헬라어 문장 검색 - Παυσαν́Δεσξριπ́5́06́

(파우사니아스, Description of Greece, Ἠλιακῶν Α, chapter 6)

κατὰ δὲ τὴν ὁδὸν τὴν εὐθεῖαν διαβάντι τὸν Ἄνιγρον καὶ ἰόντι ἐσ Ὀλυμπίαν, ἔστιν οὐ μετὰ πολὺ ἐν δεξιᾷ τῆσ ὁδοῦ χωρίον τε ὑψηλὸν καὶ πόλισ Σαμία ἐπ’ αὐτοῦ Σαμικοῦ. Πολυσπέρχοντά φασιν ἄνδρα Αἰτωλὸν ἐπιτειχίσματι ἐπὶ τοὺσ Ἀρκάδασ χρήσασθαι.

τὰ δὲ ἐρείπια τὰ Ἀρήνησ σαφῶσ μὲν οὔτε Μεσσηνίων εἶχεν οὐδεὶσ οὔτε Ἠλείων ἀποφῆναί μοι·

διάφορα δὲ ὑπὲρ αὐτῆσ καὶ οὐ κατὰ ταὐτὰ πάρεστι τοῖσ ἐθέλουσιν εἰκάζειν, πιθανώτατα δὲ ἐφαίνοντό μοι λέγειν οἱ τὸ Σαμικὸν τὰ παλαιότερα ἔτι καὶ τὰ ἐπὶ τῶν ἡρώων Ἀρήνην καλεῖσθαι νομίζοντεσ. οὗτοι δὲ καὶ ἔπη τῶν ἐν Ἰλιάδι ἔλεγον· ἔστι δέ τισ ποταμὸσ Μινυήιοσ εἰσ ἅλα βάλλωνἐγγύθεν Ἀρήνησ. τὰ δὲ ἐρείπια ταῦτα πλησιαίτατά ἐστι τοῦ Ἀνίγρου.

καὶ Ἀρήνην μὲν ἀμφισβητοίησ ἂν μὴ ὀνομασθῆναι τὸ Σαμικόν, τῷ δὲ ποταμῷ Ἀνίγρῳ Μινυήιον τὸ ὄνομα εἶναι τὸ ἀρχαῖον ὡμολογήκασιν οἱ Ἀρκάδεσ. ὁρ́ον δὲ Ἠλείοισ πρὸσ τὴν Μεσσηνίαν τῆσ Νέδασ τὰ ἐπὶ θαλάσσῃ γενέσθαι τισ πείθοιτο ἂν ὁμοῦ τῇ ἐσ Πελοπόννησον Ἡρακλειδῶν καθόδῳ. μετὰ δὲ τὸν Ἄνιγρον ὁδεύσαντι ἐπὶ μακρότερον διὰ χωρίου τὰ πλείονα ὑποψάμμου καὶ ἔχοντοσ δένδρα πίτυσ ἀγρίασ, ὀπίσω ἐσ ἀριστερὰ Σκιλλοῦντοσ ὄψει ἐρείπια.

τῶν μὲν δὴ πόλεων ἦν τῶν ἐν τῇ Τριφυλίᾳ καὶ Σκιλλοῦσ· ἐπὶ δὲ τοῦ πολέμου τοῦ Πισαίων πρὸσ Ἠλείουσ ἐπίκουροί τε Πισαίων οἱ Σκιλλούντιοι καὶ διάφοροι τοῖσ Ἠλείοισ ἦσαν ἐκ τοῦ φανεροῦ, καὶ σφᾶσ οἱ Ἠλεῖοι τούτων ἕνεκα ἐποίησαν ἀναστάτουσ. Λακεδαιμόνιοι δὲ ὕστερον Σκιλλοῦντα ἀποτεμόμενοι τῆσ Ἠλείασ Ξενοφῶντι ἔδοσαν τῷ Γρύλου, φυγάδι ἤδη γεγονότι ἐξ Ἀθηνῶν.

ἐδιώχθη δὲ ὁ Ξενοφῶν ὑπὸ Ἀθηναίων ὡσ ἐπὶ βασιλέα τῶν Περσῶν σφίσιν εὔνουν ὄντα στρατείασ μετασχὼν Κύρῳ πολεμιωτάτῳ τοῦ δήμου· καθήμενοσ γὰρ ἐν Σάρδεσιν ὁ Κῦροσ Λυσάνδρῳ τῷ Ἀριστοκρίτου καὶ Λακεδαιμονίοισ χρήματα ἀνήλισκεν ἐσ τὰσ ναῦσ.

ἀντὶ τούτων μὲν Ξενοφῶντι ἐγένετο φυγή, κατοικήσασ δὲ ἐν Σκιλλοῦντι τέμενόσ τε καὶ ἱερὸν καὶ ναὸν Ἀρτέμιδι ᾠκοδομήσατο Ἐφεσίᾳ. παρέχεται δὲ ὁ Σκιλλοῦσ καὶ ἄγρασ θηρίων, ὑῶν τε ἀγρίων καὶ ἐλάφων·

καὶ τὴν γῆν τὴν Σκιλλουντίαν Σελινοῦσ ποταμὸσ διέξεισιν. οἱ δὲ Ἠλείων ἐξηγηταὶ κομίσασθαί τε αὖθισ Σκιλλοῦντα Ἠλείουσ ἔλεγον, καὶ Ξενοφῶντα, ὅτι ἔλαβε παρὰ Λακεδαιμονίων τὴν γῆν, κριθῆναι μὲν ἐν τῇ Ὀλυμπικῇ βουλῇ, τυχόντα δὲ παρὰ Ἠλείων συγγνώμησ ἀδεῶσ ἐν Σκιλλοῦντι οἰκῆσαι. καὶ δὴ καὶ ὀλίγον ἀπωτέρω τοῦ ἱεροῦ μνῆμά τε ἐδείκνυτο καὶ τῆσ Πεντελῆσίν ἐστι λιθοτομίασ εἰκὼν ἐπὶ τῷ τάφῳ· εἶναι δὲ αὐτὸ Ξενοφῶντοσ λέγουσιν οἱ προσοικοῦντεσ. κατὰ δὲ τὴν ἐσ Ὀλυμπίαν ὁδόν, πρὶν ἢ διαβῆναι τὸν Ἀλφειόν, ἔστιν ὄροσ ἐκ Σκιλλοῦντοσ ἐρχομένῳ πέτραισ ὑψηλαῖσ ἀπότομον·

ὀνομάζεται δὲ Τυπαῖον τὸ ὄροσ. κατὰ τούτου τὰσ γυναῖκασ Ἠλείοισ ἐστὶν ὠθεῖν νόμοσ, ἢν φωραθῶσιν ἐσ τὸν ἀγῶνα ἐλθοῦσαι τὸν Ὀλυμπικὸν ἢ καὶ ὅλωσ ἐν ταῖσ ἀπειρημέναισ σφίσιν ἡμέραισ διαβᾶσαι τὸν Ἀλφειόν. οὐ μὴν οὐδὲ ἁλῶναι λέγουσιν οὐδεμίαν, ὅτι μὴ Καλλιπάτειραν μόνην· εἰσὶ δὲ οἳ τὴν αὐτὴν ταύτην Φερενίκην καὶ οὐ Καλλιπάτειραν καλοῦσιν. αὕτη προαποθανόντοσ αὐτῇ τοῦ ἀνδρόσ, ἐξεικάσασα αὑτὴν τὰ πάντα ἀνδρὶ γυμναστῇ, ἤγαγεν ἐσ Ὀλυμπίαν τὸν υἱὸν μαχούμενον·

νικῶντοσ δὲ τοῦ Πεισιρόδου, τὸ ἔρυμα ἐν ᾧ τοὺσ γυμναστὰσ ἔχουσιν ἀπειλημμένουσ, τοῦτο ὑπερπηδῶσα ἡ Καλλιπάτειρα ἐγυμνώθη.

φωραθείσησ δὲ ὅτι εἰή γυνή, ταύτην ἀφιᾶσιν ἀζήμιον καὶ τῷ πατρὶ καὶ ἀδελφοῖσ αὐτῆσ καὶ τῷ παιδὶ αἰδῶ νέμοντεσ ‐ ὑπῆρχον δὴ ἅπασιν αὐτοῖσ Ὀλυμπικαὶ νῖκαι ‐ , ἐποίησαν δὲ νόμον ἐσ τὸ ἔπειτα ἐπὶ τοῖσ γυμνασταῖσ γυμνοὺσ σφᾶσ ἐσ τὸν ἀγῶνα ἐσέρχεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 6

(파우사니아스, Description of Greece, Ἠλιακῶν Α, chapter 6)

상위

목록

SEARCH

MENU NAVIGATION