헬라어 문장 검색 - Πλυταρ́Τηεμιστ́02́

(플루타르코스, Θεμιστοκλῆς, chapter 2)

ἔτι δὲ παῖσ ὢν ὁμολογεῖται φορᾶσ μεστὸσ εἶναι, καὶ τῇ μὲν φύσει συνετόσ, τῇ δὲ προαιρέσει μεγαλοπράγμων καὶ πολιτικόσ. ἐν γὰρ ταῖσ ἀνέσεσι καὶ σχολαῖσ ἀπὸ τῶν μαθημάτων γινόμενοσ οὐκ ἔπαιζεν οὐδ’ ἐρρᾳθύμει, καθάπερ οἱ λοιποὶ παῖδεσ, ἀλλ’ εὑρίσκετο λόγουσ τινὰσ μελετῶν καὶ συνταττόμενοσ πρὸσ ἑαυτόν. ἦσαν δ’ οἱ λόγοι κατηγορία τινὸσ ἢ συνηγορία τῶν παίδων. "οὐδὲν ἔσῃ, παῖ, σὺ μικρόν, ἀλλὰ μέγα πάντωσ ἀγαθὸν ἢ κακόν.

ἐπεὶ καὶ τῶν παιδεύσεων τὰσ μὲν ἠθοποιοὺσ ἢ πρὸσ ἡδονήν τινα καὶ χάριν ἐλευθέριον σπουδαζομένασ ὀκνηρῶσ καὶ ἀπροθύμωσ ἐξεμάνθανε, τῶν δὲ εἰσ σύνεσιν ἢ πρᾶξιν λεγομένων δῆλοσ ἦν ὑπερορῶν παρ’ ἡλικίαν, ὡσ τῇ φύσει πιστεύων. ὅθεν ὕστερον ἐν ταῖσ ἐλευθερίοισ καὶ ἀστείαισ λεγομέναισ διατριβαῖσ ὑπὸ τῶν πεπαιδεῦσθαι δοκούντων χλευαζόμενοσ ἠναγκάζετο φορτικώτερον ἀμύνεσθαι, λέγων, ὅτι λύραν μὲν ἁρμόσασθαι καὶ μεταχειρίσασθαι ψαλτήριον οὐκ ἐπίσταται, πόλιν δὲ μικρὰν καὶ ἄδοξον παραλαβὼν ἔνδοξον καὶ μεγάλην ἀπεργάσασθαι.

καίτοι Στησίμβροτοσ Ἀναξαγόρου τε διακοῦσαι τὸν Θεμιστοκλέα φησὶ καὶ περὶ Μέλισσον σπουδάσαι τὸν φυσικόν, οὐκ εὖ τῶν χρόνων ἁπτόμενοσ· Περικλεῖ γάρ, ὃσ πολὺ νεώτεροσ ἦν Θεμιστοκλέουσ, Μέλισσοσ μὲν ἀντεστρατήγει πολιορκοῦντι Σαμίουσ, Ἀναξαγόρασ δὲ συνδιέτριβε. μᾶλλον οὖν ἄν τισ προσέχοι τοῖσ Μνησιφίλου τὸν Θεμιστοκλέα τοῦ Φρεαρρίου ζηλωτὴν γενέσθαι λέγουσιν, οὔτε ῥήτοροσ ὄντοσ οὔτε τῶν φυσικῶν κληθέντων φιλοσόφων, ἀλλὰ τὴν τότε καλουμένην σοφίαν, οὖσαν δὲ δεινότητα πολιτικὴν καὶ δραστήριον σύνεσιν, ἐπιτήδευμα πεποιημένου καὶ διασώζοντοσ ὥσπερ αἱρ́εσιν ἐκ διαδοχῆσ ἀπὸ Σόλωνοσ·

ἣν οἱ μετὰ ταῦτα δικανικαῖσ μίξαντεσ τέχναισ καὶ μεταγαγόντεσ ἀπὸ τῶν πράξεων τὴν ἄσκησιν ἐπὶ τοὺσ λόγουσ, σοφισταὶ προσηγορεύθησαν. τούτῳ μὲν οὖν ἤδη πολιτευόμενοσ ἐπλησίαζεν. ἐν δὲ ταῖσ πρώταισ τῆσ νεότητοσ ὁρμαῖσ ἀνώμαλοσ ἦν καὶ ἀστάθμητοσ, ἅτε τῇ φύσει καθ’ αὑτὴν χρώμενοσ ἄνευ λόγου καὶ παιδείασ ἐπ’ ἀμφότερα μεγάλασ ποιουμένῃ μεταβολὰσ τῶν ἐπιτηδευμάτων καὶ πολλάκισ ἐξισταμένῃ πρὸσ τὸ χεῖρον, ὡσ ὕστερον αὐτὸσ ὡμολόγει, καὶ τοὺσ τραχυτάτουσ πώλουσ ἀρίστουσ ἵππουσ γίνεσθαι φάσκων, ὅταν ἧσ προσήκει τύχωσι παιδείασ καὶ καταρτύσεωσ.

ἃ δὲ τούτων ἐξαρτῶσιν ἔνιοι διηγήματα πλάττοντεσ, ἀποκήρυξιν μὲν ὑπὸ τοῦ πατρὸσ αὐτοῦ, θάνατον δὲ τῆσ μητρὸσ ἑκούσιον ἐπὶ τῇ τοῦ παιδὸσ ἀτιμίᾳ περιλύπου γενομένησ, δοκεῖ κατεψεῦσθαι·

καὶ τοὐναντίον εἰσὶν οἱ λέγοντεσ, ὅτι τοῦ τὰ κοινὰ πράττειν ἀποτρέπων αὐτὸν ὁ πατὴρ ἐπεδείκνυε πρὸσ τῇ θαλάττῃ τὰσ παλαιὰσ τριήρεισ ἐρριμμένασ καὶ παρορωμένασ, ὡσ δὴ καὶ πρὸσ τοὺσ δημαγωγούσ, ὅταν ἄχρηστοι φαίνωνται, τῶν πολλῶν ὁμοίωσ ἐχόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 2

(플루타르코스, Θεμιστοκλῆς, chapter 2)

상위

목록

SEARCH

MENU NAVIGATION