Lysias, Speeches, Ὑπὲρ Πολυστράτου 15:

πῶσ δ’ ἂν γένοιτο δημοτικώτεροσ, ἢ ὅστισ ὑμῶν ψηφισαμένων πεντακισχιλίοισ παραδοῦναι τὰ πράγματα καταλογεὺσ ὢν ἐνακισχιλίουσ κατέλεξεν, ἵνα μηδεὶσ αὐτῷ διάφοροσ εἰή τῶν δημοτῶν, ἀλλ’ ἵνα τὸν μὲν βουλόμενον ἐγγράφοι, εἰ δέ τῳ μὴ οἱο͂́ν τ’ εἰή, χαρίζοιτο. καίτοι οὐχ οἳ ἂν πλείουσ τοὺσ πολίτασ ποιῶσιν, οὗτοι καταλύουσι τὸν δῆμον, ἀλλ’ οἳ ἂν ἐκ πλειόνων ἐλάττουσ. οὗτοσ δὲ οὔτε ὀμόσαι ἤθελεν οὔτε καταλέγειν, ἀλλ’ αὐτὸν ἠνάγκαζον, ἐπιβολὰσ ἐπιβάλλοντεσ καὶ ζημιοῦντεσ·