헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 74)

Ἱππίασ δ’ ὁ Ἐρυθραῖοσ ἐν τῇ δευτέρᾳ τῶν περὶ τῆσ πατρίδοσ ἱστοριῶν διηγούμενοσ ὡσ ἡ Κνωποῦ βασιλεία ὑπὸ τῶν ἐκείνου κολάκων κατελύθη φησὶν καὶ ταῦτα· "Κνωπῷ μαντευομένῳ περὶ σωτηρίασ ὁ θεὸσ ἔχρησε θύειν Ἑρμῇ δολίῳ. καὶ μετὰ ταῦτα ὁρμήσαντοσ αὐτοῦ εἰσ Δελφοὺσ οἱ τὴν βασιλείαν αὐτοῦ καταλῦσαι βουλόμενοι ἵν’ ὀλιγαρχίαν καταστήσωνται ἦσαν δ’ οὗτοι Ὀρτύγησ καὶ Ἶροσ καὶ Ἔχαροσ, οἳ ἐκαλοῦντο διὰ τὸ περὶ τὰσ θεραπείασ εἶναι τῶν ἐπιφανῶν πρόκυνεσ καὶ κόλακεσ συμπλέοντεσ οὖν τῷ Κνωπῷ, ὡσ ἤδη πόρρω τῆσ γῆσ ἦσαν, δήσαντεσ τὸν Κνωπὸν ἔρριψαν εἰσ τὸ πέλαγοσ καὶ καταχθέντεσ εἰσ Χίον καὶ δύναμιν παρὰ τῶν ἐκεῖ τυράννων λαβόντεσ Ἀμφίκλου καὶ Πολυτέκνου νυκτὸσ κατέπλευσαν εἰσ τὰσ Ἐρυθράσ, κατὰ τὸ αὐτὸ καὶ τὸ τοῦ Κνωποῦ σῶμα ἐξεβράσθη τῆσ Ἐρυθραίασ κατὰ τὴν ἀκτὴν ἣ νῦν Λεόποδον καλεῖται. "τῆσ δὲ γυναικὸσ τοῦ Κνωποῦ Κλεονίκησ περὶ τὴν τοῦ σώματοσ κηδείαν γινομένησ ἦν δὲ ἑορτὴ καὶ πανήγυρισ ἀγομένη Ἀρτέμιδι Στροφαίᾀ ἐξαίφνησ ἀκούεται σάλπιγγοσ βοή· "καὶ καταληφθέντοσ τοῦ ἄστεοσ ὑπὸ τῶν περὶ τὸν Ὀρτύγην πολλοὶ μὲν ἀναιροῦνται τῶν τοῦ Κνωποῦ φίλων καὶ ἡ Κλεονίκη μαθοῦσα φεύγει εἰσ Κολοφῶνα . οἱ δὲ περὶ τὸν Ὀρτύγην τύραννοι ἔχοντεσ τὴν ἐκ Χίου δύναμιν τοὺσ ἐνισταμένουσ αὐτῶν τοῖσ πράγμασι διέφθειρον καὶ τοὺσ νόμουσ καταλύσαντεσ αὐτοὶ διεῖπον τὰ κατὰ τὴν πόλιν ἐντὸσ τείχουσ οὐδένα δεχόμενοι τῶν δημοτῶν ἔξω δὲ πρὸ τῶν πυλῶν δικαστήριον κατασκευάσαντεσ τὰσ κρίσεισ ἐποιοῦντο, ἁλουργὰ μὲν ἀμπεχόμενοι περιβόλαια καὶ χιτῶνασ ἐνδεδυκότεσ περιπορφύρουσ. "ὑπεδέδεντο δὲ καὶ πολυσχιδῆ σανδάλια τοῦ θέρουσ, τοῦ δὲ χειμῶνοσ ἐν γυναικείοισ ὑποδήμασι διετέλουν περιπατοῦντεσ κόμασ τε ἔτρεφον καὶ πλοκαμῖδασ ἔχειν ἤσκουν, διειλημμένοι τὰσ κεφαλὰσ διαδήμασι μηλίνοισ καὶ πορφυροῖσ· "εἶχον δὲ καὶ κόσμον ὁλόχρυσον ὁμοίωσ ταῖσ γυναιξίν. ἠνάγκαζόν τε τῶν πολιτῶν τοὺσ μὲν διφροφορεῖν, τοὺσ δὲ ῥαβδουχεῖν, τοὺσ δὲ τὰσ ὁδοὺσ ἀνακαθαίρειν καὶ τῶν μὲν τοὺσ υἱεῖσ εἰσ τὰσ κοινὰσ συνουσίασ μετεπέμποντο, τοῖσ δὲ τὰσ ἰδίασ γυναῖκασ καὶ τὰσ θυγατέρασ ἄγειν παρήγγελλον τοὺσ δ’ ἀπειθοῦντασ ταῖσ ἐσχάταισ τιμωρίαισ περιέβαλλον. "εἰ δέ τισ τῶν ἐκ τῆσ ἑταιρίασ αὐτῶν ἀποθάνοι, συνάγοντεσ τοὺσ πολίτασ μετὰ γυναικῶν καὶ τέκνων ἠνάγκαζον θρηνεῖν τοὺσ ἀποθανόντασ καὶ στερνοτυπεῖσθαι μετὰ βίασ καὶ βοᾶν ὀξὺ καὶ μέγα ταῖσ φωναῖσ ἐφεστηκότοσ μαστιγοφόρου τοῦ ταῦτα ποιεῖν ἀναγκάζοντοσ, ἑώσ Ἱππότησ ὁ Κνωποῦ ἀδελφὸσ μετὰ δυνάμεωσ ἐπελθὼν ταῖσ Ἐρυθραῖσ ἑορτῆσ οὔσησ τῶν Ἐρυθραίων προσβοηθούντων ἐπῆλθε τοῖσ τυράννοισ καὶ πολλοὺσ αἰκισάμενοσ τῶν περὶ αὐτοὺσ Ὀρτύγην μὲν φεύγοντα συνεκέντησε καὶ τοὺσ μετὰ τούτου, τὰσ δὲ γυναῖκασ αὐτῶν καὶ τὰ τέκνα δεινῶσ αἰκισάμενοσ τὴν πατρίδα ἠλευθέρωσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 74

(아테나이오스, The Deipnosophists, Book 6, book 6, chapter 74)

상위

목록

SEARCH

MENU NAVIGATION