헬라어 문장 검색 - Πλυταρ́Τηεμιστ́31́

(플루타르코스, Θεμιστοκλῆς, chapter 31)

ὡσ δ’ ἦλθεν εἰσ Σάρδεισ καὶ σχολὴν ἄγων ἐθεᾶτο τῶν ἱερῶν τὴν κατασκευὴν καὶ τῶν ἀναθημάτων τὸ πλῆθοσ, εἶδε δὲ ἐν μητρὸσ ἱερῷ τὴν καλουμένην ὑδροφόρον κόρην χαλκῆν, μέγεθοσ δίπηχυν, ἣν αὐτὸσ ὅτε τῶν Ἀθήνησιν ὑδάτων ἐπιστάτησ ἦν, ἑλὼν τοὺσ ὑφαιρουμένουσ τὸ ὕδωρ καὶ παροχετεύοντασ, ἀνέθηκεν ἐκ τῆσ ζημίασ ποιησάμενοσ, εἴτε δὴ παθών τι πρὸσ τὴν αἰχμαλωσίαν τοῦ ἀναθήματοσ εἴτε βουλόμενοσ ἐνδείξασθαι τοῖσ Ἀθηναίοισ, ὅσην ἔχει τιμὴν καὶ δύναμιν ἐν τοῖσ βασιλέωσ πράγμασι, λόγον τῷ Λυδίασ σατράπῃ προσήνεγκεν αἰτούμενοσ ἀποστεῖλαι τὴν κόρην εἰσ τὰσ Ἀθήνασ. χαλεπαίνοντοσ δὲ τοῦ βαρβάρου καὶ βασιλεῖ γράψειν φήσαντοσ ἐπιστολήν, φοβηθεὶσ ὁ Θεμιστοκλῆσ εἰσ τὴν γυναικωνῖτιν κατέφυγε καὶ τὰσ παλλακίδασ αὐτοῦ θεραπεύσασ χρήμασιν ἐκεῖνόν τε κατεπράϋνε τῆσ ὀργῆσ καὶ πρὸσ τὰ ἄλλα παρεῖχεν ἑαυτὸν εὐλαβέστερον, ἤδη καὶ τὸν φθόνον τῶν βαρβάρων δεδοικώσ.

οὐ γὰρ πλανώμενοσ περὶ τὴν Ἀσίαν, ὥσ φησι Θεόπομποσ, ἀλλ’ ἐν Μαγνησίᾳ μὲν οἰκῶν, καρπούμενοσ δὲ δωρεὰσ μεγάλασ καὶ τιμώμενοσ ὅμοια Περσῶν τοῖσ ἀρίστοισ, ἐπὶ πολὺν χρόνον ἀδεῶσ διῆγεν, οὐ πάνυ τι τοῖσ Ἑλληνικοῖσ πράγμασι βασιλέωσ προσέχοντοσ ὑπ’ ἀσχολιῶν περὶ τὰσ ἄνω πράξεισ. οὔτε δι’ ὀργήν τινα παροξυνθεὶσ κατὰ τῶν πολιτῶν οὔτε ἐπαρθεὶσ τιμῇ τοσαύτῃ καὶ δυνάμει πρὸσ τὸν πόλεμον, ἀλλ’ ἴσωσ μὲν οὐδ’ ἐφικτὸν ἡγούμενοσ τὸ ἔργον, ἄλλουσ τε μεγάλουσ τῆσ Ἑλλάδοσ ἐχούσησ στρατηγοὺσ τότε καὶ Κίμωνοσ ὑπερφυῶσ εὐημεροῦντοσ ἐν τοῖσ πολεμικοῖσ, τὸ δὲ πλεῖστον αἰδοῖ τῆσ τε δόξησ τῶν πράξεων τῶν ἑαυτοῦ καὶ τῶν τροπαίων ἐκείνων, ἄριστα βουλευσάμενοσ ἐπιθεῖναι τῷ βίῳ τὴν τελευτὴν πρέπουσαν, ἔθυσε τοῖσ θεοῖσ, καὶ τοὺσ φίλουσ συναγαγὼν καὶ δεξιωσάμενοσ, ὡσ μὲν ὁ πολὺσ λόγοσ, αἷμα ταύρειον πιών, ὡσ δ’ ἔνιοι, φάρμακον ἐφήμερον προσενεγκάμενοσ, ἐν Μαγνησίᾳ κατέστρεψε πέντε πρὸσ τοῖσ ἑξήκοντα βεβιωκὼσ ἔτη καὶ τὰ πλεῖστα τούτων ἐν πολιτείαισ καὶ ἡγεμονίαισ.

τὴν δ’ αἰτίαν τοῦ θανάτου καὶ τὸν τρόπον πυθόμενον βασιλέα λέγουσιν ἔτι μᾶλλον θαυμάσαι τὸν ἄνδρα καὶ τοῖσ φίλοισ αὐτοῦ καὶ οἰκείοισ χρώμενον διατελεῖν φιλανθρώπωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 31

(플루타르코스, Θεμιστοκλῆς, chapter 31)

상위

목록

SEARCH

MENU NAVIGATION