헬라어 문장 검색 - Πλυταρ́Τηεμιστ́19́

(플루타르코스, Θεμιστοκλῆς, chapter 19)

γενόμενοσ δ’ ἀπὸ τῶν πράξεων ἐκείνων εὐθὺσ ἐπεχείρει τὴν πόλιν ἀνοικοδομεῖν καὶ τειχίζειν, ὡσ μὲν ἱστορεῖ Θεόπομποσ, χρήμασι πείσασ μὴ ἐναντιωθῆναι τοὺσ ἐφόρουσ, ὡσ δ’ οἱ πλεῖστοι, παρακρουσάμενοσ. ἧκε μὲν γὰρ εἰσ Σπάρτην ὄνομα πρεσβείασ ἐπιγραψάμενοσ· ἐγκαλούντων δὲ τῶν Σπαρτιατῶν, ὅτι τειχίζουσι τὸ ἄστυ, καὶ Πολυάρχου κατηγοροῦντοσ ἐπίτηδεσ ἐξ Αἰγίνησ ἀποσταλέντοσ, ἠρνεῖτο καὶ πέμπειν ἐκέλευεν εἰσ Ἀθήνασ τοὺσ κατοψομένουσ, ἅμα μὲν ἐμβάλλων τῷ τειχισμῷ χρόνον ἐκ τῆσ διατριβῆσ, ἅμα δὲ βουλόμενοσ ἀντ’ αὐτοῦ τοὺσ πεμπομένουσ ὑπάρχειν τοῖσ Ἀθηναίοισ. ὃ καὶ συνέβη·

γνόντεσ γὰρ οἱ Λακεδαιμόνιοι τὸ ἀληθὲσ οὐκ ἠδίκησαν αὐτόν, ἀλλ’ ἀδήλωσ χαλεπαίνοντεσ ἀπέπεμψαν. ἐκ δὲ τούτου τὸν Πειραιᾶ κατεσκεύαζε, τὴν τῶν λιμένων εὐφυί̈αν κατανοήσασ καὶ τὴν πόλιν ὅλην ἁρμοττόμενοσ πρὸσ τὴν θάλατταν, καὶ τρόπον τινὰ τοῖσ παλαιοῖσ βασιλεῦσι τῶν Ἀθηναίων ἀντιπολιτευόμενοσ. ἐκεῖνοι μὲν γάρ, ὡσ λέγεται, πραγματευόμενοι τοὺσ πολίτασ ἀποσπάσαι τῆσ θαλάττησ καὶ συνεθίσαι ζῆν μὴ πλέοντασ, ἀλλὰ τὴν χώραν φυτεύοντασ, τὸν περὶ τῆσ Ἀθηνᾶσ διέδοσαν λόγον, ὡσ ἐρίσαντα περὶ τῆσ χώρασ τὸν Ποσειδῶ δείξασα τὴν μορίαν τοῖσ δικασταῖσ ἐνίκησε.

Θεμιστοκλῆσ δ’ οὐχ, ὡσ Ἀριστοφάνησ ὁ κωμικὸσ λέγει, τῇ πόλει τὸν Πειραιᾶ προσέμαξεν, ἀλλὰ τὴν πόλιν ἐξῆψε τοῦ Πειραιῶσ καὶ τὴν γῆν τῆσ θαλάττησ· ὅθεν καὶ τὸν δῆμον ηὔξησε κατὰ τῶν ἀρίστων καὶ θράσουσ ἐνέπλησεν, εἰσ ναύτασ καὶ κελευστὰσ καὶ κυβερνήτασ τῆσ δυνάμεωσ ἀφικομένησ.

διὸ καὶ τὸ βῆμα τὸ ἐν Πνυκὶ πεποιημένον ὥστ’ ἀποβλέπειν πρὸσ τὴν θάλασσαν ὕστερον οἱ τριάκοντα πρὸσ τὴν χώραν ἀπέστρεψαν, οἰόμενοι τὴν μὲν κατὰ θάλατταν ἀρχὴν γένεσιν εἶναι δημοκρατίασ, ὀλιγαρχίᾳ δ’ ἧττον δυσχεραίνειν τοὺσ γεωργοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 19

(플루타르코스, Θεμιστοκλῆς, chapter 19)

상위

목록

SEARCH

MENU NAVIGATION