헬라어 문장 검색 - ΑπολλόΛιβραρψ́4́07́

(아폴로도로스, Library and Epitome, book 3, chapter 7)

Κρέων δὲ τὴν Θηβαίων βασιλείαν παραλαβὼν τοὺσ τῶν Ἀργείων νεκροὺσ ἔρριψεν ἀτάφουσ, καὶ κηρύξασ μηδένα θάπτειν φύλακασ κατέστησεν. Ἀντιγόνη δέ, μία τῶν Οἰδίποδοσ θυγατέρων, κρύφα τὸ Πολυνείκουσ σῶμα κλέψασα ἔθαψε, καὶ φωραθεῖσα ὑπὸ Κρέοντοσ αὐτοῦ τῷ τάφῳ ζῶσα ἐνεκρύφθη. Ἄδραστοσ δὲ εἰσ Ἀθήνασ ἀφικόμενοσ ἐπὶ τὸν ἐλέου βωμὸν κατέφυγε, καὶ ἱκετηρίαν θεὶσ ἠξίου θάπτειν τοὺσ νεκρούσ. οἱ δὲ Ἀθηναῖοι μετὰ Θησέωσ στρατεύσαντεσ αἱροῦσι Θήβασ καὶ τοὺσ νεκροὺσ τοῖσ οἰκείοισ διδόασι θάψαι. τῆσ Καπανέωσ δὲ καιομένησ πυρᾶσ, Εὐάδνη, ἡ Καπανέωσ μὲν γυνὴ θυγάτηρ δὲ Ἴφιοσ, ἑαυτὴν ἐμβαλοῦσα συγκατεκαίετο. μετὰ δὲ ἔτη δέκα οἱ τῶν ἀπολομένων παῖδεσ, κληθέντεσ ἐπίγονοι, στρατεύειν ἐπὶ Θήβασ προῃροῦντο, τὸν τῶν πατέρων θάνατον τιμωρήσασθαι βουλόμενοι.

καὶ μαντευομένοισ αὐτοῖσ ὁ θεὸσ ἐθέσπισε νίκην Ἀλκμαίωνοσ ἡγουμένου. ὁ μὲν οὖν Ἀλκμαίων ἡγεῖσθαι τῆσ στρατείασ οὐ βουλόμενοσ πρὶν τίσασθαι τὴν μητέρα, ὅμωσ στρατεύεται· λαβοῦσα γὰρ Ἐριφύλη παρὰ Θερσάνδρου τοῦ Πολυνείκουσ τὸν πέπλον συνέπεισε καὶ τοὺσ παῖδασ στρατεύεσθαι. οἱ δὲ ἡγεμόνα Ἀλκμαίωνα ἑλόμενοι Θήβασ ἐπολέμουν. ἦσαν δὲ οἱ στρατευόμενοι οἵδε· Ἀλκμαίων καὶ Ἀμφίλοχοσ Ἀμφιαράου, Αἰγιαλεὺσ Ἀδράστου, Διομήδησ Τυδέωσ, Πρόμαχοσ Παρθενοπαίου, Σθένελοσ Καπανέωσ, Θέρσανδροσ Πολυνείκουσ, Εὐρύαλοσ Μηκιστέωσ. οὗτοι πρῶτον μὲν πορθοῦσι τὰσ πέριξ κώμασ, ἔπειτα τῶν Θηβαίων ἐπελθόντων Λαοδάμαντοσ τοῦ Ἐτεοκλέουσ ἡγουμένου γενναίωσ μάχονται.

καὶ Λαοδάμασ μὲν Αἰγιαλέα κτείνει, Λαοδάμαντα δὲ Ἀλκμαίων. καὶ μετὰ τὸν τούτου θάνατον Θηβαῖοι συμφεύγουσιν εἰσ τὰ τείχη. Τειρεσίου δὲ εἰπόντοσ αὐτοῖσ πρὸσ μὲν Ἀργείουσ κήρυκα περὶ διαλύσεωσ ἀποστέλλειν, αὐτοὺσ δὲ φεύγειν, πρὸσ μὲν τοὺσ πολεμίουσ κήρυκα πέμπουσιν, αὐτοὶ δὲ ἀναβιβάσαντεσ ἐπὶ τὰσ ἀπήνασ τέκνα καὶ γυναῖκασ ἐκ τῆσ πόλεωσ ἔφευγον. νύκτωρ δὲ ἐπὶ τὴν λεγομένην Τιλφοῦσσαν κρήνην παραγενομένων αὐτῶν, Τειρεσίασ ἀπὸ ταύτησ πιὼν αὐτοῦ τὸν βίον κατέστρεψε. Θηβαῖοι δὲ ἐπὶ πολὺ διελθόντεσ πόλιν Ἑστιαίαν κτίσαντεσ κατῴκησαν. Ἀργεῖοι δὲ ὕστερον τὸν δρασμὸν τῶν Θηβαίων μαθόντεσ εἰσίασιν εἰσ τὴν πόλιν, καὶ συναθροίζουσι τὴν λείαν, καὶ καθαιροῦσι τὰ τείχη.

τῆσ δὲ λείασ μέροσ εἰσ Δελφοὺσ πέμπουσιν Ἀπόλλωνι καὶ τὴν Τειρεσίου θυγατέρα Μαντώ· ηὔξαντο γὰρ αὐτῷ Θήβασ ἑλόντεσ τὸ κάλλιστον τῶν λαφύρων ἀναθήσειν. μετὰ δὲ τὴν Θηβῶν ἅλωσιν αἰσθόμενοσ Ἀλκμαίων καὶ ἐπ’ αὐτῷ δῶρα εἰληφυῖαν Ἐριφύλην τὴν μητέρα μᾶλλον ἠγανάκτησε, καὶ χρήσαντοσ Ἀπόλλωνοσ αὐτῷ τὴν μητέρα ἀπέκτεινεν.

ἔνιοι μὲν λέγουσι σὺν Ἀμφιλόχῳ τῷ ἀδελφῷ κτεῖναι τὴν Ἐριφύλην, ἔνιοι δὲ ὅτι μόνοσ. Ἀλκμαίωνα δὲ μετῆλθεν ἐρινὺσ τοῦ μητρῴου φόνου, καὶ μεμηνὼσ πρῶτον μὲν εἰσ Ἀρκαδίαν πρὸσ Οἰκλέα παραγίνεται, ἐκεῖθεν δὲ εἰσ Ψωφῖδα πρὸσ Φηγέα. καθαρθεὶσ δὲ ὑπ’ αὐτοῦ Ἀρσινόην γαμεῖ τὴν τούτου θυγατέρα, καὶ τόν τε ὁρ́μον καὶ τὸν πέπλον ἔδωκε ταύτῃ. γενομένησ δὲ ὕστερον τῆσ γῆσ δι’ αὐτὸν ἀφόρου, χρήσαντοσ αὐτῷ τοῦ θεοῦ πρὸσ Ἀχελῷον ἀπιέναι καὶ παρ’ ἐκεῖνον παλινδικίαν λαμβάνειν, τὸ μὲν πρῶτον πρὸσ Οἰνέα παραγίνεται εἰσ Καλυδῶνα καὶ ξενίζεται παρ’ αὐτῷ, ἔπειτα ἀφικόμενοσ εἰσ Θεσπρωτοὺσ τῆσ χώρασ ἀπελαύνεται. τελευταῖον δὲ ἐπὶ τὰσ Ἀχελῴου πηγὰσ παραγενόμενοσ καθαίρεταί τε ὑπ’ αὐτοῦ καὶ τὴν ἐκείνου θυγατέρα Καλλιρρόην λαμβάνει, καὶ ὃν Ἀχελῷοσ προσέχωσε τόπον κτίσασ κατῴκησε. Καλλιρρόησ δὲ ὕστερον τόν τε ὁρ́μον καὶ τὸν πέπλον ἐπιθυμούσησ λαβεῖν, καὶ λεγούσησ οὐ συνοικήσειν αὐτῷ εἰ μὴ λάβοι ταῦτα, παραγενόμενοσ εἰσ Ψωφῖδα Ἀλκμαίων Φηγεῖ λέγει τεθεσπίσθαι τῆσ μανίασ ἀπαλλαγὴν ἑαυτῷ, τὸν ὁρ́μον ὅταν εἰσ Δελφοὺσ κομίσασ ἀναθῇ καὶ τὸν πέπλον. ὁ δὲ πιστεύσασ δίδωσι μηνύσαντοσ δὲ θεράποντοσ ὅτι Καλλιρρόῃ ταῦτα λαβὼν ἐκόμιζεν, ἐνεδρευθεὶσ ὑπὸ τῶν Φηγέωσ παίδων ἐπιτάξαντοσ τοῦ Φηγέωσ ἀναιρεῖται. Ἀρσινόην δὲ μεμφομένην οἱ τοῦ Φηγέωσ παῖδεσ ἐμβιβάσαντεσ εἰσ λάρνακα κομίζουσιν εἰσ Τεγέαν καὶ διδόασι δούλην Ἀγαπήνορι, καταψευσάμενοι αὐτῆσ τὸν Ἀλκμαίωνοσ φόνον. Καλλιρρόη δὲ τὴν Ἀλκμαίωνοσ ἀπώλειαν μαθοῦσα, πλησιάζοντοσ αὐτῇ τοῦ Διόσ, αἰτεῖται τοὺσ γεγεννημένουσ παῖδασ ἐξ Ἀλκμαίωνοσ αὐτῇ γενέσθαι τελείουσ, ἵνα τὸν τοῦ πατρὸσ τίσωνται φόνον.

γενόμενοι δὲ ἐξαίφνησ οἱ παῖδεσ τέλειοι ἐπὶ τὴν ἐκδικίαν τοῦ πατρὸσ ἐξῄεσαν. κατὰ τὸν αὐτὸν δὲ καιρὸν οἵ τε Φηγέωσ παῖδεσ Πρόνοοσ καὶ Ἀγήνωρ, εἰσ Δελφοὺσ κομίζοντεσ ἀναθεῖναι τὸν ὁρ́μον καὶ τὸν πέπλον, καταλύουσι πρὸσ Ἀγαπήνορα, καὶ οἱ τοῦ Ἀλκμαίωνοσ παῖδεσ Ἀμφότερόσ τε καὶ Ἀκαρνάν· καὶ ἀνελόντεσ τοὺσ τοῦ πατρὸσ φονέασ, παραγενόμενοί τε εἰσ Ψωφῖδα καὶ παρελθόντεσ εἰσ τὰ βασίλεια τόν τε Φηγέα καὶ τὴν γυναῖκα αὐτοῦ κτείνουσι. διωχθέντεσ δὲ ἄχρι Τεγέασ ἐπιβοηθησάντων Τεγεατῶν καί τινων Ἀργείων ἐσώθησαν, εἰσ φυγὴν τῶν Ψωφιδίων τραπέντων. δηλώσαντεσ δὲ τῇ μητρὶ ταῦτα, τόν τε ὁρ́μον καὶ τὸν πέπλον ἐλθόντεσ εἰσ Δελφοὺσ ἀνέθεντο κατὰ πρόσταξιν Ἀχελῴου.

πορευθέντεσ δὲ εἰσ τὴν Ἤπειρον συναθροίζουσιν οἰκήτορασ καὶ κτίζουσιν Ἀκαρνανίαν. Εὐριπίδησ δέ φησιν Ἀλκμαίωνα κατὰ τὸν τῆσ μανίασ χρόνον ἐκ Μαντοῦσ Τειρεσίου παῖδασ δύο γεννῆσαι, Ἀμφίλοχον καὶ θυγατέρα Τισιφόνην, κομίσαντα δὲ εἰσ Κόρινθον τὰ βρέφη δοῦναι τρέφειν Κορινθίων βασιλεῖ Κρέοντι, καὶ τὴν μὲν Τισιφόνην διενεγκοῦσαν εὐμορφίᾳ ὑπὸ τῆσ Κρέοντοσ γυναικὸσ ἀπεμποληθῆναι, δεδοικυίασ μὴ Κρέων αὐτὴν γαμετὴν ποιήσηται. τὸν δὲ Ἀλκμαίωνα ἀγοράσαντα ταύτην ἔχειν οὐκ εἰδότα τὴν ἑαυτοῦ θυγατέρα θεράπαιναν, παραγενόμενον δὲ εἰσ Κόρινθον ἐπὶ τὴν τῶν τέκνων ἀπαίτησιν καὶ τὸν υἱὸν κομίσασθαι. καὶ Ἀμφίλοχοσ κατὰ χρησμοὺσ Ἀπόλλωνοσ Ἀμφιλοχικὸν Ἄργοσ ᾤκισεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 7

(아폴로도로스, Library and Epitome, book 3, chapter 7)

상위

목록

SEARCH

MENU NAVIGATION