헬라어 문장 검색 - ΑπολλόΛιβραρψ́4́06́

(아폴로도로스, Library and Epitome, book 3, chapter 6)

Ἐτεοκλῆσ δὲ καὶ Πολυνείκησ περὶ τῆσ βασιλείασ συντίθενται πρὸσ ἀλλήλουσ, καὶ αὐτοῖσ δοκεῖ τὸν ἕτερον παρ’ ἐνιαυτὸν ἄρχειν. τινὲσ μὲν οὖν λέγουσι πρῶτον ἄρξαντα Πολυνείκη παραδοῦναι μετ’ ἐνιαυτὸν τὴν βασιλείαν Ἐτεοκλεῖ, τινὲσ δὲ πρῶτον Ἐτεοκλέα ἄρξαντα μὴ βούλεσθαι παραδοῦναι τὴν βασιλείαν. φυγαδευθεὶσ οὖν Πολυνείκησ ἐκ Θηβῶν ἧκεν εἰσ Ἄργοσ, τόν τε ὁρ́μον καὶ τὸν πέπλον ἔχων. ἐβασίλευε δὲ Ἄργουσ Ἄδραστοσ ὁ Ταλαοῦ· καὶ τοῖσ τούτου βασιλείοισ νύκτωρ προσπελάζει, καὶ συνάπτει μάχην Τυδεῖ τῷ Οἰνέωσ φεύγοντι Καλυδῶνα. γενομένησ δὲ ἐξαίφνησ βοῆσ ἐπιφανεὶσ Ἄδραστοσ διέλυσεν αὐτούσ, καὶ μάντεώσ τινοσ ὑπομνησθεὶσ λέγοντοσ αὐτῷ κάπρῳ καὶ λέοντι συζεῦξαι τὰσ θυγατέρασ, ἀμφοτέρουσ εἵλετο νυμφίουσ· εἶχον γὰρ ἐπὶ τῶν ἀσπίδων ὁ μὲν κάπρου προτομὴν ὁ δὲ λέοντοσ. γαμεῖ δὲ Δηιπύλην μὲν Τυδεὺσ Ἀργείην δὲ Πολυνείκησ, καὶ αὐτοὺσ Ἄδραστοσ ἀμφοτέρουσ εἰσ τὰσ πατρίδασ ὑπέσχετο κατάξειν. καὶ πρῶτον ἐπὶ Θήβασ ἔσπευδε στρατεύεσθαι, καὶ τοὺσ ἀριστέασ συνήθροιζεν. Ἀμφιάραοσ δὲ ὁ Οἰκλέουσ, μάντισ ὢν καὶ προειδὼσ ὅτι δεῖ πάντασ τοὺσ στρατευσαμένουσ χωρὶσ Ἀδράστου τελευτῆσαι, αὐτόσ τε ὤκνει στρατεύεσθαι καὶ τοὺσ λοιποὺσ ἀπέτρεπε.

Πολυνείκησ δὲ ἀφικόμενοσ πρὸσ Ἶφιν τὸν Ἀλέκτοροσ ἠξίου μαθεῖν πῶσ ἂν Ἀμφιάραοσ ἀναγκασθείη στρατεύεσθαι· ὁ δὲ εἶπεν εἰ λάβοι τὸν ὁρ́μον Ἐριφύλη. Ἀμφιάραοσ μὲν οὖν ἀπεῖπεν Ἐριφύλῃ παρὰ Πολυνείκουσ δῶρα λαμβάνειν, Πολυνείκησ δὲ δοὺσ αὐτῇ τὸν ὁρ́μον ἠξίου τὸν Ἀμφιάραον πεῖσαι στρατεύειν. ἦν γὰρ ἐπὶ ταύτῃ· γενομένησ γὰρ αὐτῆσπρὸσ Ἄδραστον, διαλυσάμενοσ ὤμοσε, περὶ ὧν <ἂν> Ἀδράστῳ διαφέρηται, διακρίνειν Ἐριφύλῃ συγχωρῆσαι. ὅτε οὖν ἐπὶ Θήβασ ἔδει στρατεύειν, Ἀδράστου μὲν παρακαλοῦντοσ Ἀμφιαράου δὲ ἀποτρέποντοσ, Ἐριφύλη τὸν ὁρ́μον λαβοῦσα ἔπεισεν αὐτὸν σὺν Ἀδράστῳ στρατεύειν. Ἀμφιάραοσ δὲ ἀνάγκην ἔχων στρατεύεσθαι τοῖσ παισὶν ἐντολὰσ ἔδωκε τελειωθεῖσι τήν τε μητέρα κτείνειν καὶ ἐπὶ Θήβασ στρατεύειν. Ἄδραστοσ δὲ συναθροίσασ <στρατὸν> σὺν ἡγεμόσιν ἑπτὰ πολεμεῖν ἔσπευδε Θήβασ.

οἱ δὲ ἡγεμόνεσ ἦσαν οἵδε· Ἄδραστοσ Ταλαοῦ, Ἀμφιάραοσ Οἰκλέουσ, Καπανεὺσ Ἱππονόου, Ἱππομέδων Ἀριστομάχου, οἱ δὲ λέγουσι Ταλαοῦ. οὗτοι μὲν ἐξ Ἄργουσ, Πολυνείκησ <δὲ> Οἰδίποδοσ ἐκ Θηβῶν, Τυδεὺσ Οἰνέωσ Αἰτωλόσ, Παρθενοπαῖοσ Μελανίωνοσ Ἀρκάσ. τινὲσ δὲ Τυδέα μὲν καὶ Πολυνείκην οὐ καταριθμοῦσι, συγκαταλέγουσι δὲ τοῖσ ἑπτὰ Ἐτέοκλον Ἴφιοσ καὶ Μηκιστέα. παραγενόμενοι δὲ εἰσ Νεμέαν, ἧσ ἐβασίλευε Λυκοῦργοσ, ἐζήτουν ὕδωρ.

καὶ αὐτοῖσ ἡγήσατο τῆσ ἐπὶ κρήνην ὁδοῦ Ὑψιπύλη, νήπιον παῖδα ὄντα Ὀφέλτην ἀπολιποῦσα, ὃν ἔτρεφεν Εὐρυδίκησ ὄντα καὶ Λυκούργου. αἰσθόμεναι γὰρ αἱ Λήμνιαι ὕστερον Θόαντα σεσωσμένον ἐκεῖνον μὲν ἔκτειναν, τὴν δὲ Ὑψιπύλην ἀπημπόλησαν· διὸ πραθεῖσα ἐλάτρευε παρὰ Λυκούργῳ. δεικνυούσησ δὲ τὴν κρήνην, ὁ παῖσ ἀπολειφθεὶσ ὑπὸ δράκοντοσ διαφθείρεται. τὸν μὲν οὖν δράκοντα ἐπιφανέντεσ οἱ μετὰ Ἀδράστου κτείνουσι, τὸν δὲ παῖδα θάπτουσιν. Ἀμφιάραοσ δὲ εἷπεν ἐκείνοισ τὸ σημεῖον τὰ μέλλοντα προμαντεύεσθαι· τὸν δὲ παῖδα Ἀρχέμορον ἐκάλεσαν. οἱ δὲ ἔθεσαν ἐπ’ αὐτῷ τὸν τῶν Νεμέων ἀγῶνα, καὶ ἵππῳ μὲν ἐνίκησεν Ἄδραστοσ, σταδίῳ δὲ Ἐτέοκλοσ, πυγμῇ Τυδεύσ, ἅλματι καὶ δίσκῳ Ἀμφιάραοσ, ἀκοντίῳ Λαόδοκοσ, πάλῃ Πολυνείκησ, τόξῳ Παρθενοπαῖοσ. ὡσ δὲ ἦλθον εἰσ τὸν Κιθαιρῶνα, πέμπουσι Τυδέα προεροῦντα Ἐτεοκλεῖ τῆσ βασιλείασ παραχωρεῖν Πολυνείκει, καθὰ συνέθεντο.

μὴ προσέχοντοσ δὲ Ἐτεοκλέουσ, διάπειραν τῶν Θηβαίων Τυδεὺσ ποιούμενοσ, καθ’ ἕνα προκαλούμενοσ πάντων περιεγένετο. οἱ δὲ πεντήκοντα ἄνδρασ ὁπλίσαντεσ ἀπιόντα ἐνήδρευσαν αὐτόν· πάντασ δὲ αὐτοὺσ χωρὶσ Μαίονοσ ἀπέκτεινε, κἄπειτα ἐπὶ τὸ στρατόπεδον ἦλθεν. Ἀργεῖοι δὲ καθοπλισθέντεσ προσῄεσαν τοῖσ τείχεσι, καὶ πυλῶν ἑπτὰ οὐσῶν Ἄδραστοσ μὲν παρὰ τὰσ Ὁμολωίδασ πύλασ ἔστη, Καπανεὺσ δὲ παρὰ τὰσ Ὠγυγίασ, Ἀμφιάραοσ δὲ παρὰ τὰσ Προιτίδασ, Ἱππομέδων δὲ παρὰ τὰσ Ὀγκαί̈δασ, Πολυνείκησ δὲ παρὰ τὰσ Ὑψίστασ, Παρθενοπαῖοσ <δὲ> παρὰ τὰσ Ἠλέκτρασ, Τυδεὺσ δὲ παρὰ τὰσ Κρηνίδασ.

καθώπλισε δὲ καὶ Ἐτεοκλῆσ Θηβαίουσ, καὶ καταστήσασ ἡγεμόνασ ἴσουσ ἴσοισ ἔταξε, καὶ πῶσ ἂν περιγένοιντο τῶν πολεμίων ἐμαντεύετο. ἦν δὲ παρὰ Θηβαίοισ μάντισ Τειρεσίασ Εὐήρουσ καὶ Χαρικλοῦσ νύμφησ, ἀπὸ γένουσ Οὐδαίου τοῦ Σπαρτοῦ, γενόμενοσ τυφλὸσ τὰσ ὁράσεισ.

οὗ περὶ τῆσ πηρώσεωσ καὶ τῆσ μαντικῆσ λέγονται λόγοι διάφοροι. ἄλλοι μὲν γὰρ αὐτὸν ὑπὸ θεῶν φασι τυφλωθῆναι, ὅτι τοῖσ ἀνθρώποισ ἃ κρύπτειν ἤθελον ἐμήνυε, Φερεκύδησ δὲ ὑπὸ Ἀθηνᾶσ αὐτὸν τυφλωθῆναι· οὖσαν γὰρ τὴν Χαρικλὼ προσφιλῆ τῇ Ἀθηνᾶγυμνὴν ἐπὶ πάντα ἰδεῖν, τὴν δὲ ταῖσ χερσὶ τοὺσ ὀφθαλμοὺσ αὐτοῦ καταλαβομένην πηρὸν ποιῆσαι, Χαρικλοῦσ δὲ δεομένησ ἀποκαταστῆσαι πάλιν τὰσ ὁράσεισ, μὴ δυναμένην τοῦτο ποιῆσαι, τὰσ ἀκοὰσ διακαθάρασαν πᾶσαν ὀρνίθων φωνὴν ποιῆσαι συνεῖναι, καὶ σκῆπτρον αὐτῷ δωρήσασθαι κράνειον, ὃ φέρων ὁμοίωσ τοῖσ βλέπουσιν ἐβάδιζεν. Ἡσίοδοσ δέ φησιν ὅτι θεασάμενοσ περὶ Κυλλήνην ὄφεισ συνουσιάζοντασ καὶ τούτουσ τρώσασ ἐγένετο ἐξ ἀνδρὸσ γυνή, πάλιν δὲ τοὺσ αὐτοὺσ ὄφεισ παρατηρήσασ συνουσιάζοντασ ἐγένετο ἀνήρ. διόπερ Ἥρα καὶ Ζεὺσ ἀμφισβητοῦντεσ πότερον τὰσ γυναῖκασ ἢ τοὺσ ἄνδρασ ἥδεσθαι μᾶλλον ἐν ταῖσ συνουσίαισ συμβαίνοι, τοῦτον ἀνέκριναν. ὁ δὲ ἔφη δέκα μοιρῶν περὶ τὰσ συνουσίασ οὐσῶν τὴν μὲν μίαν ἄνδρασ ἥδεσθαι, τὰσ δὲ ἐννέα γυναῖκασ. ὅθεν Ἥρα μὲν αὐτὸν ἐτύφλωσε, Ζεὺσ δὲ τὴν μαντικὴν αὐτῷ ἔδωκεν. τὸ ὑπὸ Τειρεσίου λεχθὲν πρὸσ Δία καὶ Ἥραν· οἰήν μὲν μοῖραν δέκα μοιρῶν τέρπεται ἀνήρ,τὰσ δὲ δέκ’ ἐμπίπλησι γυνὴ τέρπουσα νόημα. ἐγένετο δὲ καὶ πολυχρόνιοσ. οὗτοσ οὗν Θηβαίοισ μαντευομένοισ εἶπε νικήσειν, ἐὰν Μενοικεὺσ ὁ Κρέοντοσ Ἄρει σφάγιον αὑτὸν ἐπιδῷ. τοῦτο ἀκούσασ Μενοικεὺσ ὁ Κρέοντοσ ἑαυτὸν πρὸ τῶν πυλῶν ἔσφαξε. μάχησ δὲ γενομένησ οἱ Καδμεῖοι μέχρι τῶν τειχῶν συνεδιώχθησαν, καὶ Καπανεὺσ ἁρπάσασ κλίμακα ἐπὶ τὰ τείχη δι’ αὐτῆσ ἀνῄει, καὶ Ζεὺσ αὐτὸν κεραυνοῖ. τούτου δὲ γενομένου τροπὴ τῶν Ἀργείων γίνεται.

ὡσ δὲ ἀπώλλυντο πολλοί, δόξαν ἑκατέροισ τοῖσ στρατεύμασιν Ἐτεοκλῆσ καὶ Πολυνείκησ περὶ τῆσ βασιλείασ μονομαχοῦσι, καὶ κτείνουσιν ἀλλήλουσ. καρτερᾶσ δὲ πάλιν γενομένησ μάχησ οἱ Ἀστακοῦ παῖδεσ ἠρίστευσαν· Ἴσμαροσ μὲν γὰρ Ἱππομέδοντα ἀπέκτεινε, Λεάδησ δὲ Ἐτέοκλον, Ἀμφίδικοσ δὲ Παρθενοπαῖον. ὡσ δὲ Εὐριπίδησ φησί, Παρθενοπαῖον ὁ Ποσειδῶνοσ παῖσ Περικλύμενοσ ἀπέκτεινε. Μελάνιπποσ δὲ ὁ λοιπὸσ τῶν Ἀστακοῦ παίδων εἰσ τὴν γαστέρα Τυδέα τιτρώσκει. ἡμιθνῆτοσ δὲ αὐτοῦ κειμένου παρὰ Διὸσ αἰτησαμένη Ἀθηνᾶ φάρμακον ἤνεγκε, δι’ οὗ ποιεῖν ἔμελλεν ἀθάνατον αὐτόν. Ἀμφιάραοσ δὲ αἰσθόμενοσ τοῦτο, μισῶν Τυδέα ὅτι παρὰ τὴν ἐκείνου γνώμην εἰσ Θήβασ ἔπεισε τοὺσ Ἀργείουσ στρατεύεσθαι, τὴν Μελανίππου κεφαλὴν ἀποτεμὼν ἔδωκεν αὐτῷ τιτρωσκόμενοσ δὲ Τυδεὺσ ἔκτεινεν αὐτόν. ὁ δὲ διελὼν τὸν ἐγκέφαλον ἐξερρόφησεν. ὡσ δὲ εἶδεν Ἀθηνᾶ, μυσαχθεῖσα τὴν εὐεργεσίαν ἐπέσχε τε καὶ ἐφθόνησεν. Ἀμφιαράῳ δὲ φεύγοντι παρὰ ποταμὸν Ἰσμηνόν, πρὶν ὑπὸ Περικλυμένου τὰ νῶτα τρωθῇ, Ζεὺσ κεραυνὸν βαλὼν τὴν γῆν διέστησεν. ὁ δὲ σὺν τῷ ἁρ́ματι καὶ τῷ ἡνιόχῳ Βάτωνι, ὡσ δὲ ἔνιοι Ἐλάτωνι, ἐκρύφθη, καὶ Ζεὺσ ἀθάνατον αὐτὸν ἐποίησεν. Ἄδραστον δὲ μόνον ἵπποσ διέσωσεν Ἀρείων· τοῦτον ἐκ Ποσειδῶνοσ ἐγέννησε Δημήτηρ εἰκασθεῖσα ἐρινύι κατὰ τὴν συνουσίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 6

(아폴로도로스, Library and Epitome, book 3, chapter 6)

상위

목록

SEARCH

MENU NAVIGATION