헬라어 문장 검색 - Πλυταρ́Τηεμιστ́29́

(플루타르코스, Θεμιστοκλῆς, chapter 29)

ἅμα δ’ ἡμέρᾳ συγκαλέσασ τοὺσ φίλουσ εἰσῆγεν αὐτὸν οὐδὲν ἐλπίζοντα χρηστὸν ἐξ ὧν ἑώρα τοὺσ ἐπὶ θύραισ, ὡσ ἐπύθοντο τοὔνομα παρόντοσ αὐτοῦ, χαλεπῶσ διακειμένουσ καὶ κακῶσ λέγοντασ. ἔτι δὲ Ῥωξάνησ ὁ χιλίαρχοσ, ὡσ κατ’ αὐτὸν ἦν ὁ Θεμιστοκλῆσ προσιών, καθημένου βασιλέωσ καὶ τῶν ἄλλων σιωπώντων, ἀτρέμα στενάξασ εἶπεν· "ὄφισ Ἕλλην ὁ ποικίλοσ, ὁ βασιλέωσ σε δαίμων δεῦρο ἤγαγεν. οὐ μὴν ἀλλ’ εἰσ ὄψιν ἐλθόντοσ αὐτοῦ καὶ πάλιν προσκυνήσαντοσ, ἀσπασάμενοσ καὶ προσειπὼν φιλοφρόνωσ ὁ βασιλεύσ, ἤδη μὲν ἔφησεν αὐτῷ διακόσια τάλαντα ὀφείλειν·

κομίσαντα γὰρ αὑτὸν ἀπολήψεσθαι δικαίωσ τὸ ἐπικηρυχθὲν τῷ ἀγαγόντι· πολλῷ δὲ πλείω τούτων ὑπισχνεῖτο καὶ παρεθάρρυνε καὶ λέγειν ἐδίδου περὶ τῶν Ἑλληνικῶν, ἃ βούλοιτο, παρρησιαζόμενον. ὁ δὲ Θεμιστοκλῆσ ἀπεκρίνατο, τὸν λόγον ἐοικέναι τοῦ ἀνθρώπου τοῖσ ποικίλοισ στρώμασιν·

ὡσ γὰρ ἐκεῖνα καὶ τοῦτον ἐκτεινόμενον μὲν ἐπιδείκνυσθαι τὰ εἴδη, συστελλόμενον δὲ κρύπτειν καὶ διαφθείρειν· ὅθεν αὐτῷ χρόνου δεῖν. τοῖσ μὲν ἐκτὸσ δόξαν παρέσχε περὶ τῶν Ἑλληνικῶν πραγμάτων διειλέχθαι, πολλῶν δὲ καινοτομουμένων περὶ τὴν αὐλὴν καὶ τοὺσ φίλουσ ὑπὸ τοῦ βασιλέωσ ἐν ἐκείνῳ τῷ καιρῷ, φθόνον ἔσχε παρὰ τοῖσ δυνατοῖσ, ὡσ καὶ κατ’ ἐκείνων παρρησίᾳ χρήσασθαι πρὸσ αὐτὸν ἀποτετολμηκώσ.

οὐδὲν γὰρ ἦσαν αἱ τιμαὶ ταῖσ τῶν ἄλλων ἐοικυῖαι ξένων, ἀλλὰ καὶ κυνηγεσίων βασιλεῖ μετέσχε καὶ τῶν οἴκοι διατριβῶν, ὥστε καὶ μητρὶ τῇ βασιλέωσ εἰσ ὄψιν ἐλθεῖν καὶ γενέσθαι συνήθησ, διακοῦσαι δὲ καὶ τῶν μαγικῶν λόγων τοῦ βασιλέωσ κελεύσαντοσ. ἐπεὶ δὲ Δημάρατοσ ὁ Σπαρτιάτησ αἰτήσασθαι δωρεὰν κελευσθεὶσ ᾐτήσατο τὴν κίταριν, ὥσπερ οἱ βασιλεῖσ, ἐπαράμενοσ εἰσελάσαι διὰ Σάρδεων, Μιθροπαύστησ μὲν ἀνεψιὸσ ὢν βασιλέωσ εἶπε τοῦ Δημαράτου τῆσ τιάρασ ἁψάμενοσ·

"αὕτη μὲν ἡ κίταρισ οὐκ ἔχει ἐγκέφαλον, ὃν ἐπικαλύψει· "σὺ δ’ οὐκ ἔσῃ Ζεὺσ ἂν λάβῃσ κεραυνόν· ἀπωσαμένου δὲ τὸν Δημάρατον ὀργῇ διὰ τὸ αἴτημα τοῦ βασιλέωσ καὶ δοκοῦντοσ ἀπαραιτήτωσ ἔχειν πρὸσ αὐτόν, ὁ Θεμιστοκλῆσ δεηθεὶσ ἔπεισε καὶ διήλλαξε.

λέγεται δὲ καὶ τοὺσ ὕστερον βασιλεῖσ, ἐφ’ ὧν μᾶλλον αἱ Περσικαὶ πράξεισ ταῖσ Ἑλληνικαῖσ ἀνεκράθησαν, ὁσάκισ δεηθεῖεν ἀνδρὸσ Ἕλληνοσ, ἐπαγγέλλεσθαι καὶ γράφειν ἕκαστον, ὡσ μείζων ἔσοιτο παρ’ αὐτῷ Θεμιστοκλέουσ. αὐτὸν δὲ τὸν Θεμιστοκλέα φασὶν ἤδη μέγαν ὄντα καὶ θεραπευόμενον ὑπὸ πολλῶν λαμπρᾶσ ποτε τραπέζησ αὐτῷ παρατεθείσησ πρὸσ τοὺσ παῖδασ εἰπεῖν·

"ὦ παῖδεσ, ἀπωλόμεθα ἄν, εἰ μὴ ἀπωλόμεθα. πόλεισ δ’ αὐτῷ τρεῖσ μὲν οἱ πλεῖστοι δοθῆναι λέγουσιν εἰσ ἄρτον καὶ οἶνον καὶ ὄψον, Μαγνησίαν καὶ Λάμψακον καὶ Μυοῦντα· δύο δ’ ἄλλασ προστίθησιν ὁ Κυζικηνὸσ Νεάνθησ καὶ Φανίασ, Περκώτην καὶ Παλαίσκηψιν εἰσ στρωμνὴν καὶ ἀμπεχόνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Θεμιστοκλῆς, chapter 29

(플루타르코스, Θεμιστοκλῆς, chapter 29)

상위

목록

SEARCH

MENU NAVIGATION