헬라어 문장 검색 - Πλυταρ́Τηεμιστ́32́

(플루타르코스, Θεμιστοκλῆς, chapter 32)

ἀπέλιπε δὲ Θεμιστοκλῆσ παῖδασ ἐκ μὲν Ἀρχίππησ τῆσ Λυσάνδρου τοῦ Ἀλωπεκῆθεν Ἀρχέπτολιν καὶ Πολύευκτον καὶ Κλεόφαντον, οὗ καὶ Πλάτων ὁ φιλόσοφοσ ὡσ ἱππέωσ ἀρίστου, τἆλλα δ’ οὐδενὸσ ἀξίου γενομένου μνημονεύει. τῶν δὲ πρεσβυτάτων Νεοκλῆσ μὲν ἔτι παῖσ ὢν ὑφ’ ἵππου δηχθεὶσ ἀπέθανε, Διοκλέα δὲ Λύσανδροσ ὁ πάπποσ υἱὸν ἐποιήσατο. θυγατέρασ δὲ πλείουσ ἔσχεν, ὧν Μνησιπτολέμαν μὲν ἐκ τῆσ ἐπιγαμηθείσησ γενομένην Ἀρχέπτολισ ὁ ἀδελφὸσ οὐκ ὢν ὁμομήτριοσ ἔγημεν, Ἰταλίαν δὲ Πανθοίδησ ὁ Χῖοσ, Σύβαριν δὲ Νικομήδησ ὁ Ἀθηναῖοσ·

Νικομάχην δὲ Φρασικλῆσ ὁ ἀδελφιδοῦσ Θεμιστοκλέουσ, ἤδη τετελευτηκότοσ ἐκείνου, πλεύσασ εἰσ Μαγνησίαν ἔλαβε παρὰ τῶν ἀδελφῶν, νεωτάτην δὲ πάντων τῶν τέκνων Ἀσίαν ἔθρεψε. καὶ τάφον μὲν αὐτοῦ λαμπρὸν ἐν τῇ ἀγορᾷ Μάγνητεσ ἔχουσι·

περὶ δὲ τῶν λειψάνων οὔτ’ Ἀνδοκίδῃ προσέχειν ἄξιον ἐν τῷ Πρὸσ τοὺσ ἑταίρουσ λέγοντι, φωράσαντασ τὰ λείψανα διαρρῖψαι τοὺσ Ἀθηναίουσ ψεύδεται γὰρ ἐπὶ τὸν δῆμον παροξύνων τοὺσ ὀλιγαρχικούσ, ὅ τε Φύλαρχοσ, ὥσπερ ἐν τραγῳδίᾳ τῇ ἱστορίᾳ μονονοὺ μηχανὴν ἄρασ καὶ προαγαγὼν Νεοκλέα τινὰ καὶ Δημόπολιν, υἱοὺσ Θεμιστοκλέουσ, ἀγῶνα βούλεται κινεῖν καὶ πάθοσ, ὃ οὐδ’ ἂν ὁ τυχὼν ἀγνοήσειεν ὅτι πέπλασται. Διόδωροσ δ’ ὁ περιηγητὴσ ἐν τοῖσ Περὶ μνημάτων εἴρηκεν ὡσ ὑπονοῶν μᾶλλον ἢ γινώσκων, ὅτι περὶ τὸν μέγαν λιμένα τοῦ Πειραιῶσ ἀπὸ τοῦ κατὰ τὸν Ἄλκιμον ἀκρωτηρίου πρόκειταί τισ οἱο͂ν ἀγκών, καὶ κάμψαντι τοῦτον ἐντόσ, ᾗ τὸ ὑπεύδιον τῆσ θαλάττησ, κρηπίσ ἐστιν εὐμεγέθησ καὶ τὸ περὶ αὐτὴν βωμοειδὲσ τάφοσ τοῦ Θεμισκοκλέουσ.

οἰέται δε καὶ Πλάτωνα τὸν κωμικὸν αὐτῷ μαρτυρεῖν ἐν τούτοισ·

ὁ σὸσ δὲ τύμβοσ ἐν καλῷ κεχωσμένοσ τοῖσ ἐμπόροισ πρόσρησισ ἔσται πανταχοῦ, τούσ τ’ ἐκπλέοντασ εἰσπλέοντάσ τ’ ὄψεται, χὠπόταν ἅμιλλα τῶν νεῶν θεάσεται. τοῖσ δ’ ἀπὸ γένουσ τοῦ Θεμιστοκλέουσ καὶ τιμαί τινεσ ἐν Μαγνησίᾳ φυλαττόμεναι μέχρι τῶν ἡμετέρων χρόνων ἦσαν, ἃσ ἐκαρποῦτο Θεμιστοκλῆσ Ἀθηναῖοσ, ἡμέτεροσ συνήθησ καὶ φίλοσ παρ’ Ἀμμωνίῳ τῷ φιλοσόφῳ γενόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 32

(플루타르코스, Θεμιστοκλῆς, chapter 32)

상위

목록

SEARCH

MENU NAVIGATION