헬라어 문장 검색 - ΑριστόΡηετορί2́10́

(아리스토텔레스, 수사학, Book 2, chapter 10)

δῆλον δὲ καὶ ἐπὶ τίσι φθονοῦσι καὶ τίσι καὶ πῶσ ἔχοντεσ, εἴπερ ἐστὶν ὁ φθόνοσ λύπη τισ ἐπὶ εὐπραγίᾳ φαινομένῃ τῶν εἰρημένων ἀγαθῶν περὶ τοὺσ ὁμοίουσ, μὴ ἵνα τι αὑτῷ, ἀλλὰ δι’ ἐκείνουσ· φθονήσουσι μὲν γὰρ οἱ τοιοῦτοι οἷσ εἰσί τινεσ ὅμοιοι ἢ φαίνονται· ὁμοίουσ δὲ λέγω κατὰ γένοσ, κατὰ συγγένειαν, καθ’ ἡλικίασ, κατὰ ἕξεισ, κατὰ δόξαν, κατὰ τὰ ὑπάρχοντα.

καὶ οἷσ μικρὸν ἐλλείπει τοῦ μὴ πάντα ὑπάρχειν διὸ οἱ μεγάλα πράττοντεσ καὶ οἱ εὐτυχοῦντεσ φθονεροί εἰσιν· πάντασ γὰρ οἰόνται τὰ αὑτῶν φέρειν. καὶ οἱ τιμώμενοι ἐπί τινι διαφερόντωσ, καὶ μάλιστα ἐπὶ σοφίᾳ ἢ εὐδαιμονίᾳ.

καὶ οἱ φιλότιμοι φθονερώτεροι τῶν ἀφιλοτίμων. καὶ οἱ δοξόσοφοι· φιλότιμοι γὰρ ἐπὶ σοφίᾳ. καὶ ὅλωσ οἱ φιλόδοξοι περί τι φθονεροὶ περὶ τοῦτο. καὶ οἱ μικρόψυχοι· πάντα γὰρ μεγάλα δοκεῖ αὐτοῖσ εἶναι. ἐφ’ οἷσ δὲ φθονοῦσι, τὰ μὲν ἀγαθὰ εἴρηται·

ἐφ’ οἷσ γὰρ φιλοδοξοῦσι καὶ φιλοτιμοῦνται ἔργοισ ἢ κτήμασι καὶ ὀρέγονται δόξησ, καὶ ὅσα εὐτυχήματά ἐστιν, σχεδὸν περὶ πάντα φθόνοσ ἔστι, καὶ μάλιστα ὧν αὐτοὶ ἢ ὀρέγονται ἢ οἰόνται δεῖν αὑτοὺσ ἔχειν, ἢ ὧν τῇ κτήσει μικρῷ ὑπερέχουσιν ἢ μικρῷ ἐλλείπουσιν. φανερὸν δὲ καὶ οἷσ φθονοῦσιν·

ἅμα γὰρ εἴρηται· τοῖσ γὰρ ἐγγὺσ καὶ χρόνῳ καὶ τόπῳ καὶ ἡλικίᾳ καὶ δόξῃ φθονοῦσιν· ὅθεν εἴρηται τὸ συγγενὲσ γὰρ καὶ φθονεῖν ἐπίσταται. καὶ πρὸσ οὓσ φιλοτιμοῦνται· φιλοτιμοῦνται γὰρ πρὸσ τοὺσ εἰρημένουσ, πρὸσ δὲ τοὺσ μυριοστὸν ἔτοσ ὄντασ ἢ πρὸσ τοὺσ ἐσομένουσ ἢ τεθνεῶτασ οὐδείσ, οὐδὲ πρὸσ τοὺσ ἐφ’ Ἡρακλείαισ στήλαισ. οὐδ’ ὧν πολὺ οἰόνται παρ’ αὐτοῖσ ἢ παρὰ τοῖσ ἄλλοισ λείπεσθαι, οὐδ’ ὧν πολὺ ὑπερέχειν, ὡσαύτωσ καὶ ρὸσ τούτουσ καὶ περὶ τὰ τοιαῦτα. ἐπεὶ δὲ πρὸσ τοὺσ ἀνταγωνιστὰσ καὶ ἀντεραστὰσ καὶ ὅλωσ τοὺσ τῶν αὐτῶν ἐφιεμένουσ φιλοτιμοῦνται, ἀνάγκη μάλιστα τούτοισ φθονεῖν, διόπερ εἴρηται καὶ κεραμεὺσ κεραμεῖ.

καὶ ὧν ἢ κεκτημένων ἢ κατορθούντων ὄνειδοσ αὐτοῖσ εἰσὶν δὲ καὶ οὗτοι <οἱ> ἐγγὺσ καὶ ὅμοιοι·

δῆλον γὰρ ὅτι παρ’ αὐτοὺσ οὐ τυγχάνουσι τοῦ ἀγαθοῦ, ὥστε τοῦτο λυποῦν ποιεῖ τὸν φθόνον. καὶ τοῖσ ἢ ἔχουσι ταῦτα ἢ κεκτημένοισ ὅσα αὐτοῖσ προσῆκεν ἢ ἐκέκτηντό ποτε·

καὶ οἱ πολλὰ δαπανήσαντεσ εἰσ ταὐτὸ τοῖσ ὀλίγα φθονοῦσιν.

καὶ τοῖσ ταχὺ οἱ ἢ μόλισ τυχόντεσ ἢ μὴ τυχόντεσ φθονοῦσιν.

δῆλον δὲ καὶ ἐφ’ οἷσ χαίρουσιν οἱ τοιοῦτοι καὶ ἐπὶ τίσι καὶ πῶσ ἔχοντεσ·

ὡσ γὰρ ἔχοντεσ λυποῦνται, οὕτωσ ἔχοντεσ ἐπὶ τοῖσ ἐναντίοισ ἡσθήσονται. ὥστε ἂν αὐτοὶ μὲν παρασκευασθῶσιν οὕτωσ ἔχειν, οἱ δ’ ἐλεεῖσθαι ἢ τυγχάνειν τινὸσ ἀγαθοῦ ἀξιοῦντεσ ὦσιν οἱοῖ οἱ εἰρημένοι, δῆλον ὡσ οὐ τεύξονται ἐλέου παρὰ τῶν κυρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 10

(아리스토텔레스, 수사학, Book 2, chapter 10)

상위

목록

SEARCH

MENU NAVIGATION