헬라어 문장 검색 - ΑριστόΡηετορί2́18́

(아리스토텔레스, 수사학, Book 2, chapter 18)

ἐπεὶ δὲ ἡ τῶν πιθανῶν λόγων χρῆσισ πρὸσ κρίσιν ἐστί περὶ ὧν γὰρ ἴσμεν καὶ κεκρίκαμεν οὐδὲν ἔτι δεῖ λόγου, ἔστι δ’ ἐάν τε πρὸσ ἕνα τισ τῷ λόγῳ χρώμενοσ προτρέπῃ ἢ ἀποτρέπῃ, οἱο͂ν οἱ νουθετοῦντεσ ποιοῦσιν ἢ πείθοντεσ οὐδὲν γὰρ ἧττον κριτὴσ ὁ εἷσ· ὃν γὰρ δεῖ πεῖσαι, οὗτόσ ἐστιν ὡσ εἰπεῖν ἁπλῶσ κριτήσ, ἐάν τε πρὸσ ἀμφισβητοῦντασ, ἐάν τε πρὸσ ὑπόθεσιν λέγῃ τισ, ὁμοίωσ τῷ γὰρ λόγῳ ἀνάγκη χρῆσθαι καὶ ἀναιρεῖν τὰ ἐναντία, πρὸσ ἃ ὥσπερ ἀμφισβητοῦντα τὸν λόγον ποιεῖται, ὡσαύτωσ δὲ καὶ ἐν τοῖσ ἐπιδεικτικοῖσ ὥσπερ γὰρ πρὸσ κριτὴν τὸν θεωρὸν ὁ λόγοσ συνέστηκεν, ὅλωσ δὲ μόνοσ ἐστὶν ἁπλῶσ κριτὴσ ἐν τοῖσ πολιτικοῖσ ἀγῶσιν ὁ τὰ ζητούμενα κρίνων· τά τε γὰρ ἀμφισβητούμενα ζητεῖται πῶσ ἔχει, καὶ περὶ ὧν βουλεύονται, περὶ δὲ τῶν κατὰ τὰσ πολιτείασ ἠθῶν ἐν τοῖσ συμβουλευτικοῖσ εἴρηται πρότερον ‐ ὥστε διωρισμένον ἂν εἰή πῶσ τε καὶ διὰ τίνων τοὺσ λόγουσ ἠθικοὺσ ποιητέον. ἐπεὶ δὲ περὶ ἕκαστον μὲν γένοσ τῶν λόγων ἕτερον ἦν τὸ τέλοσ, περὶ ἁπάντων δ’ αὐτῶν εἰλημμέναι δόξαι καὶ προτάσεισ εἰσὶν ἐξ ὧν τὰσ πίστεισ φέρουσιν καὶ συμβουλεύοντεσ καὶ ἐπιδεικνύμενοι καὶ ἀμφισβητοῦντεσ, ἔτι δὲ ἐξ ὧν ἠθικοὺσ τοὺσ λόγουσ ἐνδέχεται ποιεῖν, καὶ περὶ τούτων διώρισται, λοιπὸν ἡμῖν διελθεῖν περὶ τῶν κοινῶν.

πᾶσι γὰρ ἀναγκαῖον τῷ περὶ τοῦ δυνατοῦ καὶ ἀδυνάτου προσχρῆσθαι ἐν τοῖσ λόγοισ, καὶ τοὺσ μὲν ὡσ ἔσται τοὺσ δὲ ὡσ γέγονε πειρᾶσθαι δεικνύναι.

ἔτι δὲ <τὸ> περὶ μεγέθουσ κοινὸν ἁπάντων ἐστὶ τῶν λόγων·

χρῶνται γὰρ πάντεσ τῷ μειοῦν καὶ αὔξειν καὶ συμβουλεύοντεσ καὶ ἐπαινοῦντεσ ἢ ψέγοντεσ καὶ κατηγοροῦντεσ ἢ ἀπολογούμενοι. τούτων δὲ διορισθέντων περὶ τῶν ἐνθυμημάτων κοινῇ πειραθῶμεν εἰπεῖν, εἴ τι ἔχομεν, καὶ περὶ παραδειγμάτων, ὅπωσ τὰ λοιπὰ προσθέντεσ ἀποδῶμεν τὴν ἐξ ἀρχῆσ πρόθεσιν.

ἔστιν δὲ τῶν κοινῶν τὸ μὲν αὔξειν οἰκειότατον τοῖσ ἐπιδεικτικοῖσ, ὥσπερ εἴρηται, τὸ δὲ γεγονὸσ τοῖσ δικανικοῖσ περὶ τούτων γὰρ ἡ κρίσισ, τὸ δὲ δυνατὸν καὶ ἐσόμενον τοῖσ συμβουλευτικοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 18

(아리스토텔레스, 수사학, Book 2, chapter 18)

상위

목록

SEARCH

MENU NAVIGATION