνεσθαι, καὶ ποιεῖν·

εἰκὸσ γὰρ τὸν μέλλοντα καὶ ποιῆσαι. καὶ εἰ γέγονεν ὅσα ἢ πέφυκε πρὸ ἐκείνου ἢ ἕνεκα ἐκείνου, οἱο͂ν εἰ ἤστραψε, καὶ ἐβρόντησεν, καὶ εἰ ἐπείρασε, καὶ ἔπραξεν.

καὶ εἰ ὅσα ὕστερον πέφυκε γίγνεσθαι ἢ οὗ ἕνεκα γίγνεται γέγονε, καὶ τὸ πρότερον καὶ τὸ τούτου ἕνεκα γέγονεν, οἱο͂ν εἰ ἐβρόντησε, καὶ ἤστραψεν, καὶ εἰ ἔπραξεν, ἐπείρασεν. ἔστι δὲ τούτων ἁπάντων τὰ μὲν ἐξ ἀνάγκησ τὰ δ’ ὡσ ἐπὶ τὸ πολὺ οὕτωσ ἔχοντα.

περὶ δὲ τοῦ μὴ γεγονέναι φανερὸν ὅτι ἐκ τῶν ἐναντίων τοῖσ εἰρημένοισ. καὶ περὶ τοῦ ἐσομένου ἐκ τῶν αὐτῶν δῆλον·

τό τε γὰρ ἐν δυνάμει καὶ ἐν βουλήσει ὂν ἔσται, καὶ τὰ ἐν ἐπιθυμίᾳ καὶ ὀργῇ καὶ λογισμῷ μετὰ δυνάμεωσ ὄντα, ταῦτα καὶ ἐν ὁρμῇ τοῦ ποιεῖν ἢ μελλήσει ἔσται· ὡσ γὰρ ἐπὶ τὸ πολὺ γίγνεται μᾶλλον τὰ μέλλοντα ἢ τὰ μὴ μέλλοντα. καὶ εἰ προγέγονε ὅσα πρότερον πέφυκε γίγνεσθαι, οἱο͂ν εἰ συννεφεῖ, εἰκὸσ ὗσαι.

καὶ εἰ τὸ ἕνεκα τούτου γέγονε, καὶ τοῦτο εἰκὸσ γενέσθαι, οἱο͂ν εἰ θεμέλιοσ, καὶ οἰκία.

περὶ δὲ μεγέθουσ καὶ μικρότητοσ τῶν πραγμάτων καὶ μείζονόσ τε καὶ ἐλάττονοσ καὶ ὅλωσ μεγάλων καὶ μικρῶν ἐκ τῶν προειρημένων ἡμῖν ἐστιν φανερόν.

εἴρηται γὰρ ἐν τοῖσ συμβουλευτικοῖσ περί τε μεγέθουσ ἀγαθῶν καὶ περὶ τοῦ μείζονοσ ἁπλῶσ καὶ ἐλάττονοσ, ὥστε ἐπεὶ καθ’ ἕκαστον τῶν λόγων τὸ προκείμενον τέλοσ ἀγαθόν ἐστιν, οἱο͂ν τὸ συμφέρον καὶ τὸ καλὸν καὶ τὸ δίκαιον, φανερὸν ὅτι δι’ ἐκείνων ληπτέον τὰσ αὐξήσεισ πᾶσιν. τὸ δὲ παρὰ ταῦτα ἔτι ζητεῖν περὶ μεγέθουσ ἁπλῶσ καὶ ὑπεροχῆσ κενολογεῖν ἐστιν·

κυριώτερα γάρ ἐστιν πρὸσ τὴν χρείαν τῶν καθόλου τὰ καθ’ ἕκαστα τῶν πραγμάτων. περὶ μὲν οὖν δυνατοῦ καὶ ἀδυνάτου, καὶ πότερον γέγονεν ἢ οὐ γέγονεν καὶ ἔσται ἢ οὐκ ἔσται, ἔτι δὲ περὶ μεγέθουσ καὶ μικρότητοσ τῶν πραγμάτων, εἰρήσθω ταῦτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 19

(아리스토텔레스, 수사학, Book 2, chapter 19)

상위

목록

SEARCH

MENU NAVIGATION