헬라어 문장 검색 - ΑπολλόΛιβραρψ́4́02́

(아폴로도로스, Library and Epitome, book 3, chapter 2)

Κατρέωσ δὲ τοῦ Μίνωοσ Αἐρόπη καὶ Κλυμένη καὶ Ἀπημοσύνη καὶ Ἀλθαιμένησ υἱὸσ γίνονται. χρωμένῳ δὲ Κατρεῖ περὶ καταστροφῆσ τοῦ βίου ὁ θεὸσ ἔφη ὑπὸ ἑνὸσ τῶν τέκνων τεθνήξεσθαι. Κατρεὺσ μὲν οὖν ἀπεκρύβετο τοὺσ χρησμούσ, Ἀλθαιμένησ δὲ ἀκούσασ, καὶ δείσασ μὴ φονεὺσ γένηται τοῦ πατρόσ, ἄρασ ἐκ Κρήτησ μετὰ τῆσ ἀδελφῆσ Ἀπημοσύνησ προσίσχει τινὶ τόπῳ τῆσ Ῥόδου, καὶ κατασχὼν Κρητινίαν ὠνόμασεν. ἀναβὰσ δὲ ἐπὶ τὸ Ἀταβύριον καλούμενον ὄροσ ἐθεάσατο τὰσ πέριξ νήσουσ, κατιδὼν δὲ καὶ Κρήτην, καὶ τῶν πατρῴων ὑπομνησθεὶσ θεῶν, ἱδρύετο βωμὸν Ἀταβυρίου Διόσ. μετ’ οὐ πολὺ δὲ τῆσ ἀδελφῆσ αὐτόχειρ ἐγένετο. Ἑρμῆσ γὰρ αὐτῆσ ἐρασθείσ, ὡσ φεύγουσαν αὐτὴν καταλαβεῖν οὐκ ἠδύνατο περιῆν γὰρ αὐτοῦ τῷ τάχει τῶν ποδῶν, κατὰ τῆσ ὁδοῦ βύρσασ ὑπέστρωσε νεοδάρτουσ, ἐφ’ αἷσ ὀλισθοῦσα, ἡνίκα ἀπὸ τῆσ κρήνησ ἐπανῄει, φθείρεται. καὶ τῷ ἀδελφῷ μηνύει τὸ γεγονόσ· ὁ δὲ σκῆψιν νομίσασ εἶναι τὸν θεόν, λὰξ ἐνθορὼν ἀπέκτεινεν. Αἐρόπην δὲ καὶ Κλυμένην Κατρεὺσ Ναυπλίῳ δίδωσιν εἰσ ἀλλοδαπὰσ ἠπείρουσ ἀπεμπολῆσαι.

τούτων Αἐρόπην μὲν ἔγημε Πλεισθένησ καὶ παῖδασ Ἀγαμέμνονα καὶ Μενέλαον ἐτέκνωσε, Κλυμένην δὲ γαμεῖ Ναύπλιοσ, καὶ τέκνων πατὴρ γίνεται Οἰάκοσ καὶ Παλαμήδουσ. Κατρεὺσ δὲ ὕστερον γήρᾳ κατεχόμενοσ ἐπόθει τὴν βασιλείαν Ἀλθαιμένει τῷ παιδὶ παραδοῦναι, καὶ διὰ τοῦτο ἦλθεν εἰσ Ῥόδον. ἀποβὰσ δὲ τῆσ νεὼσ σὺν τοῖσ ἡρ́ωσι κατά τινα τῆσ νήσου τόπον ἔρημον ἠλαύνετο ὑπὸ τῶν βουκόλων, λῃστὰσ ἐμβεβληκέναι δοκούντων καὶ μὴ δυναμένων ἀκοῦσαι λέγοντοσ αὐτοῦ τὴν ἀλήθειαν διὰ τὴν κραυγὴν τῶν κυνῶν, ἀλλὰ βαλλόντων κἀκείνων, παραγενόμενοσ Ἀλθαιμένησ ἀκοντίσασ ἀπέκτεινεν ἀγνοῶν Κατρέα. μαθὼν δὲ ὕστερον τὸ γεγονόσ, εὐξάμενοσ ὑπὸ χάσματοσ ἐκρύβη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 2

(아폴로도로스, Library and Epitome, book 3, chapter 2)

상위

목록

SEARCH

MENU NAVIGATION