헬라어 문장 검색 - Πλυταρ́Τηεμιστ́03́

(플루타르코스, Θεμιστοκλῆς, chapter 3)

ταχὺ μέντοι καὶ νεανικῶσ ἐοίκεν ἅψασθαι τοῦ Θεμιστοκλέουσ τὰ πολιτικὰ πράγματα καὶ σφόδρα ἡ πρὸσ δόξαν ὁρμὴ κρατῆσαι. δι’ ἣν εὐθὺσ ἐξ ἀρχῆσ τοῦ πρωτεύειν ἐφιέμενοσ ἰταμῶσ ὑφίστατο τὰσ πρὸσ τοὺσ δυναμένουσ ἐν τῇ πόλει καὶ πρωτεύοντασ ἀπεχθείασ, μάλιστα δὲ Ἀριστείδην τὸν Λυσιμάχου, τὴν ἐναντίαν ἀεὶ πορευόμενον αὐτῷ. καίτοι δοκεῖ παντάπασιν ἡ πρὸσ τοῦτον ἔχθρα μειρακιώδη λαβεῖν ἀρχήν· ἠράσθησαν γὰρ ἀμφότεροι τοῦ καλοῦ Στησίλεω, Κείου τὸ γένοσ ὄντοσ, ὡσ Ἀρίστων ὁ φιλόσοφοσ ἱστόρηκεν. ἐκ δὲ τούτου διετέλουν καὶ περὶ τὰ δημόσια στασιάζοντεσ.

οὐ μὴν ἀλλ’ ἡ τῶν βίων καὶ τῶν τρόπων ἀνομοιότησ ἐοίκεν αὐξῆσαι τὴν διαφοράν. πρᾷοσ γὰρ ὢν φύσει καὶ καλοκαγαθικὸσ τὸν τρόπον ὁ Ἀριστείδησ, καὶ πολιτευόμενοσ οὐ πρὸσ χάριν οὐδὲ πρὸσ δόξαν, ἀλλ’ ἀπὸ τοῦ βελτίστου μετὰ ἀσφαλείασ καὶ δικαιοσύνησ, ἠναγκάζετο τῷ Θεμιστοκλεῖ τὸν δῆμον ἐπὶ πολλὰ κινοῦντι καὶ μεγάλασ ἐπιφέροντι καινοτομίασ ἐναντιοῦσθαι πολλάκισ, ἐνιστάμενοσ αὐτοῦ πρὸσ τὴν αὔξησιν. λέγεται γὰρ οὕτω παράφοροσ πρὸσ δόξαν εἶναι καὶ πράξεων μεγάλων ὑπὸ φιλοτιμίασ ἐραστήσ, ὥστε νέοσ ὢν ἔτι τῆσ ἐν Μαραθῶνι μάχησ πρὸσ τοὺσ βαρβάρουσ γενομένησ καὶ τῆσ Μιλτιάδου στρατηγίασ διαβοηθείσησ σύννουσ ὁρᾶσθαι τὰ πολλὰ πρὸσ ἑαυτῷ καὶ τὰσ νύκτασ ἀγρυπνεῖν καὶ τοὺσ πότουσ παραιτεῖσθαι τοὺσ συνήθεισ, καὶ λέγειν πρὸσ τοὺσ ἐρωτῶντασ καὶ θαυμάζοντασ τὴν περὶ τὸν βίον μεταβολήν, ὡσ καθεύδειν αὐτὸν οὐκ ἐῴη τὸ τοῦ Μιλτιάδου τρόπαιον.

οἱ μὲν γὰρ ἄλλοι πέρασ ᾤοντο τοῦ πολέμου τὴν ἐν Μαραθῶνι τῶν βαρβάρων ἧτταν εἶναι, Θεμιστοκλῆσ δὲ ἀρχὴν μειζόνων ἀγώνων, ἐφ’ οὓσ ἑαυτὸν ὑπὲρ τῆσ ὅλησ Ἑλλάδοσ ἤλειφε καὶ τὴν πόλιν ἤσκει πόρρωθεν ἔτι προσδοκῶν τὸ μέλλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Θεμιστοκλῆς, chapter 3

(플루타르코스, Θεμιστοκλῆς, chapter 3)

상위

목록

SEARCH

MENU NAVIGATION