헬라어 문장 검색 - Πλυταρ́Τηεμιστ́26́

(플루타르코스, Θεμιστοκλῆς, chapter 26)

ἐπεὶ δὲ κατέπλευσεν εἰσ Κύμην καὶ πολλοὺσ ᾔσθετο τῶν ἐπὶ θαλάττῃ παραφυλάττοντασ αὐτὸν λαβεῖν, μάλιστα δὲ τοὺσ περὶ Ἐργοτέλη καὶ Πυθόδωρον ἦν γὰρ ἡ θήρα λυσιτελὴσ τοῖσ τὸ κερδαίνειν ἀπὸ παντὸσ ἀγαπῶσι, διακοσίων ἐπικεκηρυγμένων αὐτῷ ταλάντων ὑπὸ τοῦ βασιλέωσ , ἔφυγεν εἰσ Αἰγάσ, Αἰολικὸν πολισμάτιον, ὑπὸ πάντων ἀγνοούμενοσ πλὴν τοῦ ξένου Νικογένουσ, ὃσ Αἰολέων πλείστην οὐσίαν ἐκέκτητο καὶ τοῖσ ἄνω δυνατοῖσ γνώριμοσ ὑπῆρχε. παρὰ τούτῳ κρυπτόμενοσ ἡμέρασ ὀλίγασ διέτριψεν·

εἶτα μετὰ τὸ δεῖπνον ἐκ θυσίασ τινοσ Ὄλβιοσ ὁ τῶν τέκνων τοῦ Νικογένουσ παιδαγωγὸσ ἔκφρων γενόμενοσ καὶ θεοφόρητοσ ἀνεφώνησεν ἐν μέτρῳ ταυτί· νυκτὶ φωνήν, νυκτὶ βουλήν, νυκτὶ τὴν νίκην δίδου. Καὶ μετὰ ταῦτα κοιμηθεὶσ ὁ Θεμιστοκλῆσ ὄναρ ἔδοξεν ἰδεῖν δράκοντα κατὰ τῆσ γαστρὸσ αὐτοῦ περιελιττόμενον καὶ προσανέρποντα τῷ τραχήλῳ· γενόμενον δ’ ἀετόν, ὡσ ἥψατο τοῦ προσώπου, περιβαλόντα τὰσ πτέρυγασ ἐξᾶραι καὶ κομίζειν πολλὴν ὁδόν, εἶτα χρυσοῦ τινὸσ κηρυκείου φανέντοσ, ἐπὶ τούτου στῆσαι βεβαίωσ αὐτὸν ἀμηχάνου δείματοσ καὶ ταραχῆσ ἀπαλλαγέντα. πέμπεται δ’ οὖν ὑπὸ τοῦ Νικογένουσ μηχανησαμένου τι τοιόνδε.

τοῦ βαρβαρικοῦ γένουσ τὸ πολὺ καὶ μάλιστα τὸ Περσικὸν εἰσ ζηλοτυπίαν τὴν περὶ τὰσ γυναῖκασ ἄγριον φύσει καὶ χαλεπόν ἐστιν. οὐ γὰρ μόνον τὰσ γαμετάσ, ἀλλὰ καὶ τὰσ ἀργυρωνήτουσ καὶ παλλακευομένασ ἰσχυρῶσ παραφυλάττουσιν, ὡσ ὑπὸ μηδενὸσ ὁρᾶσθαι τῶν ἐκτόσ, ἀλλ’ οἴκοι μὲν διαιτᾶσθαι κατακεκλεισμένασ, ἐν δὲ ταῖσ ὁδοιπορίαισ ὑπὸ σκηνὰσ κύκλῳ περιπεφραγμένασ ἐπὶ τῶν ἁρμαμαξῶν ὀχεῖσθαι τοιαύτησ τῷ Θεμιστοκλεῖ κατασκευασθείσησ ἀπήνησ καταδὺσ ἐκομίζετο, τῶν περὶ αὐτὸν ἀεὶ τοῖσ ἐντυγχάνουσι καὶ πυνθανομένοισ λεγόντων, ὅτι γύναιον Ἑλληνικὸν ἄγουσιν ἀπ’ Ιὠνίασ πρόσ τινα τῶν ἐπὶ θύραισ βασιλέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 26

(플루타르코스, Θεμιστοκλῆς, chapter 26)

상위

목록

SEARCH

MENU NAVIGATION