헬라어 문장 검색 - Πλυταρ́Τηεμιστ́05́

(플루타르코스, Θεμιστοκλῆς, chapter 5)

σύντονον δὲ αὐτὸν γεγονέναι χρηματιστὴν οἱ μέν τινέσ φασι δι’ ἐλευθεριότητα· καὶ γὰρ φιλοθύτην ὄντα καὶ λαμπρὸν ἐν ταῖσ περὶ τοὺσ ξένουσ δαπάναισ ἀφθόνου δεῖσθαι χορηγίασ· οἱ δὲ τοὐναντίον γλισχρότητα πολλὴν καὶ μικρολογίαν κατηγοροῦσιν, ὡσ καὶ τὰ πεμπόμενα τῶν ἐδωδίμων πωλοῦντοσ. ἐπεὶ δὲ Φιλίδησ ὁ ἱπποτρόφοσ αἰτηθεὶσ ὑπ’ αὐτοῦ πῶλον οὐκ ἔδωκεν, ἠπείλησε τὴν οἰκίαν αὐτοῦ ταχὺ ποιήσειν δούρειον ἵππον, αἰνιξάμενοσ ἐγκλήματα συγγενικὰ καὶ δίκασ τῷ ἀνθρώπῳ πρὸσ οἰκείουσ τινὰσ ταράξειν.

τῇ δὲ φιλοτιμίᾳ πάντασ ὑπερέβαλεν, ὥστ’ ἔτι μὲν νέοσ ὢν καὶ ἀφανὴσ Ἐπικλέα τὸν ἐξ Ἑρμιόνησ κιθαριστὴν σπουδαζόμενον ὑπὸ τῶν Ἀθηναίων ἐκλιπαρῆσαι μελετᾶν παρ’ αὐτῷ, φιλοτιμούμενοσ πολλοὺσ τὴν οἰκίαν ζητεῖν καὶ φοιτᾶν πρὸσ αὐτόν. εἰσ δ’ Ὀλυμπίαν ἐλθὼν καὶ διαμιλλώμενοσ τῷ Κίμωνι περὶ δεῖπνα καὶ σκηνὰσ καὶ τὴν ἄλλην λαμπρότητα καὶ παρασκευήν, οὐκ ἤρεσκε τοῖσ Ἕλλησιν.

ἐκείνῳ μὲν γὰρ ὄντι νέῳ καὶ ἀπ’ οἰκίασ μεγάλησ ᾤοντο δεῖν τὰ τοιαῦτα συγχωρεῖν· ὁ δὲ μήπω γνώριμοσ γεγονώσ, ἀλλὰ δοκῶν ἐξ οὐχ ὑπαρχόντων καὶ παρ’ ἀξίαν ἐπαίρεσθαι προσωφλίσκανεν ἀλαζονείαν. ἐνίκησε δὲ καὶ χορηγῶν τραγῳδοῖσ, μεγάλην ἤδη τότε σπουδὴν καὶ φιλοτιμίαν τοῦ ἀγῶνοσ ἔχοντοσ, καὶ πίνακα τῆσ νίκησ ἀνέθηκε τοιαύτην ἐπιγραφὴν ἔχοντα·

"Θεμιστοκλῆσ Φρεάρριοσ ἐχορήγει, Φρύνιχοσ ἐδίδασκεν, Ἀδείμαντοσ ἦρχεν. οὐ μὴν ἀλλὰ τοῖσ πολλοῖσ ἐνήρμοττε, τοῦτο μὲν ἑκάστου τῶν πολιτῶν τοὔνομα λέγων ἀπὸ στόματοσ, τοῦτο δὲ κριτὴν ἀσφαλῆ περὶ τὰ συμβόλαια παρέχων ἑαυτόν, ὥστε που καὶ πρὸσ Σιμωνίδην τὸν Κεῖον εἰπεῖν, αἰτούμενόν τι τῶν οὐ μετρίων παρ’ αὐτοῦ στρατηγοῦντοσ, ὡσ οὔτ’ ἐκεῖνοσ ἂν γένοιτο ποιητὴσ ἀγαθὸσ ᾄδων παρὰ μέλοσ οὔτ’ αὐτὸσ ἀστεῖοσ ἄρχων παρὰ νόμον χαριζόμενοσ. πάλιν δέ ποτε τὸν Σιμωνίδην ἐπισκώπτων ἔλεγε νοῦν οὐκ ἔχειν, Κορινθίουσ μὲν λοιδοροῦντα μεγάλην οἰκοῦντασ πόλιν, αὑτοῦ δὲ ποιούμενον εἰκόνασ οὕτωσ ὄντοσ αἰσχροῦ τὴν ὄψιν.

αὐξόμενοσ δὲ καὶ τοῖσ πολλοῖσ ἀρέσκων τέλοσ κατεστασίασε καὶ μετέστησεν ἐξοστρακισθέντα τὸν Ἀριστείδην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 5

(플루타르코스, Θεμιστοκλῆς, chapter 5)

상위

목록

SEARCH

MENU NAVIGATION