헬라어 문장 검색 - Πλυταρ́Τηεμιστ́07́

(플루타르코스, Θεμιστοκλῆς, chapter 7)

παραλαβὼν δὲ τὴν ἀρχὴν εὐθὺσ μὲν ἐπεχείρει τοὺσ πολίτασ ἐμβιβάζειν εἰσ τὰσ τριήρεισ, καὶ τὴν πόλιν ἔπειθεν ἐκλιπόντασ ὡσ προσωτάτω τῆσ Ἑλλάδοσ ἀπαντᾶν τῷ βαρβάρῳ κατὰ θάλατταν. ἐνισταμένων δὲ πολλῶν ἐξήγαγε πολλὴν στρατιὰν εἰσ τὰ Τέμπη μετὰ Λακεδαιμονίων, ὡσ αὐτόθι προκινδυνευσόντων τῆσ Θετταλίασ οὔπω τότε μηδίζειν δοκούσησ· ἐπεὶ δ’ ἀνεχώρησαν ἐκεῖθεν ἄπρακτοι καὶ Θετταλῶν βασιλεῖ προσγενομένων ἐμήδιζε τὰ μέχρι Βοιωτίασ, μᾶλλον ἤδη τῷ Θεμιστοκλεῖ προσεῖχον οἱ Ἀθηναῖοι περὶ τῆσ θαλάσσησ, καὶ πέμπεται μετὰ νεῶν ἐπ’ Ἀρτεμίσιον τὰ στενὰ φυλάξων.

ἔνθα δὴ τῶν μὲν Ἑλλήνων Εὐρυβιάδην καὶ Λακεδαιμονιουσ ἡγεῖσθαι κελευόντων, τῶν δ’ Ἀθηναίων, ὅτι πλήθει τῶν νεῶν σύμπαντασ ὁμοῦ τι τοὺσ ἄλλουσ ὑπερέβαλλον, οὐκ ἀξιούντων ἑτέροισ ἕπεσθαι, συνιδὼν τὸν κίνδυνον ὁ Θεμιστοκλῆσ αὐτόσ τε τὴν ἀρχὴν τῷ Εὐρυβιάδῃ παρῆκε καὶ κατεπράϋνε τοὺσ Ἀθηναίουσ, ὑπισχνούμενοσ, ἂν ἄνδρεσ ἀγαθοὶ γένωνται πρὸσ τὸν πόλεμον, ἑκόντασ αὐτοῖσ παρέξειν εἰσ τὰ λοιπὰ πειθομένουσ τοὺσ Ἕλληνασ. διόπερ δοκεῖ τῆσ σωτηρίασ αἰτιώτατοσ γενέσθαι τῇ Ἑλλάδι καὶ μάλιστα τοὺσ Ἀθηναίουσ προαγαγεῖν εἰσ δόξαν, ὡσ ἀνδρείᾳ μὲν τῶν πολεμίων, εὐγνωμοσύνῃ δὲ τῶν συμμάχων περιγενομένουσ.

ἐπεὶ δὲ ταῖσ Ἀφεταῖσ τοῦ βαρβαρικοῦ στόλου προσμίξαντοσ ἐκπλαγεὶσ ὁ Εὐρυβιάδησ τῶν κατὰ στόμα νεῶν τὸ πλῆθοσ, ἄλλασ δὲ πυνθανόμενοσ διακοσίασ ὑπὲρ Σκιάθου περιπλεῖν, ἐβούλετο τὴν ταχίστην εἴσω τῆσ Ἑλλάδοσ κομισθεὶσ ἅψασθαι Πελοποννήσου καὶ τὸν πεζὸν στρατὸν ταῖσ ναυσὶ προσπεριβαλέσθαι, παντάπασιν ἀπρόσμαχον ἡγούμενοσ τὴν κατὰ θάλατταν ἀλκὴν βασιλέωσ, δείσαντεσ οἱ Εὐβοεῖσ, μὴ σφᾶσ οἱ Ἕλληνεσ πρόωνται, κρύφα τῷ Θεμιστοκλεῖ διελέγοντο, Πελάγοντα μετὰ χρημάτων πολλῶν πέμψαντεσ.

ἃ λαβὼν ἐκεῖνοσ, ὡσ Ἡρόδοτοσ ἱστόρηκε, τοῖσ περὶ τὸν Εὐρυβιάδην ἔδωκεν.

ἐναντιουμένου δ’ αὐτῷ μάλιστα τῶν πολιτῶν Ἀρχιτέλουσ, ὃσ ἦν μὲν ἐπὶ τῆσ ἱερᾶσ νεὼσ τριήραρχοσ, οὐκ ἔχων δὲ χρήματα τοῖσ ναύταισ χορηγεῖν ἔσπευδεν ἀποπλεῦσαι, παρώξυνεν ἔτι μᾶλλον ὁ Θεμιστοκλῆσ τοὺσ τριηρίτασ ἐπ’ αὐτόν, ὥστε τὸ δεῖπνον ἁρπάσαι συνδραμόντασ. τοῦ δ’ Ἀρχιτέλουσ ἀθυμοῦντοσ ἐπὶ τούτῳ καὶ βαρέωσ φέροντοσ, εἰσέπεμψεν ὁ Θεμιστοκλῆσ πρὸσ αὐτὸν ἐν κίστῃ δεῖπνον ἄρτων καὶ κρεῶν, ὑποθεὶσ κάτω τάλαντον ἀργυρίου καὶ κελεύσασ αὐτόν τε δειπνεῖν ἐν τῷ παρόντι καὶ μεθ’ ἡμέραν ἐπιμεληθῆναι τῶν τριηριτῶν·

εἰ δὲ μή, καταβοήσειν αὐτοῦ πρὸσ τοὺσ παρόντασ ὡσ ἔχοντοσ ἀργύριον παρὰ τῶν πολεμίων. ταῦτα μὲν οὖν Φανίασ ὁ Λέσβιοσ εἴρηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 7

(플루타르코스, Θεμιστοκλῆς, chapter 7)

상위

목록

SEARCH

MENU NAVIGATION