헬라어 문장 검색 - ΑπολλόΛιβραρψ́4́15́07́

(아폴로도로스, Library and Epitome, book 3, chapter 15 7:)

καὶ Τροιζῆνα διοδεύων ἐπιξενοῦται Πιτθεῖ τῷ Πέλοποσ, ὃσ τὸν χρησμὸν συνείσ, μεθύσασ αὐτὸν τῇ θυγατρὶ συγκατέκλινεν Αἴθρᾳ. τῇ δὲ αὐτῇ νυκτὶ καὶ Ποσειδῶν ἐπλησίασεν αὐτῇ. Αἰγεὺσ δὲ ἐντειλάμενοσ Αἴθρᾳ, ἐὰν ἄρρενα γεννήσῃ, τρέφειν, τίνοσ ἐστὶ μὴ λέγουσαν, ἀπέλιπεν ὑπό τινα πέτραν μάχαιραν καὶ πέδιλα, εἰπών, ὅταν ὁ παῖσ δύνηται τὴν πέτραν ἀποκυλίσασ ἀνελέσθαι ταῦτα, τότε μετ’ αὐτῶν αὐτὸν ἀποπέμπειν. αὐτὸσ δὲ ἧκεν εἰσ Ἀθήνασ, καὶ τὸν τῶν Παναθηναίων ἀγῶνα ἐπετέλει, ἐν ᾧ ὁ Μίνωοσ παῖσ Ἀνδρόγεωσ ἐνίκησε πάντασ. τοῦτον Αἰγεὺσ ἐπὶ τὸν Μαραθώνιον ἔπεμψε ταῦρον, ὑφ’ οὗ διεφθάρη. ἔνιοι δὲ αὐτὸν λέγουσι πορευόμενον εἰσ Θήβασἐπὶ τὸν Λαί̈ου ἀγῶνα πρὸσ τῶν ἀγωνιστῶν ἐνεδρευθέντα διὰ φθόνον ἀπολέσθαι. Μίνωσ δέ, ἀγγελθέντοσ αὐτῷ τοῦ θανάτου, θύων ἐν Πάρῳ ταῖσ χάρισι, τὸν μὲν στέφανον ἀπὸ τῆσ κεφαλῆσ ἔρριψε καὶ τὸν αὐλὸν κατέσχε, τὴν δὲ θυσίαν οὐδὲν ἧττον ἐπετέλεσεν· ὅθεν ἔτι καὶ δεῦρο χωρὶσ αὐλῶν καὶ στεφάνων ἐν Πάρῳ θύουσι ταῖσ χάρισι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 3, chapter 15 7:

(아폴로도로스, Library and Epitome, book 3, chapter 15 7:)

상위

목록

SEARCH

MENU NAVIGATION