Apollodorus, Library and Epitome, book 3, chapter 6 5:

ὡσ δὲ ἦλθον εἰσ τὸν Κιθαιρῶνα, πέμπουσι Τυδέα προεροῦντα Ἐτεοκλεῖ τῆσ βασιλείασ παραχωρεῖν Πολυνείκει, καθὰ συνέθεντο. μὴ προσέχοντοσ δὲ Ἐτεοκλέουσ, διάπειραν τῶν Θηβαίων Τυδεὺσ ποιούμενοσ, καθ’ ἕνα προκαλούμενοσ πάντων περιεγένετο. οἱ δὲ πεντήκοντα ἄνδρασ ὁπλίσαντεσ ἀπιόντα ἐνήδρευσαν αὐτόν· πάντασ δὲ αὐτοὺσ χωρὶσ Μαίονοσ ἀπέκτεινε, κἄπειτα ἐπὶ τὸ στρατόπεδον ἦλθεν.