헬라어 문장 검색 - ΑριστόΡηετορί2́12́

(아리스토텔레스, 수사학, Book 2, chapter 12)

τὰ δὲ ἤθη ποῖοί τινεσ κατὰ τὰ πάθη καὶ τὰσ ἕξεισ καὶ τὰσ ἡλικίασ καὶ τὰσ τύχασ, διέλθωμεν μετὰ ταῦτα. λέγω δὲ πάθη μὲν ὀργὴν ἐπιθυμίαν καὶ τὰ τοιαῦτα περὶ ὧν εἰρήκαμεν πρότερον, ἕξεισ δὲ ἀρετὰσ καὶ κακίασ, εἴρηται δὲ περὶ τούτων πρότερον, καὶ ποῖα προαιροῦνται ἕκαστοι, καὶ ποίων πρακτικοί ἡλικίαι δέ εἰσι νεότησ καὶ ἀκμὴ καὶ γῆρασ.

. τύχην δὲ λέγω εὐγένειαν καὶ πλοῦτον καὶ δυνάμεισ καὶ τἀναντία τούτοισ καὶ ὅλωσ εὐτυχίαν καὶ δυστυχίαν. οἱ μὲν οὖν νέοι τὰ ἤθη εἰσὶν ἐπιθυμητικοί, καὶ οἱοῖ ποιεῖν ὧν ἂν ἐπιθυμήσωσι.

εὐμετάβολοι δὲ καὶ ἁψίκοροι πρὸσ τὰσ ἐπιθυμίασ, καὶ σφόδρα μὲν ἐπιθυμοῦσι ταχέωσ δὲ παύονται ὀξεῖαι γὰρ αἱ βουλήσεισ καὶ οὐ μεγάλαι, ὥσπερ αἱ τῶν καμνόντων δίψαι καὶ πεῖναι, καὶ θυμικοὶ καὶ ὀξύθυμοι καὶ οἱοῖ ἀκολουθεῖν τῇ ὀργῇ.

καὶ ἥττουσ εἰσὶ τοῦ θυμοῦ· διὰ γὰρ φιλοτιμίαν οὐκ ἀνέχονται ὀλιγωρούμενοι, ἀλλ’ ἀγανακτοῦσιν ἂν οἰώνται ἀδικεῖσθαι.

καὶ οὐ κακοήθεισ ἀλλ’ εὐήθεισ διὰ τὸ μήπω τεθεωρηκέναι πολλὰσ πονηρίασ, καὶ εὔπιστοι διὰ τὸ μήπω πολλὰ ἐξηπατῆσθαι, καὶ εὐέλπιδεσ·

ὥσπερ γὰρ οἱ οἰνωμένοι, οὕτω διάθερμοί εἰσιν οἱ νέοι ὑπὸ τῆσ φύσεωσ·

ἅμα δὲ καὶ διὰ τὸ μὴ πολλὰ ἀποτετυχηκέναι. καὶ ζῶσι τὰ πλεῖστα ἐλπίδι· ἡ μὲν γὰρ ἐλπὶσ τοῦ μέλλοντόσ ἐστιν ἡ δὲ μνήμη τοῦ παροιχομένου, τοῖσ δὲ νέοισ τὸ μὲν μέλλον πολὺ τὸ δὲ παρεληλυθὸσ βραχύ· τῇ γὰρ πρώτῃ ἡμέρᾳ μεμνῆσθαι μὲν οὐδὲν οἱο͂́ν τε, ἐλπίζειν δὲ πάντα. καὶ εὐεξαπάτητοί εἰσι διὰ τὸ εἰρημένον ἐλπίζουσι γὰρ ῥᾳδίωσ, καὶ ἀνδρειότεροι θυμώδεισ γὰρ καὶ εὐέλπιδεσ, ὧν τὸ μὲν μὴ φοβεῖσθαι τὸ δὲ θαρρεῖν ποιεῖ· καὶ αἰσχυντηλοί οὐ γάρ πω καλὰ ἕτερα ὑπολαμβάνουσιν, ἀλλὰ πεπαίδευνται ὑπὸ τοῦ νόμου μόνον, καὶ μεγαλόψυχοι οὐ γὰρ ὑπὸ τοῦ βίου πω τεταπείνωνται, ἀλλὰ τῶν ἀναγκαίων ἄπειροί εἰσιν, καὶ τὸ ἀξιοῦν αὑτὸν μεγάλων μεγαλοψυχία·

τοῦτο δ’ εὐέλπιδοσ.

καὶ μᾶλλον αἱροῦνται πράττειν τὰ καλὰ τῶν συμφερόντων·

τῷ γὰρ ἤθει ζῶσι μᾶλλον ἢ τῷ λογισμῷ, ἔστι δὲ ὁ μὲν λογισμὸσ τοῦ συμφέροντοσ ἡ δὲ ἀρετὴ τοῦ καλοῦ. καὶ φιλόφιλοι καὶ φιλέταιροι μᾶλλον τῶν ἄλλων ἡλικιῶν διὰ τὸ χαίρειν τῷ συζῆν καὶ μήπω πρὸσ τὸ συμφέρον κρίνειν μηδέν, ὥστε μηδὲ τοὺσ φίλουσ.

καὶ ἅπαντα ἐπὶ τὸ μᾶλλον καὶ σφοδρότερον ἁμαρτάνουσι, παρὰ τὸ Χιλώνειον πάντα γὰρ ἄγαν πράττουσιν·

φιλοῦσι γὰρ ἄγαν καὶ μισοῦσιν ἄγαν καὶ τἆλλα πάντα ὁμοίωσ, καὶ εἰδέναι ἅπαντα οἰόνται καὶ διισχυρίζονται τοῦτο γὰρ αἴτιόν ἐστιν καὶ τοῦ πάντα ἄγαν, καὶ τὰ ἀδικήματα ἀδικοῦσιν εἰσ ὕβριν, οὐ κακουργίαν. καὶ ἐλεητικοὶ διὰ τὸ πάντασ χρηστοὺσ καὶ βελτίουσ ὑπολαμβάνειν τῇ γὰρ αὑτῶν ἀκακίᾳ τοὺσ πέλασ μετροῦσιν, ὥστε ἀνάξια πάσχειν ὑπολαμβάνουσιν αὐτούσ, καὶ φιλογέλωτεσ, διὸ καὶ φιλευτράπελοι·

ἡ γὰρ εὐτραπελία πεπαιδευμένη ὕβρισ ἐστίν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 12

(아리스토텔레스, 수사학, Book 2, chapter 12)

상위

목록

SEARCH

MENU NAVIGATION