헬라어 문장 검색 - Πλυταρ́Τηεμιστ́20́

(플루타르코스, Θεμιστοκλῆς, chapter 20)

Θεμιστοκλῆσ δὲ καὶ μεῖζόν τι περὶ τῆσ ναυτικῆσ διενοήθη δυνάμεωσ. ἐπεὶ γὰρ ὁ τῶν Ἑλλήνων στόλοσ ἀπηλλαγμένου Ξέρξου κατῆρεν εἰσ Παγασὰσ καὶ διεχείμαζε, δημηγορῶν ἐν τοῖσ Ἀθηναίοισ ἔφη τινα πρᾶξιν ἔχειν ὠφέλιμον μὲν αὐτοῖσ καὶ σωτήριον, ἀπόρρητον δὲ πρὸσ τοὺσ πολλούσ. τῶν δ’ Ἀθηναίων Ἀριστείδῃ φράσαι μόνῳ κελευόντων, κἂν ἐκεῖνοσ δοκιμάσῃ περαίνειν, ὁ μὲν Θεμιστοκλῆσ ἔφρασε τῷ Ἀριστείδῃ, τὸ νεώριον ἐμπρῆσαι διανοεῖσθαι τῶν Ἑλλήνων·

ὁ δ’ Ἀριστείδησ εἰσ τὸν δῆμον παρελθὼν ἔφη τῆσ πράξεωσ, ἣν διανοεῖται πράττειν ὁ Θεμιστοκλῆσ, μηδεμίαν εἶναι μήτε λυσιτελεστέραν μήτ’ ἀδικωτέραν. οἱ μὲν οὖν Ἀθηναῖοι διὰ ταῦτα παύσασθαι τῷ Θεμιστοκλεῖ προσέταξαν. ἐν δὲ τοῖσ Ἀμφικτυονικοῖσ συνεδρίοισ τῶν Λακεδαιμονίων εἰσηγουμένων, ὅπωσ ἀπείργωνται τῆσ Ἀμφικτυονίασ αἱ μὴ συμμαχήσασαι κατὰ τοῦ Μήδου πόλεισ, φοβηθείσ, μὴ Θετταλοὺσ καὶ Ἀργείουσ, ἔτι δὲ Θηβαίουσ ἐκβαλόντεσ τοῦ συνεδρίου παντελῶσ ἐπικρατήσωσι τῶν ψήφων καὶ γένηται τὸ δοκοῦν ἐκείνοισ, συνεῖπε ταῖσ πόλεσι καὶ μετέθηκε τὰσ γνώμασ τῶν πυλαγόρων, διδάξασ, ὡσ τριάκοντα καὶ μία μόναι πόλεισ εἰσὶν αἱ μετασχοῦσαι τοῦ πολέμου, καὶ τούτων αἱ πλείουσ παντάπασι μικραί·

δεινὸν οὖν, εἰ τῆσ ἄλλησ Ἑλλάδοσ ἐκσπόνδου γενομένησ ἐπὶ ταῖσ μεγίσταισ δυσὶν ἢ τρισὶ πόλεσιν ἔσται τὸ συνέδριον.

ἐκ τούτου μὲν οὖν μάλιστα τοῖσ Λακεδαιμονίοισ προσέκρουσε· διὸ καὶ τὸν Κίμωνα προῆγον ταῖσ τιμαῖσ, ἀντίπαλον ἐν τῇ πολιτείᾳ τῷ Θεμιστοκλεῖ καθιστάντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 20

(플루타르코스, Θεμιστοκλῆς, chapter 20)

상위

목록

SEARCH

MENU NAVIGATION