헬라어 문장 검색 - Παυσαν́Δεσξριπ́5́05́

(파우사니아스, Description of Greece, Ἠλιακῶν Α, chapter 5)

χρόνῳ δὲ ὕστερον Ἀριστότιμοσ ὁ Δαμαρέτου τοῦ Ἐτύμονοσ τυραννίδα ἔσχεν ἐν Ἠλείᾳ, συμπαρασκευάσαντοσ αὐτῷ τὰ ἐσ τὴν ἐπίθεσιν Ἀντιγόνου τοῦ Δημητρίου βασιλεύοντοσ ἐν Μακεδονίᾳ· τὸν δὲ Ἀριστότιμον μῆνασ τυραννήσαντα ἓξ καταλύουσιν ἐπαναστάντεσ Χίλων καὶ Ἑλλάνικοσ καὶ Λάμπισ τε καὶ Κύλων, οὗτοσ δὲ καὶ αὐτοχειρίᾳ τὸν τύραννον ἀπέκτεινεν ὁ Κύλων ἐπὶ Διὸσ Σωτῆροσ βωμὸν καταφυγόντα ἱκέτην. τὰ μὲν δὴ ἐσ πόλεμον τοιαῦτα ὑπῆρχεν Ἠλείοισ, ὡσ περὶ αὐτῶν ἡμῖν ἐν τῷ παρόντι ἀπαριθμῆσαι μετρίωσ·

θαυμάσαι δ’ ἄν τισ ἐν τῇ γῇ τῇ Ἠλείᾳ τήν τε βύσσον, ὅτι ἐνταῦθα μόνον, ἑτέρωθι δὲ οὐδαμοῦ τῆσ Ἑλλάδοσ φύεται, καὶ ὅτι ἐν τῇ ὑπερορίᾳ καὶ οὐκ ἐντὸσ τῆσ χώρασ αἱ ἵπποι σφίσιν ἐκύισκον ἐκ τῶν ὄνων.

καὶ τούτου μὲν κατάραν τινὰ ἐλέγετο γενέσθαι τὸ αἴτιον·

ἡ δὲ βύσσοσ ἡ ἐν τῇ Ἠλείᾳ λεπτότητοσ μὲν ἕνεκα οὐκ ἀποδεῖ τῆσ Ἑβραίων, ἔστι δὲ οὐχ ὁμοίωσ ξανθή. ἰόντι δὲ ἀπὸ τῆσ Ἠλείασ χωρίον ἐστὶν ἐπὶ θάλασσαν καθῆκον, ὃ ὀνομάζεται μὲν Σαμικόν, ἐν δεξιᾷ δὲ ὑπὲρ αὐτὸ ἥ τε Τριφυλία καλουμένη καὶ πόλισ ἐστὶν ἐν τῇ Τριφυλίᾳ Λέπρεοσ.

ἐθέλουσι μὲν δὴ οἱ Λεπρεᾶται μοῖρα εἶναι τῶν Ἀρκάδων, φαίνονται δὲ Ἠλείων κατήκοοι τὸ ἐξ ἀρχῆσ ὄντεσ· καὶ ὅσοι αὐτῶν Ὀλύμπια ἐνίκησαν, Ἠλείουσ ἐκ Λεπρέου σφᾶσ ὁ κῆρυξ ἀνεῖπε. καὶ Ἀριστοφάνησ ἐποίησεν ὡσ Λέπρεοσ εἰή πόλισμα Ἠλείων. ἔστι δὲ ὁδὸσ ἐσ Λέπρεον ἀπὸ μὲν Σαμικοῦ τὸν Ἄνιγρον ποταμὸν ἀφέντι ἐν ἀριστερᾷ, ἑτέρα δὲ ἐξ Ὀλυμπίασ, τρίτη δὲ ἐξ Ἤλιδοσ· ἡμερήσιοσ δὲ αὐτῶν ἐστιν ἡ μακροτάτη. τεθῆναι δὲ τῇ πόλει τὸ ὄνομά φασιν ἀπὸ τοῦ οἰκιστοῦ Λεπρέου τοῦ Πυργέωσ.

ἐλέγετο δὲ καὶ ὡσ πρὸσ Ἡρακλέα ἐρίσειεν ὁ Λεπρέοσ μὴ ἀποδεῖν τοῦ Ἡρακλέουσ ἐσθίων· ἐπεὶ δὲ ἑκάτεροσ βοῦν αὐτῶν ἐν ἴσῳ τῷ καιρῷ κατέσφαξε καὶ εὐτρέπισεν ἐσ τὸ δεῖπνον, καὶ ἦν ὥσπερ καὶ ὑφίστατο ὁ Λεπρέοσ φαγεῖν οὐκ ἀδυνατώτεροσ τοῦ Ἡρακλέουσ, ἐτόλμησε τὸ μετὰ τοῦτο προσκαλέσασθαι καὶ ἐσ ἀγῶνα ὅπλων αὐτόν. καὶ ἀποθανεῖν τε Λεπρέον κρατηθέντα τῇ μάχῃ καὶ ἐν τῇ Φιγαλέων ταφῆναι λέγουσιν· γε οἱ Φιγαλεῖσ ἀποφῆναι Λεπρέου μνῆμα.

ἤδη δὲ ἤκουσα θυγατρὶ τοῦ Πυργέωσ Λεπρέᾳ προσποιούντων τὸν οἰκισμόν·

οἱ δὲ τοῖσ πρῶτον οἰκήσασιν ἐν τῇ γῇ νόσον φασὶν ἐπιγενέσθαι λέπραν καὶ οὕτω τὸ ὄνομα λαβεῖν τὴν πόλιν ἐπὶ τῶν οἰκητόρων τῇ συμφορᾷ. γενέσθαι δὲ οἱ Λεπρεῖταί σφισιν ἔλεγον ἐν τῇ πόλει Λευκαίου Διὸσ ναὸν καὶ Λυκούργου τάφον τοῦ Ἀλέου καὶ ἄλλον Καύκωνοσ· τούτῳ δὲ καὶ ἐπίθημα ἄνδρα ἐπεῖναι λύραν ἔχοντα. κατὰ δὲ ἐμὲ οὔτε μνῆμα ἐπίσημον οὔτε ἱερὸν ἦν θεῶν σφισιν οὐδενὸσ πλήν γε Δήμητροσ·

πλίνθου δὲ καὶ τοῦτο ἐπεποίητο ὠμῆσ καὶ οὐδὲν παρείχετο ἄγαλμα. Λεπρεατῶν δέ ἐστιν οὐ πόρρω τῆσ πόλεωσ Ἀρήνη καλουμένη πηγή, καὶ τὸ ὄνομα ἀπὸ τῆσ Ἀφαρέωσ γυναικὸσ τεθῆναι λέγουσι τῇ πηγῇ. ἀναστρέψαντι δὲ αὖθισ ἐπὶ τὸ Σαμικὸν καὶ διοδεύοντι τὸ χωρίον, Ἄνιγροσ ποταμὸσ ἐκδίδωσιν ἐσ θάλασσαν.

τούτου τὸ ῥεῦμα τοῦ ποταμοῦ πολλάκισ ἀνείργουσιν οἱ ἄνεμοι βίαιοι πνέοντεσ· φοροῦντεσ γὰρ κατ’ αὐτὸν τὴν θῖνα ἐκ τοῦ πελάγουσ ἐπέχουσι τοῦ πρόσω τὸ ὕδωρ. ὁπότε οὖν ἀμφοτέρωθεν ἡ ψάμμοσ ὑπό τε τῆσ θαλάσσησ καὶ τὰ ἐντὸσ ὑπὸ τοῦ ποταμοῦ διάβροχοσ γένοιτο, ἐνταῦθα καὶ ὑποζυγίοισ καὶ ἀνδρὶ ἔτι μᾶλλον εὐζώνῳ καταδῦναι κίνδυνόσ ἐστιν ἐσ αὐτήν. ὁ δὲ Ἄνιγροσ οὗτοσ ἐξ Ἀρκαδικοῦ μὲν κάτεισιν ὄρουσ Λαπίθου, παρέχεται δὲ εὐθὺσ ἀπὸ τῶν πηγῶν ὕδωρ οὐκ εὐῶδεσ, ἀλλὰ καὶ δύσοσμον δεινῶσ.

πρὶν δὲ ἢ καταδέξασθαι τὸν Ἀκίδαντα καλούμενον δῆλόσ ἐστιν οὐδὲ ἀρχὴν τρέφων ἰχθῦσ· οὐ σφᾶσ ἔτι ἐδωδίμουσ ἔχουσιν ἄνθρωποι, τὰ πρότερα, ἢν ἐντὸσ ἁλῶσι τοῦ Ἀκίδαντοσ, ἐδωδίμουσ ὄντασ.

ὅτι δὲ τῷ Ἀκίδαντι ὄνομα Ιἄρδανοσ ἦν τὸ ἀρχαῖον, αὐτὸσ μὲν οὐδαμόθεν συνεβαλόμην, ἀκούσασ δὲ ἀνδρὸσ Ἐφεσίου λέγω τὸν λόγον.

τῷ δὲ Ἀνίγρῳ τὸ ἄτοπον εἶναι τῆσ ὀσμῆσ ἀπὸ τῆσ γῆσ πείθομαι δι’ ἧσ ἄνεισι τὸ ὕδωρ, καθὰ δὴ καὶ τοῖσ ὑπὲρ Ιὠνίασ ἐστὶν ὕδασι τὸ αὐτὸ αἴτιον, ὁπόσων ἡ ἀτμὶσ ὀλέθριόσ ἐστιν ἀνθρώπῳ. Ἑλλήνων δὲ οἱ μὲν Χίρωνα, οἱ δὲ ἄλλον Κένταυρον Πυλήνορα τοξευθέντα ὑπὸ Ἡρακλέουσ καὶ φυγόντα τραυματίαν φασὶν ἐν τῷ ὕδατι ἀπολοῦσαι τούτῳ τὸ ἕλκοσ, καὶ ἀπὸ τῆσ ὕδρασ τοῦ ἰοῦ γενέσθαι δυσχερῆ τῷ Ἀνίγρῳ τὴν ὀσμήν·

οἱ δὲ ἐσ Μελάμποδα τὸν Ἀμυθάονοσ καὶ ἐσ τῶν Προίτου θυγατέρων τὰ καθάρσια ἐμβληθέντα ἐνταῦθα ἀνάγουσι τὴν αἰτίαν τοῦ ἐπὶ τῷ ποταμῷ παθήματοσ. ἔστι δὲ ἐν τῷ Σαμικῷ σπήλαιον οὐκ ἄπωθεν τοῦ ποταμοῦ, καλούμενον Ἀνιγρίδων νυμφῶν.

ὃσ δ’ ἂν ἔχων ἀλφὸν ἢ λεύκην ἐσ αὐτὸ ἐσέλθῃ, πρῶτα μὲν ταῖσ νύμφαισ εὔξασθαι καθέστηκεν αὐτῷ καὶ ὑποσχέσθαι θυσίαν ὁποίαν δή τινα, μετὰ δὲ ἀποσμήχει τὰ νοσοῦντα τοῦ σώματοσ· διανηξάμενοσ δὲ τὸν ποταμὸν ὄνειδοσ μὲν ἐκεῖνο κατέλιπεν ἐν τῷ ὕδατι αὐτοῦ, ὁ δὲ ὑγιήσ τε ἄνεισι καὶ ὁμόχρωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 5

(파우사니아스, Description of Greece, Ἠλιακῶν Α, chapter 5)

상위

목록

SEARCH

MENU NAVIGATION