Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 17:

πρῶτον μὲν γάρ, ὅτε τὴν συμμαχίαν ἐποιήσασθε πρὸσ τοὺσ Βοιωτοὺσ καὶ εἰσ Ἁλίαρτον ἔδει βοηθεῖν, ὑπὸ Ὀρθοβούλου κατειλεγμένοσ ἱππεύειν, ἐπειδὴ πάντασ ἑώρων τοῖσ μὲν ἱππεύουσιν ἀσφάλειαν εἶναι δεῖν νομίζοντασ, τοῖσ δ’ ὁπλίταισ κίνδυνον ἡγουμένουσ, ἑτέρων ἀναβάντων ἐπὶ τοὺσ ἵππουσ ἀδοκιμάστων παρὰ τὸν νόμον ἐγὼ προσελθὼν ἔφην τῷ Ὀρθοβούλῳ ἐξαλεῖψαί με ἐκ τοῦ καταλόγου, ἡγούμενοσ αἰσχρὸν εἶναι τοῦ πλήθουσ μέλλοντοσ κινδυνεύειν ἄδειαν ἐμαυτῷ παρασκευάσαντα στρατεύεσθαι. καί μοι ἀνάβηθι, Ὀρθόβουλε. Μάρτυρεσ συλλεγέντων τοίνυν τῶν δημοτῶν πρὸ τῆσ ἐξόδου, εἰδὼσ αὐτῶν ἐνίουσ πολίτασ μὲν χρηστοὺσ ὄντασ καὶ προθύμουσ, ἐφοδίων δὲ ἀποροῦντασ, εἶπον ὅτι χρὴ τοὺσ ἔχοντασ παρέχειν τὰ ἐπιτήδεια τοῖσ ἀπόρωσ διακειμένοισ.