헬라어 문장 검색 - ΑριστόΡηετορί2́13́

(아리스토텔레스, 수사학, Book 2, chapter 13)

τὸ μὲν οὖν τῶν νέων τοιοῦτόν ἐστιν ἦθοσ, οἱ δὲ πρεσβύτεροι καὶ παρηκμακότεσ σχεδὸν ἐκ τῶν ἐναντίων τούτοισ τὰ πλεῖστα ἔχουσιν ἤθη· διὰ γὰρ τὸ πολλὰ ἔτη βεβιωκέναι καὶ πλείω ἐξηπατῆσθαι καὶ ἐξημαρτηκέναι, καὶ τὰ πλείω φαῦλα εἶναι τῶν πραγμάτων, οὔτε διαβεβαιοῦνται οὐδέν, ἧττόν τε ἄγανται πάντα ἢ δεῖ. καὶ οἰόνται, ἴσασι δ’ οὐδέν, καὶ ἀμφιδοξοῦντεσ προστιθέασιν ἀεὶ τὸ ἴσωσ καὶ τάχα, καὶ πάντα λέγουσιν οὕτωσ, παγίωσ δ’ οὐδέν.

καὶ κακοήθεισ εἰσίν·

ἔστι γὰρ κακοήθεια τὸ ἐπὶ τὸ χεῖρον ὑπολαμβάνειν πάντα. ἔτι δὲ καχύποπτοί εἰσι διὰ τὴν ἀπιστίαν, ἄπιστοι δὲ δι’ ἐμπειρίαν. καὶ οὔτε φιλοῦσιν σφόδρα οὔτε μισοῦσι διὰ ταῦτα, ἀλλὰ κατὰ τὴν Βίαντοσ ὑποθήκην καὶ φιλοῦσιν ὡσ μισήσοντεσ καὶ μισοῦσιν ὡσ φιλήσοντεσ.

καὶ μικρόψυχοι διὰ τὸ τεταπεινῶσθαι ὑπὸ τοῦ βίου·

οὐδενὸσ γὰρ μεγάλου οὐδὲ περιττοῦ ἀλλὰ τῶν πρὸσ τὸν βίον ἐπιθυμοῦσι. καὶ ἀνελεύθεροι·

ἓν γάρ τι τῶν ἀναγκαίων ἡ οὐσία, ἅμα δὲ καὶ διὰ τὴν ἐμπειρίαν ἴσασιν ὡσ χαλεπὸν τὸ κτήσασθαι καὶ ῥᾴδιον τὸ ἀποβαλεῖν. καὶ δειλοὶ καὶ πάντα προφοβητικοί·

ἐναντίωσ γὰρ διάκεινται τοῖσ νέοισ· κατεψυγμένοι γάρ εἰσιν, οἱ δὲ θερμοί, ὥστε προωδοπεποίηκε τὸ γῆρασ τῇ δειλίᾳ· καὶ γὰρ ὁ φόβοσ κατάψυξίσ τίσ ἐστιν. καὶ φιλόζωοι, καὶ μᾶλλον ἐπὶ τῇ τελευταίᾳ ἡμέρᾳ διὰ τὸ τοῦ ἀπόντοσ εἶναι τὴν ἐπιθυμίαν, καὶ οὗ ἐνδεεῖσ, τούτου μάλιστα ἐπιθυμεῖν.

καὶ φίλαυτοι μᾶλλον ἢ δεῖ·

μικροψυχία γάρ τισ καὶ αὕτη. καὶ πρὸσ τὸ συμφέρον ζῶσιν, ἀλλ’ οὐ πρὸσ τὸ καλόν, μᾶλλον ἢ δεῖ, διὰ τὸ φίλαυτοι εἶναι· τὸ μὲν γὰρ συμφέρον αὐτῷ ἀγαθόν ἐστι, τὸ δὲ καλὸν ἁπλῶσ. καὶ ἀναίσχυντοι μᾶλλον ἢ αἰσχυντηλοί·

διὰ γὰρ τὸ μὴ φροντίζειν ὁμοίωσ τοῦ καλοῦ καὶ τοῦ συμφέροντοσ ὀλιγωροῦσι τοῦ δοκεῖν. καὶ δυσέλπιδεσ διὰ τὴν ἐμπειρίαν τὰ γὰρ πλείω τῶν γιγνομένων φαῦλά ἐστιν·

ἀποβαίνει γὰρ τὰ πολλὰ ἐπὶ τὸ χεῖρον, καὶ ἔτι διὰ τὴν δειλίαν. καὶ ζῶσι τῇ μνήμῃ μᾶλλον ἢ τῇ ἐλπίδι·

τοῦ γὰρ βίου τὸ μὲν λοιπὸν ὀλίγον τὸ δὲ παρεληλυθὸσ πολύ, ἔστι δὲ ἡ μὲν ἐλπὶσ τοῦ μέλλοντοσ ἡ δὲ μνήμη τῶν παροιχομένων· ὅπερ αἴτιον καὶ τῆσ ἀδολεσχίασ αὐτοῖσ· διατελοῦσι γὰρ τὰ γενόμενα λέγοντεσ· ἀναμιμνησκόμενοι γὰρ ἥδονται. καὶ οἱ θυμοὶ ὀξεῖσ μὲν ἀσθενεῖσ δέ εἰσιν, καὶ αἱ ἐπιθυμίαι αἱ μὲν ἐκλελοίπασιν αἱ δὲ ἀσθενεῖσ εἰσιν, ὥστε οὔτ’ ἐπιθυμητικοὶ οὔτε πρακτικοὶ κατὰ τὰσ ἐπιθυμίασ, ἀλλὰ κατὰ τὸ κέρδοσ·

διὸ σωφρονικοὶ φαίνονται οἱ τηλικοῦτοι· αἵ τε γὰρ ἐπιθυμίαι ἀνείκασι καὶ δουλεύουσι τῷ κέρδει. καὶ μᾶλλον ζῶσι κατὰ λογισμὸν ἢ κατὰ τὸ ἦθοσ·

ὁ μὲν γὰρ λογισμὸσ τοῦ συμφέροντοσ τὸ δ’ ἦθοσ τῆσ ἀρετῆσ ἐστιν. καὶ τἀδικήματα ἀδικοῦσιν εἰσ κακουργίαν, οὐκ εἰσ ὕβριν. ἐλεητικοὶ δὲ καὶ οἱ γέροντέσ εἰσιν, ἀλλ’ οὐ διὰ ταὐτὰ τοῖσ νέοισ·

οἱ μὲν γὰρ διὰ φιλανθρωπίαν, οἱ δὲ δι’ ἀσθένειαν· πάντα γὰρ οἰόνται ἐγγὺσ εἶναι αὑτοῖσ παθεῖν, τοῦτο δ’ ἦν ἐλεητικόν· ὅθεν ὀδυρτικοί εἰσι, καὶ οὐκ εὐτράπελοι οὐδὲ φιλογέλοιοι· ἐναντίον γὰρ τὸ ὀδυρτικὸν τῷ φιλογέλωτι. τῶν μὲν οὖν νέων καὶ τῶν πρεσβυτέρων τὰ ἤθη τοιαῦτα, ὥστ’ ἐπεὶ ἀποδέχονται πάντεσ τοὺσ τῷ σφετέρῳ ἤθει λεγομένουσ λόγουσ καὶ τοὺσ ὁμοίουσ, οὐκ ἄδηλον πῶσ χρώμενοι τοῖσ λόγοισ τοιοῦτοι φανοῦνται καὶ αὐτοὶ καὶ οἱ λόγοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 13

(아리스토텔레스, 수사학, Book 2, chapter 13)

상위

목록

SEARCH

MENU NAVIGATION