헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 76)

"Ἀγαθοκλέα δοῦλον γενόμενον καὶ τῶν ἐκ Θετταλίασ πενεστῶν Φίλιπποσ μέγα παρ’ αὐτῷ δυνάμενον διὰ τὴν κολακείαν καὶ ὅτι ἐν τοῖσ συμποσίοισ συνὼν αὐτῷ ὠρχεῖτο καὶ γέλωτα παρεσκεύαζεν ἀπέστειλε διαφθεροῦντα Περραιβοὺσ καὶ τῶν ἐκεῖ πραγμάτων ἐπιμελησόμενον. "τοιούτουσ δ’ εἶχεν ἀεὶ περὶ αὑτὸν ἀνθρώπουσ ὁ Μακεδών, οἷσ διὰ φιλοποσίαν καὶ βωμολοχίαν πλείω χρόνον ὡσ τὰ πολλὰ συνδιέτριβε καὶ συνήδρευε περὶ τῶν μεγίστων βουλευόμενοσ. ἱστορεῖ δὲ περὶ αὐτοῦ καὶ τάδε Ἡγήσανδροσ ὁ Δελφὸσ ὡσ τοῖσ Ἀθήνησιν εἰσ τὸ Διομέων Ἡράκλειον ἀθροιζομένοισ τοῖσ τὰ γέλοια λέγουσιν ἀπέστελλεν ἰκανὸν κερμάτιον καὶ προσέτασσέ τισιν ἀναγράφοντασ τὰ λεγόμενα ὑπ’ αὐτῶν ἀποστέλλειν πρὸσ αὐτόν. "τοὺσ Θεσσαλούσ, φησίν, εἰδὼσ ὁ Φίλιπποσ ἀκολάστουσ ὄντασ καὶ περὶ τὸν βίον ἀσελγεῖσ συνουσίασ αὐτῶν κατεσκεύαζε καὶ πάντα τρόπον ἀρέσκειν αὐτοῖσ ἐπειρᾶτο, ὀρχούμενοσ καὶ κωμάζων καὶ πᾶσαν ἀκολασίαν ὑπομένων ἦν δὲ καὶ φύσει βωμολόχοσ καὶ καθ’ ἑκάστην ἡμέραν μεθυσκόμενοσ καὶ χαίρων τῶν ἐπιτηδευμάτων τοῖσ πρὸσ ταῦτα συντείνουσι καὶ τῶν ἀνθρώπων τοῖσ εὐφυέσι κάλουμένοισ καὶ τὰ γέλοια λέγουσι καὶ ποιοῦσι·

"πλείουσ τε τῶν Θετταλῶν τῶν αὐτῷ πλησιασάντων ᾕρει μᾶλλον ἐν ταῖσ συνουσίαισ ἢ ταῖσ δωρεαῖσ. τὰ παραπλήσια ἐποίει καὶ ὁ Σικελιώτησ Διονύσιοσ, ὡσ Εὔβουλοσ ὁ κωμῳδιοποιὸσ παρίστησιν ἐν τῷ τοῦ τυράννου ὁμωνύμῳ δράματι·

ἀλλ’ ἔστι τοῖσ σεμνοῖσ μὲν αὐθαδέστεροσ καὶ τοῖσ κόλαξι πᾶσι, τοῖσ σκώπτουσι δὲ ἑαυτὸν εὐόργητοσ· ἡγεῖται δὲ δὴ τούτουσ μόνουσ ἐλευθέρουσ, κἂν δοῦλοσ ᾖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 76

(아테나이오스, The Deipnosophists, Book 6, book 6, chapter 76)

상위

목록

SEARCH

MENU NAVIGATION