헬라어 텍스트

Athenaeus, The Deipnosophists, Book 6, book 6, chapter 4

(아테나이오스, The Deipnosophists, Book 6, book 6, chapter 4)

ἐπεισῆλθον οὖν ἡμῖν παῖδεσ πλῆθοσ ὅσον ἰχθύων φέροντεσ θαλασσίων λιμναίων τε ἐπὶ πινάκων ἀργυρῶν, ὡσ θαυμάσαι μετὰ τοῦ πλούτου καὶ τὴν πολυτέλειαν μονονουχὶ γὰρ καὶ τὰσ Νηρηίδασ ὀψωνήκει. καί τισ τῶν παρασίτων καὶ κολάκων ἔφη τὸν Ποσειδῶ πέμπειν τῷ Νιττουνίῳ ἡμῶν τοὺσ ἰχθῦσ οὐ διὰ τῶν ἐν τῇ Ῥώμῃ ὅσον ὅσῳ τῶν τὸν ἰχθὺν πωλούντων, ἀλλὰ τοὺσ μὲν ἐξ Ἀντίου κεκομίσθαι, ἑτέρουσ δ’ ἐκ Ταρακινῶν καὶ τῶν καταντικρὺ νήσων Ποντίων, ἄλλουσ δ’ ἐκ Πύργων πόλισ δ’ αὕτη Τυρρηνική, οἱ γὰρ ἐν τῇ Ῥώμῃ ἰχθυοπῶλαι οὐδ’ ὀλίγον ἀποδέουσι τῶν κατὰ τὴν Ἀττικήν ποτε κωμῳδηθέντων περὶ ὧν Ἀντιφάνησ μὲν ἐν Νεανίσκοισ φησίν ἐγὼ τέωσ μὲν ᾠόμην τὰσ Γοργόνασ εἶναί τι λογοποίημα πρὸσ ἀγορὰν δ’ ὅταν ἔλθω, πεπίστευκ’ ἐμβλέπων γὰρ αὐτόθι τοῖσ ἰχθυοπώλαισ λίθινοσ εὐθὺσ γίνομαι· ὥστ’ ἐξ ἀνάγκησ ἔστ’ ἀποστραφέντι μοι λαλεῖν πρὸσ αὐτούσ.

ἂν ἴδω γὰρ ἡλίκον ἰχθὺν ὅσου τιμῶσι, πήγνυμαι σαφῶσ.