Lysias, Speeches, Κατὰ Διογείτονος 31:

ὃ δὲ πάντων δεινότατον, ὦ <ἄνδρεσ> δικασταί· οὗτοσ γὰρ συντριηραρχῶν Ἀλέξιδι τῷ Ἀριστοδίκου, φάσκων δυοῖν δεούσασ πεντήκοντα μνᾶσ ἐκείνῳ συμβαλέσθαι, τὸ ἥμισυ τούτοισ ὀρφανοῖσ οὖσι λελόγισται, οὓσ ἡ πόλισ οὐ μόνον παῖδασ ὄντασ ἀτελεῖσ ἐποίησεν, ἀλλὰ καὶ ἐπειδὰν δοκιμασθῶσιν ἐνιαυτὸν ἀφῆκεν ἁπασῶν τῶν λῃτουργιῶν. οὗτοσ δὲ πάπποσ ὢν παρὰ τοὺσ νόμουσ τῆσ ἑαυτοῦ τριηραρχίασ παρὰ τῶν θυγατριδῶν τὸ ἥμισυ πράττεται.