헬라어 문장 검색 - Πλυταρ́Τηεμιστ́21́

(플루타르코스, Θεμιστοκλῆς, chapter 21)

ἦν δὲ καὶ τοῖσ συμμάχοισ ἐπαχθὴσ περιπλέων τε τὰσ νήσουσ καὶ χρηματιζόμενοσ ἀπ’ αὐτῶν· οἱᾶ καὶ πρὸσ Ἀνδρίουσ ἀργύριον αἰτοῦντά φησιν αὐτὸν Ἡρόδοτοσ εἰπεῖν τε καὶ ἀκοῦσαι. δύο γὰρ ἥκειν ἔφη θεοὺσ κομίζων, Πειθὼ καὶ Βίαν· οἱ δ’ ἔφασαν εἶναι καὶ παρ’ αὐτοῖσ θεοὺσ μεγάλουσ δύο, Πενίαν καὶ Ἀπορίαν, ὑφ’ ὧν κωλύεσθαι δοῦναι χρήματα ἐκείνῳ. Τιμοκρέων δ’ ὁ Ῥόδιοσ μελοποιὸσ ἐν ᾄσματι καθάπτεται πικρότερον τοῦ Θεμιστοκλέουσ, ὡσ ἄλλουσ μὲν ἐπὶ χρήμασι φυγάδασ διαπραξαμένου κατελθεῖν, αὐτὸν δὲ ξένον ὄντα καὶ φίλον προεμένου δι’ ἀργύριον. λέγει δ’ οὕτωσ·

ἀλλ’ εἰ τύγε Παυσανίαν ἢ καὶ τύγε Ξάνθιππον αἰνεῖσ ἢ τύγε Λευτυχίδαν, ἐγὼ δ’ Ἀριστείδαν ἐπαινέω ἄνδρ’ ἱερᾶν ἀπ’ Ἀθανᾶν ἐλθεῖν ἕνα λῷστον· ἐπεὶ Θεμιστοκλῆ ἤχθαρε Λατώ, ψεύσταν, ἄδικον, προδόταν, ὃσ Τιμοκρέοντα ξεῖνον ἐόντ’ ἀργυρίοισ σκυβαλικτοῖσι πεισθεὶσ οὐ κατᾶγεν εἰσ πάτραν Ιἀλυσόν, λαβὼν δὲ τρί’ ἀργυρίου τάλαντ’ ἔβα πλέων εἰσ ὄλεθρον, τοὺσ μὲν κατάγων ἀδίκωσ, τοὺσ δ’ ἐκδιώκων, τοὺσ δὲ καίνων, ἀργυρίων ὑπόπλεωσ, Ἰσθμοῖ δ’ ἐπανδόκευε γελοίωσ ψυχρὰ κρέα παρέχων· οἱ δ’ ἤσθιον κηὔχοντο μὴ ὡρ́αν Θεμιστοκλεῦσ γενέσθαι.

πολὺ δ’ ἀσελγεστέρᾳ καὶ ἀναπεπταμένῃ μᾶλλον εἰσ τὸν Θεμιστοκλέα βλασφημίᾳ κέχρηται μετὰ τὴν φυγὴν αὐτοῦ καὶ τὴν καταδίκην ὁ Τιμοκρέων ᾆσμα ποιήσασ, οὗ ἐστιν ἀρχή·

Μοῦσα τοῦδε τοῦ μέλεοσ κλέοσ ἀν’ Ἕλλανασ τίθει, ὡσ ἐοικὸσ καὶ δίκαιον. λέγεται δ’ ὁ Τιμοκρέων ἐπὶ μηδισμῷ φυγεῖν συγκαταψηφισαμένου τοῦ Θεμιστοκλέουσ. ὡσ οὖν ὁ Θεμιστοκλῆσ αἰτίαν ἔσχε μηδίζειν, ταῦτ’ ἐποίησεν εἰσ αὐτόν·

οὐκ ἄρα Τιμοκρέων μοῦνοσ Μήδοισιν ὁρκιατομεῖ, ἀλλ’ ἐντὶ κἆλλοι δὴ πονηροί· οὐκ ἐγὼ μόνα κόλουρισ· ἐντὶ καὶ ἄλλαι ἀλώπεκεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 21

(플루타르코스, Θεμιστοκλῆς, chapter 21)

상위

목록

SEARCH

MENU NAVIGATION