헬라어 문장 검색 - ΑπολλόΛιβραρψ́4́14́

(아폴로도로스, Library and Epitome, book 3, chapter 14)

Κέκροψ αὐτόχθων, συμφυὲσ ἔχων σῶμα ἀνδρὸσ καὶ δράκοντοσ, τῆσ Ἀττικῆσ ἐβασίλευσε πρῶτοσ, καὶ τὴν γῆν πρότερον λεγομένην Ἀκτὴν ἀφ’ ἑαυτοῦ Κεκροπίαν ὠνόμασεν. ἐπὶ τούτου, φασίν, ἔδοξε τοῖσ θεοῖσ πόλεισ καταλαβέσθαι, ἐν αἷσ ἔμελλον ἔχειν τιμὰσ ἰδίασ ἕκαστοσ. ἧκεν οὖν πρῶτοσ Ποσειδῶν ἐπὶ τὴν Ἀττικήν, καὶ πλήξασ τῇ τριαίνῃ κατὰ μέσην τὴν ἀκρόπολιν ἀπέφηνε θάλασσαν, ἣν νῦν Ἐρεχθηίδα καλοῦσι. μετὰ δὲ τοῦτον ἧκεν Ἀθηνᾶ, καὶ ποιησαμένη τῆσ καταλήψεωσ Κέκροπα μάρτυρα ἐφύτευσεν ἐλαίαν, ἣ νῦν ἐν τῷ Πανδροσείῳ δείκνυται. γενομένησ δὲ ἔριδοσ ἀμφοῖν περὶ τῆσ χώρασ, διαλύσασ Ζεὺσ κριτὰσ ἔδωκεν, οὐχ ὡσ εἶπόν τινεσ, Κέκροπα καὶ Κραναόν, οὐδὲ Ἐρυσίχθονα, θεοὺσ δὲ τοὺσ δώδεκα. καὶ τούτων δικαζόντων ἡ χώρα τῆσ Ἀθηνᾶσ ἐκρίθη, Κέκροποσ μαρτυρήσαντοσ ὅτι πρώτη τὴν ἐλαίαν ἐφύτευσεν. Ἀθηνᾶ μὲν οὖν ἀφ’ ἑαυτῆσ τὴν πόλιν ἐκάλεσεν Ἀθήνασ, Ποσειδῶν δὲ θυμῷ ὀργισθεὶσ τὸ Θριάσιον πεδίον ἐπέκλυσε καὶ τὴν Ἀττικὴν ὕφαλον ἐποίησε. Κέκροψ δὲ γήμασ τὴν Ἀκταίου κόρην Ἄγραυλον παῖδα μὲν ἔσχεν Ἐρυσίχθονα, ὃσ ἄτεκνοσ μετήλλαξε, θυγατέρασ δὲ Ἄγραυλον Ἕρσην Πάνδροσον.

Ἀγραύλου μὲν οὖν καὶ Ἄρεοσ Ἀλκίππη γίνεται. ταύτην βιαζόμενοσ Ἁλιρρόθιοσ, ὁ Ποσειδῶνοσ καὶ νύμφησ Εὐρύτησ, ὑπὸ Ἄρεοσ φωραθεὶσ κτείνεται. Ποσειδῶνοσ δὲ <εἰσάγοντοσ> ἐν Ἀρείῳ πάγῳ κρίνεται δικαζόντων τῶν δώδεκα θεῶν Ἄρησ καὶ ἀπολύεται. Ἕρσησ δὲ καὶ Ἑρμοῦ Κέφαλοσ, οὗ ἐρασθεῖσα Ηὢσ ἡρ́πασε καὶ μιγεῖσα ἐν Συρίᾳ παῖδα ἐγέννησε Τιθωνόν, οὗ παῖσ ἐγένετο Φαέθων, τούτου δὲ Ἀστύνοοσ, τοῦ δὲ Σάνδοκοσ, ὃσ ἐκ Συρίασ ἐλθὼν εἰσ Κιλικίαν, πόλιν ἔκτισε Κελένδεριν, καὶ γήμασ Φαρνάκην τὴν Μεγασσάρου τοῦ Ὑριέων βασιλέωσ ἐγέννησε Κινύραν.

οὗτοσ ἐν Κύπρῳ, παραγενόμενοσ σὺν λαῷ, ἔκτισε Πάφον, γήμασ δὲ ἐκεῖ Μεθάρμην, κόρην Πυγμαλίωνοσ Κυπρίων βασιλέωσ, Ὀξύπορον ἐγέννησε καὶ Ἄδωνιν, πρὸσ δὲ τούτοισ θυγατέρασ Ὀρσεδίκην <καὶ> Λαογόρην καὶ Βραισίαν. αὗται δὲ διὰ μῆνιν Ἀφροδίτησ ἀλλοτρίοισ ἀνδράσι συνευναζόμεναι τὸν βίον ἐν Αἰγύπτῳ μετήλλαξαν. Ἄδωνισ δὲ ἔτι παῖσ ὢν Ἀρτέμιδοσ χόλῳ πληγεὶσ ἐν θήρᾳ ὑπὸ συὸσ ἀπέθανεν.

Ἡσίοδοσ δὲ αὐτὸν Φοίνικοσ καὶ Ἀλφεσιβοίασ λέγει, Πανύασισ δέ φησι Θείαντοσ βασιλέωσ Ἀσσυρίων, ὃσ ἔσχε θυγατέρα Σμύρναν. αὕτη κατὰ μῆνιν Ἀφροδίτησ οὐ γὰρ αὐτὴν ἐτίμα ἴσχει τοῦ πατρὸσ ἔρωτα, καὶ συνεργὸν λαβοῦσα τὴν τροφὸν ἀγνοοῦντι τῷ πατρὶ νύκτασ δώδεκα συνευνάσθη. ὁ δὲ ὡσ ᾔσθετο, σπασάμενοσ <τὸ> ξίφοσ ἐδίωκεν αὐτήν· ἡ δὲ περικαταλαμβανομένη θεοῖσ ηὔξατο ἀφανὴσ γενέσθαι. θεοὶ δὲ κατοικτείραντεσ αὐτὴν εἰσ δένδρον μετήλλαξαν, ὃ καλοῦσι σμύρναν. δεκαμηνιαίῳ δὲ ὕστερον χρόνῳ τοῦ δένδρου ῥαγέντοσ γεννηθῆναι τὸν λεγόμενον Ἄδωνιν, ὃν Ἀφροδίτη διὰ κάλλοσ ἔτι νήπιον κρύφα θεῶν εἰσ λάρνακα κρύψασα Περσεφόνῃ παρίστατο. ἐκείνη δὲ ὡσ ἐθεάσατο, οὐκ ἀπεδίδου. κρίσεωσ δὲ ἐπὶ Διὸσ γενομένησ εἰσ τρεῖσ μοίρασ διῃρέθη ὁ ἐνιαυτόσ, καὶ μίαν μὲν παρ’ ἑαυτῷ μένειν τὸν Ἄδωνιν, μίαν δὲ παρὰ Περσεφόνῃ προσέταξε, τὴν δὲ ἑτέραν παρ’ Ἀφροδίτῃ· ὁ δὲ Ἄδωνισ ταύτῃ προσένειμε καὶ τὴν ἰδίαν μοῖραν. ὕστερον δὲ θηρεύων Ἄδωνισ ὑπὸ συὸσ πληγεὶσ ἀπέθανε. Κέκροποσ δὲ ἀποθανόντοσ Κραναὸσ < ἐβασίλευσεν> αὐτόχθων ὤν, ἐφ’ οὗ τὸν ἐπὶ Δευκαλίωνοσ λέγεται κατακλυσμὸν γενέσθαι.

οὗτοσ γήμασ ἐκ Λακεδαίμονοσ Πεδιάδα τὴν Μύνητοσ ἐγέννησε Κρανάην καὶ Κραναίχμην καὶ Ἀτθίδα, ἧσ ἀποθανούσησ ἔτι παρθένου τὴν χώραν Κραναὸσ Ἀτθίδα προσηγόρευσε. Κραναὸν δὲ ἐκβαλὼν Ἀμφικτύων ἐβασίλευσε·

τοῦτον ἔνιοι μὲν Δευκαλίωνοσ, ἔνιοι δὲ αὐτόχθονα λέγουσι. βασιλεύσαντα δὲ αὐτὸν ἔτη δώδεκα Ἐριχθόνιοσ ἐκβάλλει. τοῦτον οἱ μὲν Ἡφαίστου καὶ τῆσ Κραναοῦ θυγατρὸσ Ἀτθίδοσ εἶναι λέγουσιν, οἱ δὲ Ἡφαίστου καὶ Ἀθηνᾶσ, οὕτωσ· Ἀθηνᾶ παρεγένετο πρὸσ Ἥφαιστον, ὅπλα κατασκευάσαι θέλουσα. ὁ δὲ ἐγκαταλελειμμένοσ ὑπὸ Ἀφροδίτησ εἰσ ἐπιθυμίαν ὤλισθε τῆσ Ἀθηνᾶσ, καὶ διώκειν αὐτὴν ἤρξατο· ἡ δὲ ἔφευγεν. ὡσ δὲ ἐγγὺσ αὐτῆσ ἐγένετο πολλῇ ἀνάγκῃ ἦν γὰρ χωλόσ, ἐπειρᾶτο συνελθεῖν. ἡ δὲ ὡσ σώφρων καὶ παρθένοσ οὖσα οὐκ ἠνέσχετο· ὁ δὲ ἀπεσπέρμηνεν εἰσ τὸ σκέλοσ τῆσ θεᾶσ. ἐκείνη δὲ μυσαχθεῖσα ἐρίῳ ἀπομάξασα τὸν γόνον εἰσ γῆν ἔρριψε. φευγούσησ δὲ αὐτῆσ καὶ τῆσ γονῆσ εἰσ γῆν πεσούσησ Ἐριχθόνιοσ γίνεται. τοῦτον Ἀθηνᾶ κρύφα τῶν ἄλλων θεῶν ἔτρεφεν, ἀθάνατον θέλουσα ποιῆσαι· καὶ καταθεῖσα αὐτὸν εἰσ κίστην Πανδρόσῳ τῇ Κέκροποσ παρακατέθετο, ἀπειποῦσα τὴν κίστην ἀνοίγειν. αἱ δὲ ἀδελφαὶ τῆσ Πανδρόσου ἀνοίγουσιν ὑπὸ περιεργίασ, καὶ θεῶνται τῷ βρέφει παρεσπειραμένον δράκοντα· καὶ ὡσ μὲν ἔνιοι λέγουσιν, ὑπ’ αὐτοῦ διεφθάρησαν τοῦ δράκοντοσ, ὡσ δὲ ἔνιοι, δι’ ὀργὴν Ἀθηνᾶσ ἐμμανεῖσ γενόμεναι κατὰ τῆσ ἀκροπόλεωσ αὑτὰσ ἔρριψαν. ἐν δὲ τῷ τεμένει τραφεὶσ Ἐριχθόνιοσ ὑπ’ αὐτῆσ Ἀθηνᾶσ, ἐκβαλὼν Ἀμφικτύονα ἐβασίλευσεν Ἀθηνῶν, καὶ τὸ ἐν ἀκροπόλει ξόανον τῆσ Ἀθηνᾶσ ἱδρύσατο, καὶ τῶν Παναθηναίων τὴν ἑορτὴν συνεστήσατο, καὶ Πραξιθέαν νηίδα νύμφην ἔγημεν, ἐξ ἧσ αὐτῷ παῖσ Πανδίων ἐγεννήθη. Ἐριχθονίου δὲ ἀποθανόντοσ καὶ ταφέντοσ ἐν τῷ αὐτῷ τεμένει τῆσ Ἀθηνᾶσ Πανδίων ἐβασίλευσεν, ἐφ’ οὗ Δημήτηρ καὶ Διόνυσοσ εἰσ τὴν Ἀττικὴν ἦλθον.

ἀλλὰ Δήμητρα μὲν Κελεὸσ εἰσ τὴν Ἐλευσῖνα ὑπεδέξατο, Διόνυσον δὲ Ἰκάριοσ· ὃσ λαμβάνει παρ’ αὐτοῦ κλῆμα ἀμπέλου καὶ τὰ περὶ τὴν οἰνοποιίαν μανθάνει. καὶ τὰσ τοῦ θεοῦ δωρήσασθαι θέλων χάριτασ ἀνθρώποισ, ἀφικνεῖται πρόσ τινασ ποιμένασ, οἳ γευσάμενοι τοῦ ποτοῦ καὶ χωρὶσ ὕδατοσ δι’ ἡδονὴν ἀφειδῶσ ἑλκύσαντεσ, πεφαρμάχθαι νομίζοντεσ ἀπέκτειναν αὐτόν. μεθ’ ἡμέραν δὲ νοήσαντεσ ἔθαψαν αὐτόν. Ἠριγόνῃ δὲ τῇ θυγατρὶ τὸν πατέρα μαστευούσῃ κύων συνήθησ ὄνομα Μαῖρα, ἣ τῷ Ἰκαρίῳ συνείπετο, τὸν νεκρὸν ἐμήνυσε· κἀκείνη κατοδυραμένη τὸν πατέρα ἑαυτὴν ἀνήρτησε. Πανδίων δὲ γήμασ Ζευξίππην τῆσ μητρὸσ τὴν ἀδελφὴν θυγατέρασ μὲν ἐτέκνωσε Πρόκνην καὶ Φιλομήλαν, παῖδασ δὲ διδύμουσ Ἐρεχθέα καὶ Βούτην.

ἀπορνεοῦται δὲ καὶ Τηρεύσ, καὶ γίνεται ἔποψ. πολέμου δὲ ἐνστάντοσ πρὸσ Λάβδακον περὶ γῆσ ὁρ́ων ἐπεκαλέσατο βοηθὸν ἐκ Θρᾴκησ Τηρέα τὸν Ἄρεοσ, καὶ τὸν πόλεμον σὺν αὐτῷ κατορθώσασ ἔδωκε Τηρεῖ πρὸσ γάμον τὴν ἑαυτοῦ θυγατέρα Πρόκνην. ὁ δὲ ἐκ ταύτησ γεννήσασ παῖδα Ἴτυν, καὶ Φιλομήλασ ἐρασθεὶσ ἔφθειρε καὶ ταύτην, εἰπὼν τεθνάναι Πρόκνην, κρύπτων ἐπὶ τῶν χωρίων. αὖθισ δὲ γήμασ Φιλομήλαν συνηυνάζετο, καὶ τὴν γλῶσσαν ἐξέτεμεν αὐτῆσ. ἡ δὲ ὑφήνασα ἐν πέπλῳ γράμματα διὰ τούτων ἐμήνυσε Πρόκνῃ τὰσ ἰδίασ συμφοράσ. ἡ δὲ ἀναζητήσασα τὴν ἀδελφὴν κτείνει τὸν παῖδα Ἴτυν, καὶ καθεψήσασα Τηρεῖ δεῖπνον ἀγνοοῦντι παρατίθησι· καὶ μετὰ τῆσ ἀδελφῆσ διὰ τάχουσ ἔφυγε. Τηρεὺσ δὲ αἰσθόμενοσ, ἁρπάσασ πέλεκυν ἐδίωκεν. αἱ δὲ ἐν Δαυλίᾳ τῆσ Φωκίδοσ γινόμεναι περικατάληπτοι θεοῖσ εὔχονται ἀπορνεωθῆναι, καὶ Πρόκνη μὲν γίνεται ἀηδών, Φιλομήλα δὲ χελιδών·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 14

(아폴로도로스, Library and Epitome, book 3, chapter 14)

상위

목록

SEARCH

MENU NAVIGATION