호흡부호 보기
강세부호 보기
장단부호 보기
작은 Iota 보기
모든 부호 보기
μετὰ δὲ ἔτη δέκα οἱ τῶν ἀπολομένων παῖδεσ, κληθέντεσ ἐπίγονοι, στρατεύειν ἐπὶ Θήβασ προῃροῦντο, τὸν τῶν πατέρων θάνατον τιμωρήσασθαι βουλόμενοι. καὶ μαντευομένοισ αὐτοῖσ ὁ θεὸσ ἐθέσπισε νίκην Ἀλκμαίωνοσ ἡγουμένου. ὁ μὲν οὖν Ἀλκμαίων ἡγεῖσθαι τῆσ στρατείασ οὐ βουλόμενοσ πρὶν τίσασθαι τὴν μητέρα, ὅμωσ στρατεύεται· λαβοῦσα γὰρ Ἐριφύλη παρὰ Θερσάνδρου τοῦ Πολυνείκουσ τὸν πέπλον συνέπεισε καὶ τοὺσ παῖδασ στρατεύεσθαι. οἱ δὲ ἡγεμόνα Ἀλκμαίωνα ἑλόμενοι Θήβασ ἐπολέμουν. ἦσαν δὲ οἱ στρατευόμενοι οἵδε· Ἀλκμαίων καὶ Ἀμφίλοχοσ Ἀμφιαράου, Αἰγιαλεὺσ Ἀδράστου, Διομήδησ Τυδέωσ, Πρόμαχοσ Παρθενοπαίου, Σθένελοσ Καπανέωσ, Θέρσανδροσ Πολυνείκουσ, Εὐρύαλοσ Μηκιστέωσ.
호흡부호 보기
강세부호 보기
장단부호 보기
작은 Iota 보기
모든 부호 보기