헬라어 문장 검색 - ΑριστόΡηετορί2́01́

(아리스토텔레스, 수사학, Book 2, chapter 1)

ἐκ τίνων μὲν οὖν δεῖ καὶ προτρέπειν καὶ ἀποτρέπειν, καὶ ἐπαινεῖν καὶ ψέγειν, καὶ κατηγορεῖν καὶ ἀπολογεῖσθαι, καὶ ποῖαι δόξαι καὶ προτάσεισ χρήσιμοι πρὸσ τὰσ τούτων πίστεισ, ταῦτ’ ἐστίν· περὶ γὰρ τούτων καὶ ἐκ τούτων τὰ ἐνθυμήματα, ὡσ περὶ ἕκαστον εἰπεῖν ἰδίᾳ τὸ γένοσ τῶν λόγων. ἐπεὶ δὲ ἕνεκα κρίσεώσ ἐστιν ἡ ῥητορική καὶ γὰρ τὰσ συμβουλὰσ κρίνουσι καὶ ἡ δίκη κρίσισ ἐστίν, ἀνάγκη μὴ μόνον πρὸσ τὸν λόγον ὁρᾶν, ὅπωσ ἀποδεικτικὸσ ἔσται καὶ πιστόσ, ἀλλὰ καὶ αὑτὸν ποιόν τινα καὶ τὸν κριτὴν κατασκευάζειν·

πολὺ γὰρ διαφέρει πρὸσ πίστιν, μάλιστα μὲν ἐν ταῖσ συμβουλαῖσ, εἶτα καὶ ἐν ταῖσ δίκαισ, τό τε ποιόν τινα φαίνεσθαι τὸν λέγοντα καὶ τὸ πρὸσ αὑτοὺσ ὑπολαμβάνειν πωσ διακεῖσθαι αὐτόν, πρὸσ δὲ τούτοισ ἐὰν καὶ αὐτοὶ διακείμενοί πωσ τυγχάνωσιν.

τὸ μὲν οὖν ποιόν τινα φαίνεσθαι τὸν λέγοντα χρησιμώτερον εἰσ τὰσ συμβουλάσ ἐστιν, τὸ δὲ διακεῖσθαί πωσ τὸν ἀκροατὴν εἰσ τὰσ δίκασ·

οὐ γὰρ ταὐτὰ φαίνεται φιλοῦσι καὶ μισοῦσιν, οὐδ’ ὀργιζομένοισ καὶ πράωσ ἔχουσιν, ἀλλ’ ἢ τὸ παράπαν ἕτερα ἢ κατὰ μέγεθοσ ἕτερα· τῷ μὲν γὰρ φιλοῦντι περὶ οὗ ποιεῖται τὴν κρίσιν ἢ οὐκ ἀδικεῖν ἢ μικρὰ δοκεῖ ἀδικεῖν, τῷ δὲ μισοῦντι τοὐναντίον· καὶ τῷ μὲν ἐπιθυμοῦντι καὶ εὐέλπιδι ὄντι, ἐὰν ᾖ τὸ ἐσόμενον ἡδύ, καὶ ἔσεσθαι καὶ ἀγαθὸν ἔσεσθαι φαίνεται, τῷ δ’ ἀπαθεῖ <ἢ> καὶ δυσχεραίνοντι τοὐναντίον. τοῦ μὲν οὖν αὐτοὺσ εἶναι πιστοὺσ τοὺσ λέγοντασ τρία ἐστὶ τὰ αἴτια·

τοσαῦτα γάρ ἐστι δι’ ἃ πιστεύομεν ἔξω τῶν ἀποδείξεων. ἔστι δὲ ταῦτα φρόνησισ καὶ ἀρετὴ καὶ εὔνοια· διαψεύδονται γὰρ περὶ ὧν λέγουσιν ἢ συμβουλεύουσιν ἢ δι’ ἅπαντα ταῦτα ἢ διὰ τούτων τι· ἢ γὰρ δι’ ἀφροσύνην οὐκ ὀρθῶσ δοξάζουσιν, ἢ δοξάζοντεσ ὀρθῶσ διὰ μοχθηρίαν οὐ τὰ δοκοῦντα λέγουσιν, ἢ φρόνιμοι μὲν καὶ ἐπιεικεῖσ εἰσιν ἀλλ’ οὐκ εὖνοι, διόπερ ἐνδέχεται μὴ τὰ βέλτιστα συμβουλεύειν γιγνώσκοντασ, καὶ παρὰ ταῦτα οὐδέν.

ἀνάγκη ἄρα τὸν ἅπαντα δοκοῦντα ταῦτ’ ἔχειν εἶναι τοῖσ ἀκροωμένοισ πιστόν. ὅθεν μὲν οὖν φρόνιμοι καὶ σπουδαῖοι φανεῖεν ἄν, ἐκ τῶν περὶ τὰσ ἀρετὰσ διῃρημένων ληπτέον·

ἐκ γὰρ τῶν αὐτῶν κἂν ἕτερόν τισ κἂν ἑαυτὸν κατασκευάσειε τοιοῦτον· περὶ δ’ εὐνοίασ καὶ φιλίασ ἐν τοῖσ περὶ τὰ πάθη λεκτέον. ἔστι δὲ τὰ πάθη δι’ ὅσα μεταβάλλοντεσ διαφέρουσι πρὸσ τὰσ κρίσεισ οἷσ ἕπεται λύπη καὶ ἡδονή, οἱο͂ν ὀργὴ ἔλεοσ φόβοσ καὶ ὅσα ἄλλα τοιαῦτα, καὶ τὰ τούτοισ ἐναντία.

δεῖ δὲ διαιρεῖν περὶ ἕκαστον εἰσ τρία, λέγω δ’ οἱο͂ν περὶ ὀργῆσ πῶσ τε διακείμενοι ὀργίλοι εἰσί, καὶ τίσιν εἰώθασιν ὀργίζεσθαι, καὶ ἐπὶ ποίοισ·

εἰ γὰρ τὸ μὲν ἓν ἢ τὰ δύο ἔχοιμεν τούτων, ἅπαντα δὲ μή, ἀδύνατον ἂν εἰή τὴν ὀργὴν ἐμποιεῖν· ὁμοίωσ δὲ καὶ ἐπὶ τῶν ἄλλων. ὥσπερ οὖν καὶ ἐπὶ τῶν προειρημένων διεγράψαμεν τὰσ προτάσεισ, οὕτω καὶ περὶ τούτων ποιήσωμεν καὶ διέλωμεν τὸν εἰρημένον τρόπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 2, chapter 1

(아리스토텔레스, 수사학, Book 2, chapter 1)

상위

목록

SEARCH

MENU NAVIGATION