Plutarch, Θεμιστοκλῆς, chapter 15

(플루타르코스, Θεμιστοκλῆς, chapter 15)

ἐν δὲ τούτῳ τοῦ ἀγῶνοσ ὄντοσ φῶσ μὲν ἐκλάμψαι μέγα λέγουσιν Ἐλευσινόθεν, ἦχον δὲ καὶ φωνὴν τὸ Θριάσιον κατέχειν πεδίον ἄχρι θαλάττησ, ὡσ ἀνθρώπων ὁμοῦ πολλῶν τὸν μυστικὸν ἐξαγόντων Ιἄκχον. ἐκ δὲ τοῦ πλήθουσ τῶν φθεγγομένων κατὰ μικρὸν ἀπὸ γῆσ ἀναφερόμενον νέφοσ ἔδοξεν αὖθισ ὑπονοστεῖν καὶ κατασκήπτειν εἰσ τὰσ τριήρεισ. ἕτεροι δὲ φάσματα καὶ εἴδωλα καθορᾶν ἔδοξαν ἐνόπλων ἀνδρῶν ἀπ’ Αἰγίνησ τὰσ χεῖρασ ἀνεχόντων πρὸ τῶν Ἑλληνικῶν τριηρῶν· οὓσ εἴκαζον Αἰακίδασ εἶναι παρακεκλημένουσ εὐχαῖσ πρὸ τῆσ μάχησ ἐπὶ τὴν βοήθειαν. πρῶτοσ μὲν οὖν λαμβάνει ναῦν Λυκομήδησ, ἀνὴρ Ἀθηναῖοσ τριηραρχῶν, ἧσ τὰ παράσημα περικόψασ ἀνέθηκεν Ἀπόλλωνι δαφνηφόρῳ Φλυῆσιν.

οἱ δ’ ἄλλοι τοῖσ βαρβάροισ ἐξισούμενοι τὸ πλῆθοσ ἐν στενῷ κατὰ μέροσ προσφερομένουσ καὶ περιπίπτοντασ ἀλλήλοισ ἐτρέψαντο, μέχρι δείλησ ἀντισχόντασ, ὡσ εἴρηκε Σιμωνίδησ, τὴν καλὴν ἐκείνην καὶ περιβόητον ἀράμενοι νίκην, ἧσ οὔθ’ Ἕλλησιν οὔτε βαρβάροισ ἐνάλιον ἔργον εἴργασται λαμπρότερον, ἀνδρείᾳ μὲν καὶ προθυμίᾳ κοινῇ τῶν ναυμαχησάντων, γνώμῃ δὲ καὶ δεινότητι τῇ Θεμιστοκλέουσ.

일치하는 문장이 없습니다.

SEARCH

MENU NAVIGATION