Plutarch, Θεμιστοκλῆς, chapter 17

(플루타르코스, Θεμιστοκλῆς, chapter 17)

πόλεων μὲν οὖν τὴν Αἰγινητῶν ἀριστεῦσαί φησιν Ἡρόδοτοσ, Θεμιστοκλεῖ δέ, καίπερ ἄκοντεσ ὑπὸ φθόνου, τὸ πρωτεῖον ἀπέδοσαν ἅπαντεσ. ἐπεὶ γὰρ ἀναχωρήσαντεσ εἰσ τὸν Ἰσθμὸν ἀπὸ τοῦ βωμοῦ τὴν ψῆφον ἔφερον οἱ στρατηγοί, πρῶτον μὲν ἕκαστοσ ἑαυτὸν ἀπέφαινεν ἀρετῇ, δεύτερον δὲ μεθ’ ἑαυτὸν Θεμιστοκλέα. Λακεδαιμόνιοι δ’ εἰσ τὴν Σπάρτην αὐτὸν καταγαγόντεσ Εὐρυβιάδῃ μὲν ἀνδρείασ, ἐκείνῳ δὲ σοφίασ ἀριστεῖον ἔδοσαν θαλλοῦ στέφανον, καὶ τῶν κατὰ τὴν πόλιν ἁρμάτων τὸ πρωτεῦον ἐδωρήσαντο καὶ τριακοσίουσ τῶν νέων πομποὺσ ἄχρι τῶν ὁρ́ων συνεξέπεμψαν. λέγεται δ’ Ὀλυμπίων τῶν ἐφεξῆσ ἀγομένων καὶ παρελθόντοσ εἰσ τὸ στάδιον τοῦ Θεμιστοκλέουσ, ἀμελήσαντασ τῶν ἀγωνιστῶν τοὺσ παρόντασ ὅλην τὴν ἡμέραν ἐκεῖνον θεᾶσθαι καὶ τοῖσ ξένοισ ἐπιδεικνύειν ἅμα θαυμάζοντασ καὶ κροτοῦντασ, ὥστε καὶ αὐτὸν ἡσθέντα πρὸσ τοὺσ φίλουσ ὁμολογῆσαι τὸν καρπὸν ἀπέχειν τῶν ὑπὲρ τῆσ Ἑλλάδοσ αὐτῷ πονηθέντων.

일치하는 문장이 없습니다.

SEARCH

MENU NAVIGATION