헬라어 문장 검색 - Παυσαν́Δεσξριπ́5́14́

(파우사니아스, Description of Greece, Ἠλιακῶν Α, chapter 14)

ὁ δὲ ἐν Ὀλυμπίᾳ βωμὸσ παρέχεται καὶ ἄλλο τοιόνδε ἐσ θαῦμα· οἱ γὰρ ἰκτῖνεσ πεφυκότεσ ἁρπάζειν μάλιστα ὀρνίθων ἀδικοῦσιν οὐδὲν ἐν Ὀλυμπίᾳ τοὺσ θύοντασ· ἢν δὲ ἁρπάσῃ ποτὲ ἰκτῖνοσ ἤτοι σπλάγχνα ἢ τῶν κρεῶν, νενόμισται τῷ θύοντι οὐκ αἴσιον εἶναι τὸ σημεῖον. φασὶ δὲ Ἡρακλεῖ τῷ Ἀλκμήνησ θύοντι ἐν Ὀλυμπίᾳ δι’ ὄχλου μάλιστα γενέσθαι τὰσ μυίασ· ἐξευρόντα οὖν αὐτὸν ἢ καὶ ὑπ’ ἄλλου διδαχθέντα Ἀπομυίῳ θῦσαι Διί, καὶ οὕτωσ ἀποτραπῆναι τὰσ μυίασ πέραν τοῦ Ἀλφειοῦ. λέγονται δὲ κατὰ ταὐτὰ καὶ Ἠλεῖοι θύειν τῷ Ἀπομυίῳ Διί, ἐξελαύνοντεσ τῆσ Ἠλείασ Ὀλυμπίασ τὰσ μυίασ. τῆσ δὲ λεύκησ μόνησ τοῖσ ξύλοισ ἐσ τοῦ Διὸσ τὰσ θυσίασ καὶ ἀπ’ οὐδενὸσ δένδρου τῶν ἄλλων οἱ Ἠλεῖοι χρῆσθαι νομίζουσι, κατ’ ἄλλο μὲν οὐδὲν προτιμῶντεσ ἐμοὶ δοκεῖν τὴν λεύκην, ὅτι δὲ Ἡρακλῆσ ἐκόμισεν αὐτὴν ἐσ Ἕλληνασ ἐκ τῆσ Θεσπρωτίδοσ χώρασ.

καί μοι καὶ αὐτὸσ ὁ Ἡρακλῆσ ἐφαίνετο, ἡνίκα τῷ Διὶ ἔθυεν ἐν Ὀλυμπίᾳ, τῶν ἱερείων τὰ μηρία ἐπὶ λεύκησ καῦσαι ξύλων· τὴν δὲ λεύκην ὁ Ἡρακλῆσ πεφυκυῖαν παρὰ τὸν Ἀχέροντα εὑρ͂ε τὸν ἐν Θεσπρωτίᾳ ποταμόν, καὶ τοῦδε ἕνεκά φασιν αὐτὴν Ἀχερωίδα ὑπὸ Ὁμήρου καλεῖσθαι. εἶχον δὲ ἄρα καὶ ἐξ ἀρχῆσ οἱ ποταμοὶ καὶ ἐσ τόδε ἔχουσιν οὐ κατὰ τὰ αὐτὰ ἐπιτηδείωσ πρὸσ γένεσιν πόασ τε καὶ δένδρων·

ἀλλὰ πλεῖσται μὲν ὑπὸ Μαιάνδρου μυρῖκαι καὶ μάλιστα αὔξονται, Ἀσωπὸσ δὲ ὁ Βοιώτιοσ βαθυτάτασ πέφυκεν ἐκτρέφειν τὰσ σχοίνουσ, τὸ δένδρον δὲ ἡ περσεία μόνου χαίρει τοῦ Νείλου τῷ ὕδατι. οὕτω καὶ τὴν λεύκην θαῦμα οὐδὲν καὶ αἴγειρόν τε καὶ κότινον, τὴν μὲν ἐπὶ Ἀχέροντι ἀναφῦναι πρώτῳ, κότινον δὲ ἐπὶ τῷ Ἀλφειῷ, τὴν δὲ αἴγειρον γῆσ τῆσ τῶν Κελτῶν καὶ Ἠριδανοῦ τοῦ Κελτικοῦ θρέμμα εἶναι.

φέρε δή, ἐποιησάμεθα γὰρ βωμοῦ τοῦ μεγίστου μνήμην, ἐπέλθωμεν καὶ τὰ ἐσ ἅπαντασ ἐν Ὀλυμπίᾳ τοὺσ βωμούσ·

ἐπακολουθήσει δὲ ὁ λόγοσ μοι τῇ ἐσ αὐτοὺσ τάξει, καθ’ ἥντινα Ἠλεῖοι θύειν ἐπὶ τῶν βωμῶν νομίζουσι. θύουσι δὲ Ἑστίᾳ μὲν πρώτῃ, δευτέρῳ δὲ τῷ Ὀλυμπίῳ Διὶ ἰόντεσ ἐπὶ τὸν βωμὸν τὸν ἐντὸσ τοῦ ναοῦ, τρίτα δὲ <Λαοίτᾳ Διὶ καὶ Ποσειδῶνι Λαοίτᾳ· > ἐπὶ ἑνὸσ βωμοῦ καὶ αὕτη καθέστηκεν ἡ θυσία. <τέταρτα καὶ> πέμπτα Ἀρτέμιδι θύουσι καὶ Ληίτιδι Ἀθηνᾷ, ἕκτα Ἐργάνῃ·

ταύτῃ τῇ Ἐργάνῃ καὶ οἱ ἀπόγονοι Φειδίου, καλούμενοι δὲ φαιδρυνταί, γέρασ παρὰ Ἠλείων εἰληφότεσ τοῦ Διὸσ τὸ ἄγαλμα ἀπὸ τῶν προσιζανόντων καθαίρειν, οὗτοι θύουσιν ἐνταῦθα πρὶν ἢ λαμπρύνειν τὸ ἄγαλμα ἄρχονται. ἔστι δὲ Ἀθηνᾶσ καὶ ἄλλοσ βωμὸσ πλησίον τοῦ ναοῦ, καὶ Ἀρτέμιδοσ παρ’ αὐτὸν τετράγωνοσ ἀνήκων ἠρέμα ἐσ ὕψοσ. μετὰ δὲ τοὺσ κατειλεγμένουσ Ἀλφειῷ καὶ Ἀρτέμιδι θύουσιν ἐπὶ ἑνὸσ βωμοῦ·

τὸ δὲ αἴτιον τούτου παρεδήλωσε μέν που καὶ Πίνδαροσ ἐν ᾠδῇ, γράφομεν δὲ καὶ ἡμεῖσ ἐν τοῖσ λόγοισ τοῖσ Λετριναίοισ. τούτου δὲ οὐ πόρρω καὶ ἄλλοσ τῷ Ἀλφειῷ βωμὸσ πεποίηται, παρὰ δὲ αὐτόν ἐστιν Ἡφαίστου·

τοῦ δὲ Ἡφαίστου τὸν βωμόν εἰσιν Ἠλείων οἳ ὀνομάζουσιν Ἀρείου Διόσ· λέγουσι δὲ οἱ αὐτοὶ οὗτοι καὶ ὡσ Οἰνόμαοσ ἐπὶ τοῦ βωμοῦ τούτου θύοι τῷ Ἀρείῳ Διί, ὁπότε τῶν Ἱπποδαμείασ μνηστήρων καθίστασθαι μέλλοι τινὶ ἐσ ἵππων ἅμιλλαν. μετὰ τοῦτον πεποίηται μὲν Ἡρακλεῖ βωμὸσ ἐπίκλησιν Παραστάτῃ, πεποίηται δὲ καὶ τοῦ Ἡρακλέουσ τοῖσ ἀδελφοῖσ Ἐπιμήδει καὶ Ἴδᾳ καὶ Παιωναίῳ τε καὶ Ιἄσῳ·

τὸν δὲ τοῦ Ἴδα βωμὸν Ἀκεσίδα ὑπὸ ἑτέρων οἶδα καλούμενον. ἔνθα δὲ τῆσ οἰκίασ τὰ θεμέλιά ἐστι τῆσ Οἰνομάου, δύο ἐνταῦθά εἰσι βωμοί, Διόσ τε Ἑρκείου ‐ τοῦτον ὁ Οἰνόμαοσ ἐφαίνετο αὐτὸσ οἰκοδομήσασθαι ‐ , τῷ δὲ Κεραυνίῳ Διὶ ὕστερον ἐποιήσαντο ἐμοὶ δοκεῖν βωμόν, ὅτ’ ἐσ τοῦ Οἰνομάου τὴν οἰκίαν κατέσκηψεν ὁ κεραυνόσ. τὰ δὲ ἐσ τὸν μέγαν βωμὸν ὀλίγῳ μέν τι ἡμῖν πρότερόν ἐστιν εἰρημένα, καλεῖται δὲ Ὀλυμπίου Διόσ·

πρὸσ αὐτῷ δέ ἐστιν Ἀγνώστων θεῶν βωμὸσ καὶ μετὰ τοῦτον Καθαρσίου Διὸσ καὶ Νίκησ καὶ αὖθισ Διὸσ ἐπωνυμίαν Χθονίου. εἰσὶ δὲ καὶ θεῶν πάντων βωμοὶ καὶ Ἥρασ ἐπίκλησιν Ὀλυμπίασ, πεποιημένοσ τέφρασ καὶ οὗτοσ· Κλυμένου δέ φασιν αὐτὸν ἀνάθημα εἶναι. μετὰ δὲ τοῦτον Ἀπόλλωνοσ καὶ Ἑρμοῦ βωμόσ ἐστιν ἐν κοινῷ, διότι Ἑρμῆν λύρασ, Ἀπόλλωνα δὲ εὑρέτην εἶναι κιθάρασ Ἑλλήνων ἐστὶν ἐσ αὐτοὺσ λόγοσ. ἐφεξῆσ δὲ Ὁμονοίασ βωμὸσ καὶ αὖθισ Ἀθηνᾶσ, ὁ δὲ Μητρὸσ θεῶν.

τῆσ ἐσόδου δὲ τῆσ ἐσ τὸ στάδιόν εἰσιν ἐγγύτατα βωμοὶ δύο· τὸν μὲν αὐτῶν Ἑρμοῦ καλοῦσιν Ἐναγωνίου, τὸν δὲ ἕτερον Καιροῦ.

Ιὤνι δὲ οἶδα τῷ Χίῳ καὶ ὕμνον πεποιημένον Καιροῦ· γενεαλογεῖ δὲ ἐν τῷ ὕμνῳ νεώτατον παίδων Διὸσ Καιρὸν εἶναι. πλησίον δὲ τοῦ Σικυωνίων θησαυροῦ ἤτοι Κουρήτων ἢ τοῦ Ἀλκμήνησ ἐστὶν Ἡρακλέουσ· λέγεται γὰρ καὶ ἀμφότερα. ἐπὶ δὲ τῷ Γαίῳ καλουμένῳ, βωμόσ ἐστιν ἐπ’ αὐτῷ Γῆσ, τέφρασ καὶ οὗτοσ·

τὰ δὲ ἔτι ἀρχαιότερα καὶ μαντεῖον τῆσ Γῆσ αὐτόθι εἶναι λέγουσιν. ἐπὶ δὲ τοῦ ὀνομαζομένου Στομίου Θέμιδι ὁ βωμὸσ πεποίηται. τοῦ δὲ Καταιβάτου Διὸσ προβέβληται μὲν πανταχόθεν πρὸ τοῦ βωμοῦ φράγμα, ἔστι δὲ πρὸσ τῷ βωμῷ τῷ ἀπὸ τῆσ τέφρασ τῷ μεγάλῳ. μεμνήσθω δέ τισ οὐ κατὰ στοῖχον τῆσ ἱδρύσεωσ ἀριθμουμένουσ τοὺσ βωμούσ, τῇ δὲ τάξει τῇ Ἠλείων ἐσ τὰσ θυσίασ συμπερινοστοῦντα ἡμῖν τὸν λόγον. πρὸσ δὲ τῷ τεμένει τοῦ Πέλοποσ Διονύσου μὲν καὶ Χαρίτων ἐν κοινῷ, μεταξὺ δὲ αὐτῶν Μουσῶν καὶ ἐφεξῆσ τούτων Νυμφῶν ἐστι βωμόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 14

(파우사니아스, Description of Greece, Ἠλιακῶν Α, chapter 14)

상위

목록

SEARCH

MENU NAVIGATION