Lysias, Speeches, Ἀπολογία δωροδοκίασ ἀπαράσημος 29:

μαινοίμην γὰρ <ἄν>, ὦ ἄνδρεσ δικασταί, εἰ τὴν μὲν πατρῴαν οὐσίαν φιλοτιμούμενοσ εἰσ ὑμᾶσ ἀναλίσκοιμι, ἐπὶ δὲ τῷ τῆσ πόλεωσ κακῷ παρὰ τῶν ἄλλων δωροδοκοίην. ἐγὼ μὲν οὖν, ὦ ἄνδρεσ δικασταί, οὐκ οἶδ’ οὕστινασ ἢ ὑμᾶσ ἐβουλήθην περὶ ἐμοῦ δικαστὰσ γενέσθαι, εἴπερ χρὴ τοὺσ εὖ πεπονθότασ περὶ τῶν εὖ πεποιηκότων εὔχεσθαι τὴν ψῆφον φέρειν.