헬라어 문장 검색 - ΑπολλόΛιβραρψ́4́08́

(아폴로도로스, Library and Epitome, book 3, chapter 8)

ἐπανάγωμεν δὲ νῦν πάλιν ἐπὶ τὸν Πελασγόν, ὃν Ἀκουσίλαοσ μὲν Διὸσ λέγει καὶ Νιόβησ, καθάπερ ὑπέθεμεν, Ἡσίοδοσ δὲ αὐτόχθονα. φθάσασα γὰρ ἡ Γῆ καὶ τῆσ δεξιᾶσ τοῦ Διὸσ ἐφαψαμένη τὴν ὀργὴν κατέπαυσε. τούτου καὶ τῆσ Ὠκεανοῦ θυγατρὸσ Μελιβοίασ, ἢ καθάπερ ἄλλοι λέγουσι νύμφησ Κυλλήνησ, παῖσ Λυκάων ἐγένετο, ὃσ βασιλεύων Ἀρκάδων ἐκ πολλῶν γυναικῶν πεντήκοντα παῖδασ ἐγέννησε· Μελαινέα Θεσπρωτὸν Ἕλικα Νύκτιμον Πευκέτιον, Καύκωνα Μηκιστέα Ὁπλέα Μακαρέα Μάκεδνον, Ὅρον Πόλιχον Ἀκόντην Εὐαίμονα Ἀγκύορα, Ἀρχεβάτην Καρτέρωνα Αἰγαίωνα Πάλλαντα Εὔμονα, Κάνηθον Πρόθοον Λίνον Κορέθοντα Μαίναλον, Τηλεβόαν Φύσιον Φάσσον Φθῖον Λύκιον, Ἁλίφηρον Γενέτορα Βουκολίωνα Σωκλέα Φινέα, Εὐμήτην Ἁρπαλέα Πορθέα Πλάτωνα Αἵμονα, Κύναιθον Λέοντα Ἁρπάλυκον Ἡραιέα Τιτάναν, Μαντινέα Κλείτορα Στύμφαλον Ὀρχομενόν . . . οὗτοι πάντασ ἀνθρώπουσ ὑπερέβαλλονὑπερηφανίᾳ καὶ ἀσεβείᾳ. Ζεὺσ δὲ αὐτῶν βουλόμενοσ τὴν ἀσέβειαν πειρᾶσαι εἰκασθεὶσ ἀνδρὶ χερνήτῃ παραγίνεται. οἱ δὲ αὐτὸν ἐπὶ ξένια καλέσαντεσ, σφάξαντεσ ἕνα τῶν ἐπιχωρίων παῖδα, τοῖσ ἱεροῖσ τὰ τούτου σπλάγχνα συναναμίξαντεσ παρέθεσαν, συμβουλεύσαντοσ τοῦ πρεσβυτέρου ἀδελφοῦ Μαινάλου. Ζεὺσ δὲ <μυσαχθεὶσ> τὴν μὲν τράπεζαν ἀνέτρεψεν, ἔνθα νῦν Τραπεζοῦσ καλεῖται ὁ τόποσ, Λυκάονα δὲ καὶ τοὺσ τούτου παῖδασ ἐκεραύνωσε, χωρὶσ τοῦ νεωτάτου Νυκτίμου· Νυκτίμου δὲ.

τὴν βασιλείαν παραλαβόντοσ ὁ ἐπὶ Δευκαλίωνοσ κατακλυσμὸσ ἐγένετο. τοῦτον ἔνιοι διὰ τὴν τῶν Λυκάονοσ παίδων δυσσέβειαν εἶπον γεγενῆσθαι. Εὔμηλοσ δὲ καί τινεσ ἕτεροι λέγουσι Λυκάονι καὶ θυγατέρα Καλλιστὼ γενέσθαι· Ἡσίοδοσ μὲν γὰρ αὐτὴν μίαν εἶναι τῶν νυμφῶν λέγει, Ἄσιοσ δὲ Νυκτέωσ, Φερεκύδησ δὲ Κητέωσ. αὕτη σύνθηροσ Ἀρτέμιδοσ οὖσα, τὴν αὐτὴν ἐκείνῃ στολὴν φοροῦσα, ὤμοσεν αὐτῇ μεῖναι παρθένοσ. Ζεὺσ δὲ ἐρασθεὶσ ἀκούσῃ συνευνάζεται, εἰκασθείσ, ὡσ μὲν ἔνιοι λέγουσιν, Ἀρτέμιδι, ὡσ δὲ ἔνιοι, Ἀπόλλωνι. βουλόμενοσ δὲ Ἥραν λαθεῖν εἰσ ἄρκτον μετεμόρφωσεν αὐτήν. Ἥρα δὲ ἔπεισεν Ἄρτεμιν ὡσ ἄγριον θηρίον κατατοξεῦσαι. εἰσὶ δὲ οἱ λέγοντεσ ὡσ Ἄρτεμισ αὐτὴν κατετόξευσεν ὅτι τὴν παρθενίαν οὐκ ἐφύλαξεν. ἀπολομένησ δὲ Καλλιστοῦσ Ζεὺσ τὸ βρέφοσ ἁρπάσασ ἐν Ἀρκαδίᾳ δίδωσιν ἀνατρέφειν Μαίᾳ, προσαγορεύσασ Ἀρκάδα· τὴν δὲ Καλλιστὼ καταστερίσασ ἐκάλεσεν ἄρκτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 8

(아폴로도로스, Library and Epitome, book 3, chapter 8)

상위

목록

SEARCH

MENU NAVIGATION