헬라어 문장 검색 - Πλυταρ́Τηεμιστ́04́

(플루타르코스, Θεμιστοκλῆς, chapter 4)

καὶ πρῶτον μὲν τὴν Λαυρεωτικὴν πρόσοδον ἀπὸ τῶν ἀργυρείων μετάλλων ἔθοσ ἐχόντων Ἀθηναίων διανέμεσθαι, μόνοσ εἰπεῖν ἐτόλμησε παρελθὼν εἰσ τὸν δῆμον, ὡσ χρὴ τὴν διανομὴν ἐάσαντασ ἐκ τῶν χρημάτων τούτων κατασκευάσασθαι τριήρεισ ἐπὶ τὸν πρὸσ Αἰγινήτασ πόλεμον. ἤκμαζε γὰρ οὗτοσ ἐν τῇ Ἑλλάδι μάλιστα καὶ κατεῖχον οἱ νησιῶται πλήθει νεῶν τὴν θάλασσαν. ᾗ καὶ ῥᾷον Θεμιστοκλῆσ συνέπεισεν, οὐ Δαρεῖον οὐδὲ Πέρσασ μακρὰν γὰρ ἦσαν οὗτοι καὶ δέοσ οὐ πάνυ βέβαιον ὡσ ἀφιξόμενοι παρεῖχον ἐπισείων, ἀλλὰ τῇ πρὸσ Αἰγινήτασ ὀργῇ καὶ φιλονεικίᾳ τῶν πολιτῶν ἀποχρησάμενοσ εὐκαίρωσ ἐπὶ τὴν παρασκευήν.

ἑκατὸν γὰρ ἀπὸ τῶν χρημάτων ἐκείνων ἐποιήθησαν τριήρεισ, αἷσ καὶ πρὸσ Ξέρξην ἐναυμάχησαν. ἐκ δὲ τούτου κατὰ μικρὸν ὑπάγων καὶ καταβιβάζων τὴν πόλιν πρὸσ τὴν θάλασσαν, ὡσ τὰ πεζὰ μὲν οὐδὲ τοῖσ ὁμόροισ ἀξιομάχουσ ὄντασ, τῇ δ’ ἀπὸ τῶν νεῶν ἀλκῇ καὶ τοὺσ βαρβάρουσ ἀμύνασθαι καὶ τῆσ Ἑλλάδοσ ἄρχειν δυναμένουσ, ἀντὶ μονίμων ὁπλιτῶν, ὥσ φησιν ὁ Πλάτων, ναυβάτασ καὶ θαλαττίουσ ἐποίησε, καὶ διαβολὴν καθ’ αὑτοῦ παρέσχεν, ὡσ ἄρα Θεμιστοκλῆσ τὸ δόρυ καὶ τὴν ἀσπίδα τῶν πολιτῶν παρελόμενοσ εἰσ ὑπηρέσιον καὶ κώπην συνέστειλε τὸν Ἀθηναίων δῆμον.

ἔπραξε δὲ ταῦτα Μιλτιάδου κρατήσασ ἀντιλέγοντοσ, ὡσ ἱστορεῖ Στησίμβροτοσ. εἰ μὲν δὴ τὴν ἀκρίβειαν καὶ τὸ καθαρὸν τοῦ πολιτεύματοσ ἔβλαψεν ἢ μὴ ταῦτα πράξασ, ἔστω φιλοσοφώτερον ἐπισκοπεῖν·

ὅτι δὲ ἡ τότε σωτηρία τοῖσ Ἕλλησιν ἐκ τῆσ θαλάσσησ ὑπῆρξε καὶ τὴν Ἀθηναίων πόλιν αὖθισ ἀνέστησαν αἱ τριήρεισ ἐκεῖναι, τά τ’ ἄλλα καὶ Ξέρξησ αὐτὸσ ἐμαρτύρησε. τῆσ γὰρ πεζικῆσ δυνάμεωσ ἀθραύστου διαμενούσησ ἔφυγε μετὰ τὴν τῶν νεῶν ἧτταν, ὡσ οὐκ ὢν ἀξιόμαχοσ, καὶ Μαρδόνιον ἐμποδὼν εἶναι τοῖσ Ἕλλησι τῆσ διώξεωσ μᾶλλον ἢ δουλωσόμενον αὐτούσ, ὡσ ἐμοὶ δοκεῖ, κατέλιπεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 4

(플루타르코스, Θεμιστοκλῆς, chapter 4)

상위

목록

SEARCH

MENU NAVIGATION