헬라어 문장 검색 - ΑπολλόΛιβραρψ́4́11́

(아폴로도로스, Library and Epitome, book 3, chapter 11)

Μενέλαοσ μὲν οὖν ἐξ Ἑλένησ Ἑρμιόνην ἐγέννησε καὶ κατά τινασ Νικόστρατον, ἐκ δούλησ <δὲ> Πιερίδοσ, γένοσ Αἰτωλίδοσ, ἢ καθάπερ Ἀκουσίλαόσ φησι Τηρηίδοσ, Μεγαπένθη, ἐκ Κνωσσίασ δὲ νύμφησ κατὰ Εὔμηλον Ξενόδαμον. τῶν δὲ ἐκ Λήδασ γενομένων παίδων Κάστωρ μὲν ἤσκει τὰ κατὰ πόλεμον, Πολυδεύκησ δὲ πυγμήν, καὶ διὰ τὴν ἀνδρείαν ἐκλήθησαν ἀμφότεροι Διόσκουροι.

βουλόμενοι δὲ γῆμαι τὰσ Λευκίππου θυγατέρασ ἐκ Μεσσήνησ ἁρπάσαντεσ ἔγημαν· καὶ γίνεται μὲν Πολυδεύκουσ καὶ Φοίβησ Μνησίλεωσ, Κάστοροσ δὲ καὶ Ἱλαείρασ Ἀνώγων. ἐλάσαντεσ δὲ ἐκ τῆσ Ἀρκαδίασ βοῶν λείαν μετὰ τῶν Ἀφαρέωσ παίδων Ἴδα καὶ Λυγκέωσ, ἐπιτρέπουσιν Ἴδᾳ διελεῖν· ὁ δὲ τεμὼν βοῦν εἰσ μέρη τέσσαρα, τοῦ πρώτου καταφαγόντοσ εἶπε τῆσ λείασ τὸ ἥμισυ ἔσεσθαι, καὶ τοῦ δευτέρου τὸ λοιπόν. καὶ φθάσασ κατηνάλωσε τὸ μέροσ τὸ ἴδιον πρῶτοσ Ἴδασ, καὶ τὸ τοῦ ἀδελφοῦ, καὶ μετ’ ἐκείνου τὴν λείαν εἰσ Μεσσήνην ἤλασε. στρατεύσαντεσ δὲ ἐπὶ Μεσσήνην οἱ Διόσκουροι τήν τε λείαν ἐκείνην καὶ πολλὴν ἄλλην συνελαύνουσι. καὶ τὸν Ἴδαν ἐλόχων καὶ τὸν Λυγκέα. Λυγκεὺσ δὲ ἰδὼν Κάστορα ἐμήνυσεν Ἴδᾳ, κἀκεῖνοσ αὐτὸν κτείνει. Πολυδεύκησ δὲ ἐδίωξεν αὐτούσ, καὶ τὸν μὲν Λυγκέα κτείνει τὸ δόρυ προέμενοσ, τὸν δὲ Ἴδαν διώκων, βληθεὶσ ὑπ’ ἐκείνου πέτρᾳ κατὰ τῆσ κεφαλῆσ, πίπτει σκοτωθείσ. καὶ Ζεὺσ Ἴδαν κεραυνοῖ, Πολυδεύκην δὲ εἰσ οὐρανὸν ἀνάγει. μὴ δεχομένου δὲ Πολυδεύκουσ τὴν ἀθανασίαν ὄντοσ νεκροῦ Κάστοροσ, Ζεὺσ ἀμφοτέροισ παρ’ ἡμέραν καὶ ἐν θεοῖσ εἶναι καὶ ἐν θνητοῖσ ἔδωκε. μεταστάντων δὲ εἰσ θεοὺσ τῶν Διοσκούρων, Τυνδάρεωσ μεταπεμψάμενοσ Μενέλαον εἰσ Σπάρτην τούτῳ τὴν βασιλείαν παρέδωκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 11

(아폴로도로스, Library and Epitome, book 3, chapter 11)

상위

목록

SEARCH

MENU NAVIGATION