헬라어 문장 검색 - Πλυταρ́Νιξιασ́05́

(플루타르코스, Νικίας, chapter 5)

οὕτω δὴ διακείμενοσ εὐλαβῶσ πρὸσ τοὺσ συκοφάντασ οὔτε συνεδείπνει τινὶ τῶν πολιτῶν οὔτε κοινολογίαισ οὔτε συνδιημερεύσεσιν ἐνέβαλλεν ἑαυτόν, οὐδ’ ὅλωσ ἐσχόλαζε ταῖσ τοιαύταισ διατριβαῖσ, ἀλλ’ ἄρχων μὲν ἐν τῷ στρατηγίῳ διετέλει μέχρι νυκτόσ, ἐκ δὲ βουλῆσ ὕστατοσ ἀπῄει πρῶτοσ ἀφικνούμενοσ. εἰ δὲ μηδὲν ἐν κοινῷ πράττειν ἔχοι, δυσπρόσοδοσ ἦν καὶ δυσέντευκτοσ οἰκουρῶν καὶ κατακεκλεισμένοσ. οἱ δὲ φίλοι τοῖσ ἐπὶ ταῖσ θύραισ φοιτῶσιν ἐνετύγχανον, καὶ παρῃτοῦντο συγγνώμην ἔχειν, ὡσ καὶ τότε Νικίου πρὸσ δημοσίασ χρείασ τινὰσ καὶ ἀσχολίασ ὄντοσ.

καὶ ὁ μάλιστα ταῦτα συντραγῳδῶν καὶ συμπεριτιθεὶσ ὄγκον αὐτῷ καὶ δόξαν Ιἕρων ἦν, ἀνὴρ τεθραμμένοσ ἐπὶ τῆσ οἰκίασ τοῦ Νικίου, περί τε γράμματα καὶ μουσικὴν ἐξησκημένοσ ὑπ’ αὐτοῦ, προσποιούμενοσ δ’ υἱὸσ εἶναι Διονυσίου τοῦ Χαλκοῦ προσαγορευθέντοσ, οὗ καὶ ποιήματα σώζεται, καὶ τῆσ εἰσ Ἰταλίαν ἀποικίασ ἡγεμὼν γενόμενοσ ἔκτισε Θουρίουσ. οὗτοσ οὖν ὁ Ιἕρων τά τε πρὸσ τοὺσ μάντεισ ἀπόρρητα διεπράττετο τῷ Νικίᾳ, καὶ λόγουσ ἐξέφερεν εἰσ τὸν δῆμον ὡσ ἐπίπονόν τινα καὶ ταλαίπωρον διὰ τὴν πόλιν ζῶντοσ αὐτοῦ βίον·

ᾧ γ’ ἔφη καὶ περὶ λουτρὸν ὄντι καὶ περὶ δεῖπνον ἀεί τι προσπίπτειν δημόσιον· "ἀμελῶν δὲ τῶν ἰδίων ὑπὸ τοῦ τὰ κοινὰ φροντίζειν μόλισ ἄρχεται καθεύδειν περὶ πρῶτον ὕπνον. "ὅθεν αὐτῷ καὶ τὸ σῶμα διάκειται κακῶσ, καὶ τοῖσ φίλοισ οὐ προσηνὴσ οὐδὲ ἡδύσ ἐστιν, ἀλλὰ καὶ τούτουσ προσαποβέβληκε τοῖσ χρήμασι πολιτευόμενοσ. "οἱ δ’ ἄλλοι καὶ φίλουσ κτώμενοι καὶ πλουτίζοντεσ αὑτοὺσ ἀπὸ τοῦ βήματοσ εὐπαθοῦσι καὶ προσπαίζουσι τῇ πολιτείᾳ. τῷ δ’ ὄντι τοιοῦτοσ ἦν ὁ Νικίου βίοσ ὥστ’ αὐτὸν εἰπεῖν τὰ τοῦ Ἀγαμέμνονοσ εἰσ αὑτόν·

προστάτην γε τοῦ βίου τὸν ὄγκον ἔχομεν, τῷ τ’ ὄχλῳ δουλεύομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Νικίας, chapter 5

(플루타르코스, Νικίας, chapter 5)

상위

목록

SEARCH

MENU NAVIGATION